|
||||||||
 |
 |
 |
 |
|||||
 |
 |
 |
 |
|||||
ᐊᖑᑏᓪᓕ ᖃᓄᐃᓕᖅᐸᑦ?
|
|
ᐅᕙᑦᑎᓐᓄᑦ
ᐃᓚᐅᒋᑦ ᐅᖃᐅᓯᖃᖅᑎᓪᓗᑕ ᐊᖑᑎᑦ ᖃᓄᐃᖏᑦᓯᐊᕆᐊᖃᕐᓂᖏᓐᓂᒃ. ᑕᕝᕙᓃᖃᑕᐅᔪᑦ ᐅᖃᐅᓯᖃᕐᓂᐊᖅᑐᑦ ᐱᔾᔪᑕᐅᔪᓂᒃ
ᐊᒻᒪ ᑭᐅᖃᑦᑕᕐᓂᐊᖅᑐᑦ ᐊᐱᖅᑯᑎᓂᒃ. Leesie Naqitarvik, Pauktuutit Inuit Women of Canada Herb
Nakimayak, Paulatuk |
ᖃᓄᐃᒻᒪᑦ ᐱᓕᕆᐊᖃᖅᐱᑕ ᐃᓄᐃᑦ ᐊᖑᑎᑦ ᖃᓄᐃᖏᑦᓯᐊᕆᐊᖃᕐᓂᖏᓐᓂᒃ?
ᐃᓄᐃᑦ ᐊᖑᑎᑦ ᐊᑐᖅᓯᒪᖕᒪᑕ ᖃᐅᔨᓯᒪᓪᓗᑎᒡᓗ ᐅᓄᖅᑐᓂᒃ ᐊᓯᔾᔨᖅᑐᓂᒃ ᐊᕐᕌᒍᓂ ᐅᓄᖏᑦᑐᓂ. ᑖᓐᓇ ᑕᐃᒪᐃᓐᓂᖓᓄᑦ ᐃᓄᐃᑦ ᐊᖑᑎᖏᑦ ᐃᒃᐱᒍᓱᖃᑦᑕᖅᓯᒪᕗᑦ ᐊᓯᐅᓯᒪᔪᑎᑐᑦ ᐊᒻᒪ ᖃᐅᔨᒪᑦᑎᐊᕈᓐᓃᕐᖢᑎᒃ ᓇᓂ ᐃᓂᖃᕋᓗᐊᕐᒪᖔᑕ ᐃᓚᒌᑦ ᐃᓗᐊᓂ ᐊᒻᒪ ᓄᓇᓕᐅᔪᑦ. ᐃᓱᒫᓗᖕᓂᖏᑦ ᑕᑯᒃᓴᐅᓪᓗᑎᒃ ᑕᐃᑲᓂ ᐃᓕᓐᓂᐊᕐᕕᖕᓂ ᐱᔭᕇᕐᓯᖃᑦᑕᖏᓐᓂᕆᔭᖏᓐᓂ ᐊᒻᒪ ᐅᓄᖅᑐᑦ ᑎᒍᔭᐅᖅᑲᓂᖏᑎᒍᑦ ᐊᒻᒪ ᐃᒻᒥᓂᒃ ᑐᖁᖃᑦᑕᕐᓂᖏᑎᒍᑦ.
