About Us

Partners

News Stories

Contact Us

Inuktitut font

ᒪᒃᑯᒃᑑᕗᖓ, ᐅᐱᒻᒪᕗᖓ

Makkuktuuvunga, Upimmavunga

ᐃᓚᐅᒋᑦ ᐅᕙᑦᑎᓐᓄᑦ ᐅᖃᐅᓯᖃᖅᑎᓪᓗᑕ ᒪᒃᑯᒃᑐᑦ ᓴᐱᓕᖅᑕᐃᓕᔭᕆᐊᖃᖏᓂᖏᓐᓂᒃ. ᐊᐱᖅᓱᖅᑕᐅᓂᐊᖅᑐᑦ ᑕᐃᑲᓂᓐᓂᐊᖅᑐᑦ ᐅᖃᐅᓯᖃᕐᓂᐊᕐᒪᑕ ᐱᔾᔪᑕᐅᔪᓂᒃ ᐊᒻᒪ ᑭᐅᖃᑦᑕᕐᓗᑎᒃ ᐊᐱᖅᑯᑎᒋᔭᑦᓯᓐᓂᒃ.


Photos: Ed Maruyama Webcast of May 13, 2009

Watch here

Panel members included:

Jesse Mike, National Inuit Youth Council
Shannon O'Hara, Inuvialuit Regional Corporation
Jennie Williams, National Aboriginal Role Model
Herb Nakimayak, Paulatuk
Shawn Kuliktana, National Aboriginal Role Model, Kugluktuk;
Jesse Tungilik, Students on Ice



ᖃᓄᐃᒻᒪᑦ ᐱᓕᕆᐊᖃᖅᐱᑕ ᐃᓄᐃᑦ ᒪᒃᑯᒃᑐᑦ ᓴᐱᓕᖅᑕᐃᓕᔭᕆᐊᖃᕐᓂᖏᓐᓂᒃ ᐊᒻᒪ ᐱᓕᕆᓕᒻᒪᒃᓴᖅᑎᑕᐅᓗᑎᒃ ᓵᓐᖓᔭᖏᓐᓂᒃ ᐊᒃᓱᕈᕐᓇᖅᑐᓂᒃ?  

ᐅᓄᖅᑐᓂᒃ ᐱᓕᕆᐊᖃᓕᖅᑐᑦ ᓄᓇᓕᖕᓂᕐᒥᐅᑦ − ᐅᓄᖅᑐᐃᖅᓱᓗᐊᕐᖢᑎᒃ ᐱᓕᕆᔭᐅᖃᑦᑕᖅᑐᑦ ᒪᒃᑯᒃᑐᓄᑦ ᓇᖕᒥᓂᖅ − ᐃᑲᔪᕋᓱᐊᕐᖢᑎᒃ ᒪᒃᑯᒃᑐᓂᒃ ᐱᓕᕆᐊᖃᖁᓪᓗᒋᑦ ᓵᓐᖓᔭᖏᓐᓂᒃ ᐊᒻᒪ ᐊᒃᓱᕈᕐᓇᖅᑐᓂᒃ ᐊᓂᒍᐃᔪᓐᓇᖁᓪᓗᒋᑦ ᐃᓅᓯᖏᓐᓂ, “ᒪᒃᑯᒃᑑᕗᖓ, ᐅᐱᒪᕗᖓ, − ᒪᒃᑯᒃᑲᒪ ᐅᐱᒋᕙᕋ” ᐊᒻᒪ ᒪᒃᑯᒃᑐᓂᒃ ᑕᒪᓐᓇ ᐅᖃᐅᓯᕆᔭᐅᓕᕐᓗᓂ ᖃᓄᖅ ᐱᓕᕆᐊᖃᕈᓐᓇᕐᒪᖔᑕ ᐊᑲᐅᓐᖏᓕᐅᕈᑎᖏᓐᓂᒃ, ᐊᒃᓱᕈᕐᓇᖅᑐᓂᒃ ᓵᓐᖓᔭᖏᓐᓂᒃ, ᐊᒻᒪ ᓯᕗᒧᑦ ᓅᑉᐸᓪᓕᐊᖁᓪᓗᒋᑦ.  ᑖᒃᑯᐊ ᑕᑯᓐᓇᒐᒃᓴᐅᔪᖅ ᑕᑯᒃᓴᐅᑎᑦᓯᖃᑦᑕᕐᓂᐊᖅᑐᑦ ᐃᓚᖏᓐᓂᒃ ᐅᓂᒃᑳᓂᒃ ᓯᕗᒧᐊᒃᓯᒪᓂᖃᑦᓯᐊᖅᑐᓂᑦ ᐱᓕᕆᐊᓂᒃ ᐊᒻᒪ ᐱᓕᕆᔾᔪᑎᒃᓴᓂᒃ ᐃᑲᔪᖅᓯᔾᔪᑕᐅᔪᓂᒃ ᐃᓅᓯᖏᓐᓂ ᒪᒃᑯᒃᑐᑦ ᐃᓄᐃᑦ.