ᐊᖑᑎᑦ ᓂᐱᖃᕆᐊᖃᕐᒪᑕ. ᐱᒻᒪᕆᐅᔪᓂᒃ ᐅᖃᐅᓯᒃᓴᖃᕐᒪᑕ ᐊᒻᒪ ᐃᑲᔪᕈᓐᓇᕐᓂᖃᑦᑎᐊᕐᒪᑕ. ᐱᓕᕆᔾᔪᑎᑦ ᐊᒻᒪ ᐱᔨᑦᓯᕈᑎᑦ ᐊᖑᑎᓄᑦ - ᓴᓇᔭᐅᓯᒪᔪᑦ ᐊᒻᒪ ᓯᕗᓕᖅᑎᖃᕐᓗᑎᒃ ᐊᖑᑎᓂᒃ - ᐱᕕᒃᓴᖃᖅᑎᑦᓯᔪᑦ ᐃᑲᔪᖅᑕᐅᔪᒪᓕᕈᓐᓇᖁᓪᓗᒋᑦ, ᑐᑭᓯᕚᓪᓕᖁᓪᓗᒋᓪᓗ ᑭᓐᖒᒪᔭᖏᓐᓂᒃ ᐊᒻᒪ ᓴᓐᖏᓂᕆᔭᖏᓐᓂᒃ, ᐊᒻᒪ ᐅᑎᖅᑎᔾᔫᒥᓗᓂᒋᑦ ᐱᖅᑯᓯᑐᖃᓂ ᐊᒻᒪ ᐃᓕᖅᑯᓯᓂ. ᑕᐃᑲᓂ “ᐊᖑᑎᓪᓕ ᖃᓄᐃᓕᖅᐸᑦ?-ᒥ”, ᑕᑯᓐᓇᖅᑐᑦ ᑕᑯᓂᐊᖅᑐᑦ ᐅᓂᒃᑳᓂᒃ ᓄᓇᓕᖕᓂ ᐱᓕᕆᔾᔪᑎᐅᔪᓂᒃ ᐃᑲᔪᖅᓯᓕᖅᑐᓂᒃ ᐃᓄᖕᓂᒃ ᐊᖑᑎᓂᒃ ᐱᐅᓯᒋᐊᖁᓪᓗᒋᑦ ᑎᒥᖏᑦ, ᐃᓱᒪᖏᑦ, ᐃᒃᐱᖕᓂᐊᓂᖏᑦ ᐊᒻᒪ ᐅᒃᐱᕈᓱᖕᓂᖏᑦ.
ᑭᓲᕙᓪᓕ ᑐᓴᐅᒪᑎᑦᑎᓂᕐᒧᑦ ᑐᕌᒐᒃᓴᐃᑦ?
ᑕᓚᕖᓴᒃᑯᑦ ᐱᓕᕆᐊᖃᕐᓗᓂ ᐃᓄᐃᑦ ᐊᖑᑎᑦ ᐃᓱᒪᒋᔭᖏᑦ ᑐᓴᖅᓴᐅᑎᑕᐅᔪᓐᓇᕐᒪᑕ ᖃᓄᐃᖏᑦᓯᐊᕐᓂᐅᑉ ᒥᒃᓵᓄᑦ, ᐅᔾᔨᕈᓱᓕᖅᑎᑦᑎᓂᖅᓴᐅᓗᑎᒃ ᐊᒻᒪ ᑐᑭᓯᑎᑦᓯᕚᓪᓕᕐᓗᑎᒃ ᐃᓚᖏᓐᓂᒃ ᐊᑲᐅᓐᖏᓕᐅᕈᑎᓪᓗᐊᑕᐅᔪᓂᒃ ᓵᓐᖓᔭᐅᔪᓂ, ᐊᒻᒪ ᓇᓗᓇᐃᒃᑲᓐᓂᕐᓗᒍ ᐅᓄᖅᑐᑦ ᐊᖑᑎᑦ ᑐᓴᒐᒃᓴᓂ ᐱᔪᒪᖃᑦᑕᕋᓗᐊᕐᒪᑕ ᐊᒻᒪ ᐱᔨᑦᓯᖅᑕᐅᓗᑎᒃ ᐃᑲᔪᑎᖅᑕᐅᓂᐊᕐᒪᑕ ᐱᓕᕆᐊᖃᕋᓱᐊᖅᑎᓪᓗᒋᑦ ᐊᑲᐅᓐᖏᓕᐅᕈᑎᖏᓐᓂᒃ. ᑐᓴᖅᑕᐅᑎᑕᐅᓪᓗᐊᑕᖅᑐᖅ ᑭᓇᒃᑯᑐᐃᓐᓇᕐᓄᑦ, ᐃᓚᒌᓄᑦ ᐊᒻᒪ ᓄᓇᓕᖕᓄᑦ ᐅᓇ ᕿᓂᕆᐊᖃᓕᕋᑦᑕ ᐱᐅᓯᐅᓂᐊᖅᑐᓂᒃ ᓴᖅᑭᑕᐅᒃᑲᓐᓂᖁᓪᓗᒋᑦ ᐊᒻᒪ ᐆᒻᒪᖅᑎᒋᐊᒃᑲᓐᓂᖁᓪᓗᒋᑦ ᐃᓄᐃᑦ ᐊᖑᑎᑦ ᑭᓇᐅᓂᖏᑦ.