ᑭᓱᓂᒃ ᑐᓴᐅᒪᑎᑦᓯᓂᕐᒧᑦ ᑐᕌᒐᒃᓴᖃᖅᐱᑕ?

ᑖᓐᓇ ᑐᓴᖅᑕᐅᑎᑕᐅᓪᓗᐊᑕᕋᓱᐊᖅᑐᖅ ᐃᓄᖕᓄᑦ ᒪᒃᑯᒃᑐᓄᑦ ᓴᓐᖏᓂᖏᓐᓂᒃ ᐊᒻᒪ ᐅᐱᒪᑦᑎᐊᕐᓂᖏᓐᓂᒃ.  ᐊᖅᑯᑎᖃᕐᖢᑎᒃ “ᒪᒃᑯᒃᑑᕗᖓ, ᐅᐱᒪᕗᖓ − ᒪᒃᑯᒃᑲᒪ ᐅᐱᒋᕙᕋ” ᐱᓕᕆᖃᑎᒍᑦ, ᑕᑯᓂᐊᖅᑐᓯ ᒪᒃᑯᒃᑐᑦ ᐃᓱᒪᒋᔭᖏᓐᓂᒃ, ᐊᑐᖅᓯᒪᔭᖏᓐᓂᒡᓗ.  ᑕᑯᒃᓴᐅᑎᑦᓯᓂᐊᖅᐳᒍᑦ ᐆᒃᑐᕋᑎᓂᒃ ᐃᓚᖏᓐᓂᒃ ᐊᐅᓚᔾᔭᐃᒋᐊᕈᑎᓂᒃ ᒪᒃᑯᒃᑐᓄᑦ ᐱᓕᕆᔾᔪᑎᓂᒃ ᐊᒻᒪ ᐱᓕᕆᑎᑦᓯᔾᔪᑎᓂᒃ.  ᑖᒃᑯᐊ ᐱᓕᕆᑎᑦᓯᔾᔪᑎᑦ ᐃᑲᔪᕐᓯᓕᖅᑐᑦ ᐃᒻᒥᓂᒃ ᐅᐱᒋᖁᓪᓗᒋᑦ, ᓇᖕᒥᓂᖅ ᓴᐱᓕᖅᑕᐃᓕᖁᓪᓗᒋᑦ, ᐃᓕᖅᑯᓯᕐᒥᖕᓂᒃ ᐅᐱᒍᓱᖁᓪᓗᒋᑦ, ᐱᓕᒻᒪᒃᓴᖅᑕᐅᓪᓗᑎᒃ, ᖃᐅᔨᒪᓂᒃᑯᑦ, ᐊᒻᒪ ᓂᕆᐅᖕᓂᖃᕐᓂᖅᓴᐅᖁᓪᓗᒋᑦ ᓯᕗᓂᒃᓴᒧᑦ ᐃᓄᐃᑦ ᒪᒃᑯᒃᑐᖁᑎᖏᑦ.         

ᑭᓱᓂᒃ ᑕᑯᓂᐊᖅᐱᑦ ᑕᑯᓐᓇᒐᒃᓴᓂ?