ᑭᓱᓂᒃ ᑕᑯᓂᐊᖅᐱᑦ ᑕᑯᓐᓇᒐᒃᓴᓕᐊᖑᔪᓂᑦ?
ᑕᓚᕖᓴᒃᑯᑦ ᑕᑯᒃᓴᐅᔪᑎᒍᑦ ᐱᕕᒃᓴᖃᖅᑎᑦᓯᓂᐊᖅᑐᑦ ᐅᖃᐅᓯᖃᕈᓐᓇᖁᓪᓗᒋᑦ ᐱᔾᔪᑕᐅᔪᓂᒃ ᐃᓄᐃᑦ ᐊᖑᑎᖏᑕ ᓵᓐᖓᔭᖏᓐᓂᒃ ᐅᓪᓗᒥᐅᔪᖅ ᐃᓅᓯᕆᔭᑦᑎᓐᓂ. ᑐᓴᕐᓂᐊᖅᐳᑎᑦ ᐅᖃᐅᓯᕆᔭᐅᑦᑎᐊᖅᑎᓪᓗᒋᑦ ᐊᐱᖅᓱᖅᑕᐅᓂᐊᖅᑐᓄᑦ - ᑖᒃᑯᐊ ᐃᖅᑲᓇᐃᔭᖃᑦᑕᖅᓯᒪᔪᑦ ᖃᓄᐃᖏᑦᓯᐊᕋᓱᐊᕐᓂᕐᒧᑦ ᐊᒻᒪ ᐃᓅᓯᖃᑦᓯᐊᕋᓱᐊᕐᓂᕐᒧᑦ - ᑐᓴᕐᕕᒋᓂᐊᕐᒥᔭᓯ ᑕᑯᓐᓇᕆᐊᕐᓯᒪᔪᑦ ᐊᒻᒪ ᑕᑯᓐᓇᖅᑐᑦ ᑕᓚᕖᓴᒃᑯᑦ. ᐅᖃᐅᓯᖃᕐᓂᐊᖅᑐᑦ ᐊᖑᑎᑦ ᐱᓕᕆᐊᕆᓕᖅᑕᖏᓐᓂᒃ ᐅᓪᓗᒥ, ᐃᓕᓐᓂᐊᖅᑐᓕᕆᓂᕐᒥᒃ, ᐃᖅᑲᓇᐃᔭᖅᑐᓕᕆᓂᕐᒥᒃ, ᐱᖅᑯᓯᓕᕆᓂᕐᒥᒃ ᐊᒻᒪ ᐃᓕᖅᑯᓯᓕᕆᓂᕐᒥᒃ, ᐊᒻᒪ ᐊᓯᖏᓐᓂᒃ ᐅᖃᐅᓯᖃᕐᓗᑎᒃ ᐱᒻᒪᕆᐅᔪᓂᒃ ᐊᖑᑎᓄᑦ.