ᑐᓴᕐᓂᐊᖅᑐᑎᑦ ᐅᖃᐅᓯᕆᔭᐅᔪᓂᒃ ᐊᐱᖅᓱᖅᑕᐅᖃᑦᑕᖅᑐᓂᒡᓗ ᑕᑯᓗᑎᒃ ᒪᒃᑯᒃᑐᓂᒃ ᐊᒻᒪ ᑕᓚᕖᓴᖅᑐᑦ ᐅᖃᐅᓯᖃᖃᑕᐅᓗᑎᒃ ᒪᒃᑯᒃᑐᑦ ᐃᓱᒪᒋᔭᖏᓐᓂᒃ, ᐊᒻᒪ ᐊᑐᖅᓯᒪᔭᖏᓐᓂᒃ.   ᑕᑯᒃᓴᐅᑎᑦᓯᓂᐊᖅᐳᒍᑦ ᐆᒃᑐᕋᐅᑎᓂᒃ ᐃᓚᖏᓐᓂᒃ ᐊᐅᓚᔾᔭᒃᑕᐅᓯᒪᔪᓂᒃ ᒪᒃᑯᒃᑐᓄᑦ ᐱᓕᕆᐊᓂᒃ ᐊᒻᒪ ᐱᓕᕆᔾᔪᑎᓂᒃ.  ᑖᒃᑯᐊ ᐱᓕᕆᑎᑦᓯᔾᔪᑎᑦ ᐃᑲᔪᕐᓯᓕᖅᑐᑦ ᐃᒻᒥᓂᒃ ᐅᐱᒋᖁᓪᓗᒋᑦ, ᓇᖕᒥᓂᖅ ᓴᐱᓕᖅᑕᐃᓕᖁᓪᓗᒋᑦ, ᐃᓕᖅᑯᓯᕐᒥᖕᓂᒃ ᐅᐱᒍᓱᖁᓪᓗᒋᑦ, ᐱᓕᒻᒪᒃᓴᖅᑕᐅᓪᓗᑎᒃ, ᖃᐅᔨᒪᓂᒃᑯᑦ, ᐊᒻᒪ ᓂᕆᐅᖕᓂᖃᕐᓂᖅᓴᐅᖁᓪᓗᒋᑦ ᓯᕗᓂᒃᓴᒧᑦ ᐃᓄᐃᑦ ᒪᒃᑯᒃᑐᖁᑎᖏᑦ.         

ᑕᑯᓂᐊᕐᒥᔪᑎᑦ ᑕᓪᓕᒪᓂᒃ, ᓯᕗᕐᖓᒍᑦ ᐊᔾᔨᓕᐅᖅᑕᐅᓯᒪᔪᓂᒃ ᑐᓱᓐᓇᖅᑐᓂᒃ ᒪᒃᑯᒃᑐᓄᑦ ᐱᓕᕆᐊᓂᒃ ᐊᒻᒪ ᐱᓕᕆᑎᑦᑎᔾᔪᑎᓂᒃ ᐱᓕᕆᐊᖑᓕᖅᑐᓂᒃ ᐱᐅᓯᒋᐊᖅᑎᑦᓯᔾᔪᑕᐅᓇᓱᐊᕐᖢᑎᑦ ᐃᓄᐃᑦ ᒪᒃᑯᒃᑐᖏᓐᓄᑦ ᐅᑯᓂᖓ ᐱᖃᓯᐅᔾᔨᓯᒪᓪᓗᑎᒃ ᐱᓕᕆᐊᑦ:

ᖃᓄᐃᓕᖅᐱᑕᓕ? ᐃᓄᐃᑦ ᐋᓐᓂᐊᖏᓐᓄᑦ ᖃᐅᔨᓴᐃᓂᖅ:

  • ᑕᑯᓐᓇᖅᑐᑦ ᑕᑯᑭᓂᐊᖅᑐᑦ ᓯᕗᓪᓕᖅᐹᒥᒃ ᖃᐅᔨᓴᕈᑕᐅᔪᒥᒃ ᐋᓐᓂᐊᖏᓐᓂᒃ ᐃᓄᐃᑦ ᓄᓇᕗᒥᐅᑕᐅᔪᑦ, ᐃᓄᕕᐊᓗᐃᑦ ᐊᒻᒪ ᓄᓇᑦᓯᐊᕗᒥᐅᑕᐅᔪᑦ.  ᑕᕝᕙᓂ "ᖃᓄᐃᓕᖅᐱᑕᓕ? ᐃᓄᐃᑦ ᐋᓐᓂᐊᖏᓐᓄᑦ ᖃᐅᔨᓴᐃᓂᕐᒥ Qanuippitali? Inuit Health Survey", ᐋᓐᓂᐊᖅᑐᓕᕆᓂᕐᒧᑦ ᐱᓕᕆᔨᐅᔪᑦ ᐊᒻᒪ ᖃᐅᔨᓴᖅᑎᐅᔪᑦ ᐅᒥᐊᕐᔪᐊᒃᑯᑦ ᐊᐅᓪᓚᓚᐅᖅᑐᑦ ᐃᓄᐃᑦ ᓄᓇᖏᓐᓄᑦ ᐊᐱᖅᓱᓚᐅᕐᒥᔪᑦ (18−ᓂᒃ ᐅᑭᐅᓕᖕᓂᒃ ᐅᖓᑖᓂᓗ), ᐃᓐᓇᕐᓂᒃ ᐊᒻᒪ ᓱᕈᓯᕐᓂᒃ ᖃᓄᐃᓕᕐᒪᖔᑕ ᐋᓐᓂᐊᖃᖅᑕᐃᓕᒪᓂᖏᑦ ᐊᒻᒪ ᖃᓄᐃᖏᑦᓯᐊᕋᓱᐊᕐᓂᕐᒧᑦ ᐱᓕᕆᔭᐅᓯᒪᔪᓂᒃ ᑕᑯᓐᓇᕐᓂᐊᖅᑐᑦ ᐊᑐᓂ ᐊᐅᓪᓚᕐᕕᐅᓚᐅᖅᑐᓂᑦ ᐊᒻᒪ ᑲᑎᑦᓯᖃᑦᑕᕐᓂᐊᖅᑐᑦ ᐃᓚᖏᓐᓂᒃ ᐱᓕᕆᖃᑕᐅᓚᐅᖅᑐᓂᒃ ᖃᐅᔨᓴᐃᓂᕐᒥ ᑕᒪᑐᒪᓂ.  ᐃᓚᒋᓪᓗᒍ, ᐊᐱᖅᑯᑕᐅᖃᑦᑕᖅᑐᓄᑦ ᑐᓴᒐᒃᓴᓂᒃ ᓴᖅᑭᑦᓯᒃᑲᓐᓂᕐᓂᐊᖅᑐᑦ ᒪᒃᑯᒃᑐᓄᑦ ᐱᓕᕆᔾᔪᑎᑦ ᓴᓇᔭᐅᓕᖅᑎᓪᓗᒋᑦ.
  • ᐃᓅᓯᕗᑦ ᑕᐃᔭᐅᔪᖅ ᐱᓕᕆᐊᖅ − ᐃᓄᐃᑦ ᒪᒃᑯᒃᑐᓄᑦ ᑐᓴᒐᒃᓴᓕᕆᓂᒃᑯᑦ ᐱᓕᕆᐊᑦ:

ᐊᖅᑯᑎᒋᓪᓗᒋᑦ ᓱᐃᓛᕿᓂᒃᑯᑦ, ᑕᕐᕆᔭᒐᒃᓴᓕᐅᕐᓂᒃᑯᑦ, ᓂᔾᔮᑎᑦᓯᓂᒃᑯᑦ, ᐊᔾᔨᓕᐅᕆᓂᒃᑯᑦ ᐊᒻᒪ ᐊᓯᖏᑎᒍᑦ, ᐃᓄᐃᑦ ᒪᒃᑯᒃᑐᑦ ᓇᓂᓯᖃᑦᑕᓕᖅᑐᑦ ᓄᑖᓂᒃ ᐱᐅᓯᕐᓂᒃ ᐃᒃᐱᒋᔭᒥᖕᓂᒃ ᓇᓗᓇᐃᕐᓯᔾᔪᑎᒃᓴᖏᓐᓂᒃ.  ᑖᒃᑯᐊ ᐃᓅᓯᕗᑦ ᒪᒃᑯᒃᑐᓄᑦ ᑐᓴᐅᒪᔾᔪᑎᓕᕆᓂᕐᒧᑦ ᐱᓕᕆᔾᔪᑎᐅᔪᒃᑯᑦ         Inuusivut Inuit Youth Media project ᐃᑲᔪᖅᓯᓕᖅᑐᖅ ᑕᐃᒪᐃᓕᐅᖁᓪᓗᒋᑦ.  ᑲᓇᑕᓕᒫᒥ ᐃᓅᓯᕗᒧᑦ ᐱᓕᕆᐊᖅ ᓴᖅᑭᑕᐅᓚᐅᖅᑐᖅ ᐃᓅᓯᕐᒧᑦ ᐃᓴᒃᓯᒪᒋᑦ ᑲᑎᒪᔨᖏᓐᓂᑦ ᓄᓇᕗᒥ, ᐱᓕᕆᖃᑕᐅᓪᓗᑎᒃ ᑲᓇᑕᓕᒫᒥ ᐃᓄᐃᑦ ᒪᒃᑯᒃᑐᑦ ᑲᑎᒪᔨᖏᑦ (NIYC) ᐊᒻᒪ ᖃᓄᖅ ᐊᓯᖏᑦ ᐱᓕᕆᖃᑕᐅᖕᒪᖔᑕ ᐊᒡᒍᖅᑐᕐᓯᒪᓂᖏᓐᓂ ᐃᓄᐃᑦ ᓄᓇᖏᓐᓂ.  ᑖᒃᑯᓄᖓ ᐱᓕᕆᐊᖑᔪᑦ ᐃᔨᒋᓂᖅᓴᐅᕗᑦ ᓴᓐᖓᒃᑎᑦᓯᕙᓪᓕᐊᓂᕐᒥᒃ ᓴᓐᖏᓂᖏᓐᓂᒃ ᐊᒻᒪ ᓵᓐᖓᔭᖏᓐᓂᒃ ᐱᓕᕆᓕᒻᒪᒃᓴᖁᓪᓗᒋᑦ ᒪᒃᑯᒃᑐᑦ ᐃᑲᔪᖅᑕᐅᓂᐊᕐᒪᑕ ᓇᓚᒎᖅᑐᒃᑯᑦ ᐱᓕᕆᐊᖃᓕᒻᒪᒃᓴᖁᓪᓗᒋᑦ ᐊᒃᓱᕈᕐᓇᖅᑐᓂᒃ ᐱᔭᕐᓂᖏᑦᑐᓂᒡᓗ ᓵᖓᔭᖏᓐᓂᒃ.  ᑕᑯᓂᐊᕐᒥᔪᓯ ᖃᓄᖅ ᐃᓄᐃᑦ ᒪᒃᑯᒃᑐᑦ ᐊᑐᖃᑦᑕᕐᒪᖔᑕ ᓱᐃᓛᕿᔾᔪᑎᓂᒃ, ᐊᔾᔨᓐᖑᐊᓂᒃ, ᖃᕆᑕᐅᔭᒃᑯᑦ ᐱᑐᒍᑎᓄᑦ ᐊᔾᔨᓕᐅᕈᑎᓄᑦ ᐊᒻᒪ ᐊᓯᖏᓐᓂᒃ ᐊᑐᕐᓗᑎᒃ ᓇᓗᓇᐃᖅᓯᖃᑦᑕᖅᑐᑦ ᐃᒃᐱᖕᓂᐊᓂᕆᔭᖏᓐᓂᒃ ᐊᒻᒪ ᑕᑯᒃᓴᐅᑎᑦᓯᓪᓗᑎᒃ ᓇᓚᒎᖅᑐᓂᒃ ᑐᓴᒐᒃᓴᐅᔪᓂᒃ ᒪᒃᑯᒃᑑᖃᑎᖏᓐᓄᑦ.

  • ᐱᓕᕆᐊᖅ ᑕᐃᔭᐅᔪᖅ ᐃᓅᓯᖅ (ᒪᓗᓃᓚᖅ, ᐊᓚᓯᑲ):