ᑕᑯᓂᐊᖅᐳᑎᑦ ᑎᓴᒪᓂᒃ, ᓯᕗᕐᖓᒍᑦ ᐊᔾᓕᔨᓕᐅᖅᑕᐅᓯᒪᔪᓂᒃ ᐊᖑᑎᓄᑦ ᐱᓕᕆᔾᔪᑎᐅᔪᓂᒃ ᐊᒻᒪ ᐱᓕᕆᐊᖑᔪᓂᒃ ᐱᐅᓯᒋᐊᖅᑎᑦᓯᔾᔪᑕᐅᓇᓱᐊᖅᑐᑦ ᖃᓄᐃᓐᓂᕆᔭᖏᓐᓄᑦ ᐊᖑᑎᑦ ᐊᒻᒪ ᐃᓚᒌᑦ. ᐅᑯᓂᖓ ᐱᖃᓯᐅᔾᔨᓯᒪᔪᑦ:
ᖃᓄᐃᑉᐱᑕᓕ? ᐃᓄᐃᑦ ᐋᓐᓂᐊᖏᓐᓄᑦ ᖃᐅᔨᓴᐃᓂᖅ
* ᑕᑯᓐᓇᖅᑐᑦ ᑕᑯᓂᐊᖅᑐᑦ ᓯᕗᓪᓕᖅᐹᑦᑎᐊᕐᒥ ᖃᐅᔨᓴᐃᑎᓪᓗᒋᑦ ᐋᓐᓂᐊᖏᓐᓂᒃ ᐃᓄᐃᑦ ᓄᓇᕗᒥᐅᑕᐅᔪᑦ, ᐃᓄᕕᐊᓗᖕᒥᐅᑕᐅᔪᓪᓗ ᐊᒻᒪ ᓄᓇᑦᓯᐊᕗᒥᐅᑕᐅᔪᑦ. ᑕᐃᑦᓱᒪᓂ "ᖃᓄᐃᑉᐱᑕᓕ? ᐃᓄᐃᑦ ᐋᓐᓂᐊᖏᓐᓂᒃ ᖃᐅᔨᓴᐃᓂᖃᖅᑎᓪᓗᒋᑦ", ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᖅᑲᓇᐃᔭᖅᑎᑦ ᐊᒻᒪ ᖃᐅᔨᓴᖅᑎᐅᔪᑦ ᐅᒥᐊᕐᔪᐊᒃᑯᑦ ᐊᐅᓚᓚᐅᕐᓯᒪᔪᑦ ᐃᓄᐃᑦ ᓄᓇᓕᖏᓐᓄᑦ ᐊᐱᖅᓱᕆᐊᖅᑐᕐᖢᑎᒃ ᒪᒃᑯᒃᑐᓂᒃ, ᐃᓐᓇᕐᓂᒃ ᓱᕈᓯᕐᓂᒡᓗ ᐋᓐᓂᐊᖅᑐᓕᕆᓂᐅᑉ ᐊᒻᒪ ᖃᓄᐃᖏᑦᓯᐊᕋᓱᐊᕐᓂᐅᑉ ᒥᒃᓵᓄᑦ. ᐃᓚᐅᔪᑦ ᐊᐱᖅᓱᖅᑕᐅᑲᑕᒃᑐᓄᑦ ᑕᓚᕖᓴᒃᑰᖅᑎᓪᓗᒋᑦ ᐅᖃᐅᓯᖃᕐᓂᐊᖅᑐᑦ ᐃᓚᖏᓐᓂᒃ ᐊᐱᖅᑯᑕᐅᖃᑦᑕᖅᑐᓂᒃ ᐊᖑᑎᓄᑦ, ᐊᒻᒪ ᖃᓄᐃᑦᑐᒥᒃ ᑭᐅᔪᓐᓇᕐᖔᑕ ᐃᔪᕐᓯᓂᐊᖅᑐᖅ ᐱᓕᕆᔾᔪᑎᒃᓴᓕᐅᖅᑎᓪᓗᒋᑦ ᐊᖑᑎᓄᑦ ᑐᕌᖓᔪᓂᒃ.
* ᐊᐃᑉᐸᕇᑦ ᐱᑦᑎᐊᖃᑦᑕᐅᑎᖏᓐᓂᖏᓐᓄᑦ ᐃᓅᓯᓕᕆᔭᐅᓂᖏᓐᓄᑦ ᐱᓕᕆᐊᖅ (ᑲᖏᕐᖠᓂᖅ, ᓄᓇᕗᑦ)
ᑖᓐᓇ ᐊᐃᑉᐸᕇᑦ ᐱᑦᑎᐊᖃᑦᑕᐅᑎᖃᑦᑕᖏᑦᑐᑦ ᐃᓅᓯᓕᕆᔭᐅᓂᖏᓐᓄᑦ ᐱᓕᕆᐊᖅ Spousal Abuse Counselling Program ᐊᑐᕐᓗᒍ ᐃᓅᓯᓕᕆᔾᔪᑕᐅᖃᑦᑕᖅᐳᑦ ᐋᓐᓂᕐᓯᕆᔨᓄᑦ, ᐱᓂᕐᓗᒃᑕᐅᓯᒪᔪᓄᑦ, ᐊᒻᒪ ᐃᓚᖏᓐᓄᑦ. ᓴᓇᔭᐅᓯᒪᔪᖅ ᐃᑲᔪᖅᑕᐅᖁᓪᓗᒋᑦ ᐃᓄᐃᑦ ᐋᓐᓂᕐᓯᕆᓕᖁᓇᒋᑦ ᐊᒻᒪ ᐊᑐᕐᓂᕐᓗᐃᖁᓇᒋᑦ ᐊᒻᒪ ᐊᓄᓪᓚᒃᓰᕕᖕᒧᐊᖁᓇᒋᑦ ᐱᕋᔭᕐᓯᒪᓂᖏᓐᓄᑦ. ᑖᓐᓇ ᐱᓕᕆᐊᖑᔪᖅ ᓯᕗᓪᓕᖅᐹᑦᑎᐊᖑᓪᓗᑎᒃ ᐱᔨᑦᓯᕈᑕᐅᓂᐊᖅᑐᖅ ᐃᓄᐃᑦ ᓄᓇᖏᓐᓂ. ᑕᑯᓐᓇᖅᑐᓪᓗ ᐅᐸᒃᑎᑕᐅᓂᐊᖅᐳᑦ ᐳᓛᕐᕕᒃ ᑯᑉᓗ ᐅᐸᒃᑕᐅᕕᖕᒥᒃ ᑲᖏᕐᖠᓂᕐᒥ, ᐃᓅᓯᓕᕆᔾᔪᑎᓄᑦ ᐱᓕᕆᐊᑦ ᑕᐃᑲᓃᑦᑐᖅ. ᑕᑯᓐᓇᖅᑐᑦ ᑐᓵᓂᐊᖅᑐᑦ ᖃᓄᖅ ᐃᓅᓯᓕᕆᕙᖕᒪᖔᑕ ᐊᑐᕐᓗᑎᒃ ᐃᓄᐃᑦ ᐃᓱᒪᒋᔭᖏᓐᓂᒃ ᐱᐅᓯᖏᓐᓂᒡᓗ ᒪᒥᓴᕐᓂᕐᒧᑦ, ᐊᒻᒪ ᖃᓄᖅ ᐃᓄᐃᑦ ᐃᓐᓇᖏᑦ ᐃᑲᔪᕈᓐᓇᕐᒪᖔᑕ ᐃᓅᓯᓕᕆᑎᓪᓗᒋᑦ ᐃᓄᒋᐊᒡᓗᑎᒃ ᑲᑎᒪᑎᓪᓗᒋᑦ.
* ᖃᔭᖅ ᐊᖑᑎᑦ ᑲᑐᔾᔨᖃᑎᒌᖏᑦ (ᓄᓇᕕᒃ)