ᐱᓕᕆᐊᖑᔪᖅ ᐃᓅᓯᕐᒥᒃ ᑕᐃᔭᐅᔪᖅ ᒪᒃᑯᒃᑐᑦ ᖃᓄᐃᖏᑦᑎᐊᕋᓱᐊᖁᓪᓗᒋᑦ ᐊᒻᒪ ᐃᒻᒥᓂᒃ ᑐᖁᑦᑕᐃᓕᒪᑎᑦᓯᓂᕐᒧᑦ ᐱᓕᕆᐊᖑᔪᖅ ᒪᓃᓚᒥᐅᓂ ᐊᓚᓯᑲᒥ.  ᐊᑐᖃᑦᑕᖅᑐᑦ ᖃᕆᑕᐅᔭᒃᑯᑦ ᐅᓂᒃᑳᓕᐊᖑᔪᓂᒃ ᐃᑲᔪᖅᓯᔾᔪᑕᐅᓂᐊᖅᑐᖅ ᐊᓚᓯᑲᒥ ᐃᓄᖁᑎᖏᑕ ᒪᒃᑯᒃᑐᖏᓐᓄᑦ ᐊᒃᑐᐃᑎᑕᐅᒐᓱᐊᖅᑎᓪᓗᒋᑦ ᐃᓕᖅᑯᓯᖏᓐᓂᒃ ᐊᒻᒪ ᓇᓗᓇᐃᖅᓯᒐᓱᐊᖅᑎᓪᓗᒋᑦ ᐃᓕᖅᑯᓯᖏᓐᓂᒃ.  ᐃᑲᔪᖅᓯᖃᑦᑕᕐᒥᔪᑦ ᒪᒃᑯᒃᑐᓂᒃ ᐃᓕᓐᓂᐊᖁᓪᓗᒋᑦ ᓯᕗᓕᖅᑎᐅᓂᕐᒥᒃ. ᑖᒃᑯᐊ ᖃᕆᑕᐅᔭᒃᑯᑦ ᐅᓂᒃᑳᓕᐊᑦ ᓴᖅᑭᑕᐅᓯᒪᔪᑦ ᒪᒃᑯᒃᑐᓄᑦ ᖃᐅᔨᓴᐃᖁᓪᓗᒋᑦ ᐃᓕᖅᑯᓯᖏᓐᓂᒃ ᐊᒻᒪ ᐱᓕᕆᖃᑎᖃᖁᓪᓗᒋᑦ ᐃᓐᓇᕐᓂᒃ ᐊᐱᖅᓱᖅᑕᐅᖃᑦᑕᕐᓗᑎᒃ ᐊᒻᒪ ᓴᖅᑭᖃᑦᑕᕐᓗᒋᑦ ᐅᓂᒃᑳᑦ ᓄᓇᓕᖕᓄᑦ.  ᑕᑯᓂᐊᖅᐳᓯ ᒪᒃᑯᒃᑐᒥᒃ ᐃᓄᐱᐊᒥᒃ ᐊᕐᓇᕐᒥᒃ ᐃᓅᓯᖓ ᐊᓯᕈᕐᓯᒪᒻᒪᕆᒃᑐᒥᒃ ᐊᑐᕐᖢᓂ ᑖᑦᓱᒥᖓ ᐱᓕᕆᐊᒥᒃ ᑕᐃᔭᐅᔪᒥᒃ ᐃᓅᓯᕐᒥᒃ ᐊᒻᒪ ᑐᓴᕐᓂᐊᖅᑐᓯ ᖃᓄᖅ ᑖᓐᓇ ᐱᓕᕆᔾᔪᑕᐅᔪᖅ ᐊᒃᑐᐃᔪᒪᓂᖃᕐᓂᖓᓂᒃ ᐅᓄᒃᑲᓐᓂᖅᑐᓂᒃ ᒪᒃᑯᒃᑐᓂᒃ.

  • ᐃᓄᕕᒃ ᒪᒃᑯᒃᑐᑦ ᐅᐸᑲᖅᑕᕐᕕᖓᑦ (ᐃᓅᕕᒃ, ᓄᓇᑦᓯᐊᖅ)

ᐅᓄᖅᑐᑦ ᐃᓄᐃᑦ ᓄᓇᖃᖅᑐᑦ ᐅᖓᓯᒃᑐᓂ ᓄᓇᓕᖕᓄᑦ ᐊᖏᓂᖅᓴᒧᑦ ᓄᒃᑎᒐᔪᖕᒪᑕ ᐃᓕᓐᓂᐊᕆᐊᒃᑲᓐᓂᕐᖢᑎᒃ.  ᒪᒃᑯᒃᑐᑦ ᐃᓄᐃᑦ ᐃᓄᕕᐊᓗᐃᑦ ᓄᓇᖓᓐᓂ ᓄᓇᑦᓯᐊᕐᒥ ᐃᓄᕕᖕᒧᑦ ᐃᓕᓐᓂᐊᕆᐊᖃᑦᑕᖅᑐᑦ ᐃᓕᓐᓂᐊᕐᕕᖕᓗᒥ ᐃᓕᓴᖅᑕᒥᖕᓂᒃ ᐱᔭᕇᕐᓯᔭᖅᑐᕐᖢᑎᒃ ᐊᒻᒪ ᓯᓚᑦᑐᓴᕐᕕᖕᒧᑦ ᐃᓕᓐᓂᐊᕆᐊᕐᖢᑎᒃ, ᕿᒪᐃᓪᓗᑎᒃ ᐃᓚᒥᖕᓂᒃ ᐃᑲᔪᖅᑎᒋᕙᒃᑕᒥᖕᓂᒃ.  1996−ᒥᓂᑦ  ᐃᓄᕕᒃ ᐃᓄᐃᑦ ᒪᒃᑯᒃᑐᑦ ᐅᐸᑲᖅᑕᕐᕕᖓ ᑦ Inuvik Youth Centre ᐊᐅᓚᑦᓯᓯᒪᓕᖅᑐᑦ ᐱᓕᕆᐊᓂᒃ ᓄᓇᓕᖕᓂ ᒪᒃᑯᒃᑐᓄᑦ ᑐᕌᖓᔪᓂᒃ ᐊᒻᒪ ᐃᓕᓐᓂᐊᖅᑎᐅᔪᓄᑦ ᐃᓄᕕᖕᒥ ᐃᓕᓐᓂᐊᕆᐊᕐᓯᒪᔪᓄᑦ.  ᐅᓄᑲᓪᓚᒃᑐᑦ ᐱᓕᕆᐊᑦ ᒪᒃᑯᒃᑐᓂᒃ ᐱᓕᕆᑎᑦᓯᖃᑦᑕᖅᐳᑦ ᐃᓅᓯᐊᖁᓪᓗᒋᑦ ᐱᓕᕆᔾᔪᑎᓂᒃ.  ᑕᕝᕙᓂ ᑕᑯᓐᓇᒐᒃᓴᒥ, ᑕᑯᓂᐊᖅᐳᓯ ᐅᓄᑲᓪᓚᒃᑐᓂᒃ ᒪᒃᑯᒃᑐᓂᒃ ᐱᓕᕆᐊᖃᖅᑎᓪᓗᒋᑦ ᐃᓅᓯᖏᓐᓂᒃ ᕿᒪᐃᓯᒪᑎᓪᓗᒋᑦ ᐊᖏᕐᕋᒥᖕᓂᑦ ᐊᒻᒪ ᐃᑲᔪᖅᑕᐅᓪᓗᑎᒃ ᒪᒃᑯᒃᑐᓄᑦ ᐅᐸᑲᖅᑕᕐᕕᖕᒧᑦ ᐊᒻᒪ ᐊᖏᕐᓯᒪᓂᖃᑦᑎᐊᖅᑐᓂᒃ ᒪᒃᑯᑐᓄᑦ ᓯᕗᓕᖅᑎᖃᕐᖢᑎᒃ.

  • ᐊᖅᓯᖅ (ᐃᒡᓗᓕᒃ, ᓄᓇᕗᑦ):