ᖃᔭᖅ ᑲᑐᔾᔨᖃᑎᒌᑦ ᓄᓇᓕᖕᓂ ᑎᒥᖁᑎᒋᔭᐅᔪᖅ ᐱᓕᕆᐊᖃᖅᑐᑦ ᐃᑲᔪᖅᓯᓂᕐᒥᒃ ᐃᓄᖕᓂᒃ ᐊᖑᑎᓂᒃ ᐱᓕᕆᐊᖃᖅᑎᓪᓗᒋᑦ ᐱᔾᔪᑎᓂᒃ ᓵᓐᖓᔭᖏᓐᓂᒃ ᐅᓪᓗᒥᐅᓕᖅᑐᖅ ᐃᓅᓕᖅᑎᓪᓗᑕ. ᑕᐃᒪᐃᓕᐅᖅᑐᖅ ᐋᖅᑭᒡᓱᐃᓪᓗᑎᒃ ᐃᑲᔪᖅᑐᐃᔨᐅᓂᐊᖅᑐᓂᒃ ᑲᑐᔾᔨᖃᑎᒌᓂᒃ ᐊᒻᒪ ᓄᓇᓕᖕᓂ ᐃᓕᓐᓂᐊᓯᓐᓈᑦ ᑲᑎᒪᑎᑦᓯᓂᒃᑯᑦ ᐱᓕᕆᐊᖃᖅᑎᑕᐅᓪᓗᑎᒃ ᐊᖑᑎᑦ ᖃᓄᐃᖏᑦᓯᐊᕆᐊᖃᕐᓂᖏᓐᓄᑦ ᐃᑲᔪᕈᑎᓂᒃ. ᖃᔭᖅ ᑲᑐᔾᔨᖃᑎᒌᑦ, ᓴᖅᑭᑕᐅᓚᐅᕐᓯᒪᔪᑦ 2003-ᖑᑎᓪᓗᒍ, ᑰᒡᔪᐊᕐᒦᑦᑐᖅ, ᓄᓇᕕᖕᒥ ᐊᒻᒪ ᐊᐅᓚᔪᖅ ᐅᓄᑲᓪᓚᒃᑐᓂ ᓄᓇᓕᐅᔪᓂ ᑕᕐᕋᒥᐅᓂ. ᑕᑯᓐᓇᖅᑐᑦ ᑐᓴᕐᓂᐊᖅᑐᑦ ᐃᓄᒋᐊᒡᓗᑎᒃ ᐊᒻᒪ ᐊᑕᐅᓯᐅᓈᖅᑎᕐᓗᑎᒃ ᐃᓅᓯᓕᕆᔭᐅᔾᔪᑎᓄᑦ ᐱᔨᑦᓯᕈᑎᓂᒃ, ᐊᒻᒪ ᓄᑖᕐᒥᒃ ᐊᒃᓱᕈᕐᓇᖅᑐᖃᖅᑎᓪᓗᒍ ᐊᒻᒪ ᐋᓐᓂᕐᓯᕆᓂᕐᒥᒃ ᓄᖅᑲᖅᑎᑦᓯᒐᓱᐊᕐᓂᕐᒧᑦ. ᑕᑯᓐᓇᖅᑐᑦ ᐅᐸᒃᑎᑕᐅᓂᐊᖅᑐᑦ ᖃᔭᖅ ᑲᑐᔾᔨᖃᑎᒌᖏᓐᓄᑦ ᑕᑯᓂᐊᖅᑐᑦ ᖃᓄᖅ ᐃᓅᓯᓕᕆᔨᐅᔪᑦ ᑲᔪᖏᖅᓴᐅᑎᖃᕐᒪᖔᑕ ᐊᔾᔨᒌᒃᑎᑦᓯᓂᕐᒥᒃ ᓇᓕᐊᑐᐃᓐᓇᖅ ᖁᕝᕙᓯᖕᓂᖅᓴᐅᖏᓪᓗᓂ ᐊᖑᑎᑦ ᐊᒻᒪ ᐊᕐᓇᑦ ᐱᔾᔪᑎᒋᓪᓗᒍ ᑕᐃᒪᓐᓇ ᐃᑲᔪᕐᓯᓂᐊᕐᒃ ᓇᓕᐊᑐᐃᓐᓇᖅ ᖁᕝᕙᓯᖕᓂᖅᓴᐅᖏᓪᓗᓂ ᐊᖑᑎᑦ ᐊᒻᒪ ᐊᕐᓇᑦ ᐱᔾᔪᑎᒋᓪᓗᒍ ᑕᐃᒪᓐᓇ ᐃᑲᔪᕐᓯᓂᐊᕐᒪᑦ ᓄᓇᓕᖕᓂᒃ ᖃᓄᐃᖏᑦᓯᐊᕐᓂᖅᓴᓂᒃ ᐱᑕᖃᖁᓪᓗᒍ.