ᐊᐅᔭᖓᓂ ᐊᕐᕌᒍᐊᓂ 1998ᑉ, ᒪᒃᑯᒃᑑᒃ ᒪᕐᕉᒃ ᐃᒻᒥᓂᒃ ᑐᖁᓚᐅᖅᑐᒃ ᐃᒡᓗᓕᒃ ᓄᓇᕗᒥ, ᐊᒃᓱᐊᓗᒃ ᓄᓇᓕᒃ ᐊᓐᓂᖅᑕᐅᓪᓗᓂ.  ᐊᑕᐅᑦᓯᒃᑯᓪᓗ ᒐᓚᐅᒻ ᓴᓚᑎᓐ, ᐃᓚᒋᔭᐅᔪᖅ “ᐃᓅᓯᖅ ᒪᒃᑯᒃᑐᓄᑦ ᖁᓐᖏᐊᖅᑕᐅᕙᒃᑐᓄᑦ”, ᐃᓕᓐᓂᐊᕐᖢᓂ ᑲᓇᑕᒥ ᑕᑯᓐᓇᖅᑕᐅᕙᒃᑐᑦ ᐃᓕᓐᓂᐊᕐᕕᖓᓐᓂ ᐃᒡᓗᓕᖕᒥ.  ᑖᓐᓇ ᐊᒻᒪ 8−ᓂᒃ ᐱᖃᑎᖃᕐᖢᓂ ᒪᒃᑯᒃᑐᓂᒃ, ᐃᑲᔪᖅᑕᐅᓪᓗᓂ ᐃᓱᒪ ᑕᕐᕆᔭᓕᐅᖅᑎᒃᑯᓐᓄᑦ ᓴᖅᑭᑦᑎᓚᐅᐅᕐᓯᒪᔪᑦ ᐊᕐᓯᕐᒥᒃ Artcirq ᓇᓛᒎᖅᑐᒃᑯᑦ ᐊᒃᑐᐃᖁᓪᓗᖏᑦ ᐃᓅᓯᕆᔭᖏᑦ ᒪᒃᑯᒃᑐᑦ ᓄᓇᓕᖕᓂ.  ᑕᑯᓂᐊᖅᐳᓯ ᖃᓄᖅ ᐊᖅᓯᒃᑯᑦ ᐃᑲᔪᖅᓯᖃᑦᑕᕐᒪᖔᑕ ᒪᒃᑯᒃᑐᓂᒃ ᓇᓗᓇᐃᖅᓯᓇᓱᐊᖅᑎᓪᓗᒋᑦ ᐃᒻᒥᖕᓂᒃ ᑎᒥᒥᒍᑦ ᐊᒻᒪ ᐅᒃᐱᕈᓱᖕᓂᖏᑎᒍᑦ ᐊᑐᕐᖢᑎᒃ ᐃᓄᐃᑦ ᐱᖅᑯᓯᑐᖃᖏᓐᓂᒃ ᑕᐃᒎᓕᓯᐅᕐᓯᒪᓪᓗᑎᒃ ᐊᒻᒪ ᐱᓐᖑᐊᖅᑕᐅᕙᒡᖢᑎᒃ.  ᐅᓪᓗᒥ ᑖᒃᑯᐊ ᓯᕗᒧᐊᒃᓯᒪᓂᖃᑦᓯᐊᖅᑐᑦ ᒪᒃᑯᒃᑐᓄᑦ ᐱᓕᕆᐊᕆᔭᐅᔪᖅ ᓄᓇᕐᔪᐊᕐᒥ ᐳᓚᕋᖃᑦᑕᕐᓯᒪᓕᖅᑐᑦ, ᓱᓕ ᐃᓕᓐᓂᐊᖅᑎᑦᑏᓐᓇᖅᑐᑦ ᒪᒃᑯᒃᑐᓂᒃ ᐃᒡᓗᓕᖕᒥ “ᐃᓚᐅᖁᓪᓗᒋᑦ ᐊᖅᓯᒃᑯᑦ ᐱᓐᖑᐊᖅᑎᖏᓐᓄᑦ.”

ᑭᓇᒃᑯᑦ ᐃᓚᐅᕙᑦ ᑕᑯᓐᓇᒐᒃᓴᓕᐊᒧᑦ?

ᐱᔭᕆᐊᑭᒡᓕᑎᑦᑎᔨᖃᖅᐳᖅ ᑲᑎᒪᔨᓂᒃ ᐃᓄᖕᓂᒃ ᒪᒃᑯᒃᑐᓂᒃ ᐊᒻᒪ ᐃᓚᐅᔪᖃᕐᒥᔪᖅ ᒪᒃᑯᒃᑐᓕᕆᔨᓂᒃ ᐃᑲᔪᖅᐸᒃᑐᓂᒃ ᐃᓄᐃᑦ ᑐᑦᑕᕐᕕᖓᓐᓂ ᑲᓇᑕᒥ ᓄᓇᖃᖅᑳᕐᓯᒪᔪᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑎᒥᖁᑎᖓᑦ ᓴᓇᖁᓪᓗᒋᑦ ᐃᓗᓕᕆᓂᐊᖅᑕᖏᓐᓂᒃ ᒪᕐᕉᖕᓄᑦ ᐃᑲᕐᕌᖕᓄᑦ ᑕᑯᒃᓴᐅᔪᒃᓴᒥᒃ.

 

  
Original content ©2009-2012 NAHO. All other material © respective copyright holders. All rights reserved.