* ᐃᓚᒌᑦ ᖃᓄᐃᖏᑦᓯᐊᕋᓱᐊᕐᓂᖏᓐᓄᑦ ᐅᓇᑖᖃᕋᓱᐊᕐᓂᕐᒧᑦ ᐱᒋᐊᕈᑎᑦ (ᐊᓚᓯᑲ)
ᑖᒃᑯᐊ ᐃᓚᒋᑦ ᖃᓄᐃᖏᑦᓯᐊᕋᓱᐊᕐᓂᖏᓐᓄᑦ ᐅᓇᑖᖃᕋᓱᐊᕐᒃᓂᕐᒧᑦ ᐱᒋᐊᕈᑎᑦ - Family Wellness Warriors Initiative ᑭᐅᒐᓱᐊᖅᑐᑦ ᐊᒃᓱᐊᓗᒃ ᐊᑲᐅᓐᖏᓕᐅᕈᑎᖃᓕᕐᓂᖏᓐᓄᑦ ᐊᖏᕐᕋᖏᓐᓂ ᐋᓐᓂᖅᓯᕆᖃᑦᑕᐅᑎᓂᕐᒥᒃ, ᐱᓂᕐᓗᐃᖃᑦᑕᕐᓂᕐᒥᒃ ᐊᒻᒪ ᐃᒃᓯᓐᓇᕐᓯᒪᔭᐅᓂᖏᓐᓂᒃ ᐊᓚᓯᑲᒥ ᓄᓇᖃᖅᑳᕐᓯᒪᔪᑦ ᓄᓇᓕᖏᑦ. ᐱᔾᔪᑎᖏᑦ ᐃᓕᓐᓂᐊᖅᑎᑦᓯᒐᓱᐊᖁᓪᓗᒋᑦ ᑎᒥᐅᔪᓂᒃ ᐊᒻᒪ ᑭᓇᒃᑯᑐᐃᓐᓇᕐᓂᒃ ᖃᓄᖅ ᐱᐅᓂᖅᐹᒃᑯᑦ ᑭᐅᒐᓱᐊᕈᓐᓇᕐᒪᖔᑕ ᐅᒃᐱᕈᓱᖕᓂᒃᑯᑦ, ᐃᒃᐱᖕᓂᐊᓂᒃᑯᑦ, ᐃᓱᒪᒃᑯᑦ, ᐊᒻᒪ ᑎᒥᒃᑯᑦ ᐊᒃᑐᐃᓂᖃᕈᓐᓇᕐᒪᖔᑦ ᐋᓐᓂᖅᓯᕆᖃᑦᑕᕐᓂᖅ, ᐱᓂᕐᓗᐃᖃᑦᑕᕐᓂᖅ ᐊᒻᒪ ᐃᒃᓯᓐᓇᐃᓯᒪᓂᖅ. ᑕᑯᓐᓇᖅᑐᑦ ᑕᑯᓂᐊᖅᑐᑦ ᒪᒃᓯ ᑐᓪᓯᐊᒃᒥᒃ, ᑖᓐᓇ ᓇᔫᑎᓚᐅᕐᓯᒪᔪᖅ ᖃᓄᐃᖏᑦᓯᐊᕋᓱᐊᕐᓂᖏᓐᓄᑦ ᐅᓇᑖᖃᕋᓱᐊᕐᓂᕐᒧᑦ ᐱᓕᕆᐊᑎᒍᑦ ᐊᒻᒪ ᒫᓐᓇ ᐅᖃᖅᑎᒋᔭᐅᒻᒪᕆᓕᖅᑐᖅ ᐃᑲᔪᖅᑎᐅᓪᓗᓂ ᐊᖑᑎᓄᑦ ᐊᒻᒪ ᐃᓚᒌᑦ ᒪᒥᓴᕆᐊᖃᕐᓂᖏᓐᓄᑦ. ᑖᓐᓇ ᑐᓪᓯᐊᒃᒥᒃ ᐊᑎᓕᒃ ᐅᓂᒃᑳᕐᓂᐊᖅᑐᖅ ᖃᓄᖅ ᖃᓄᐃᖏᑦᓯᐊᕋᓱᐊᕐᓂᕐᒧᑦ ᐅᓇᑖᖃᕋᓱᐊᕐᓂᕐᒧᑦ ᐱᒋᐊᖅᑎᑕᐅᔪᒃᑯᑦ ᐊᖑᑎᓂᒃ ᐃᑲᔪᕐᓯᖃᑦᑕᕐᒪᑕ ᐊᓪᓗᖅᑎᓪᓗᒋᑦ ᐅᑎᖅᑎᑦᓯᒐᓱᐊᕐᓂᕐᒥᒃ ᐃᓂᒋᔭᖏᓐᓂᒃ ᓴᐳᒻᒥᒡᓯᖅᑎᐅᓪᓗᑎᒃ ᐃᓚᒌᖕᓂᐅᑉ ᐊᓐᓂᓇᕐᓂᖏᓐᓂᒃ.
ᑭᓇ ᐃᓚᐅᕙ ᑕᑯᓐᓇᒐᒃᓴᓂ?
ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖃᖅᑐᑦ ᐃᓄᖕᓂᒃ ᐊᖑᑎᓂᒃ ᐊᒻᒪ ᐃᓚᐅᔪᓂᒃ ᐱᓕᕆᔪᓂᒃ ᐊᖑᑎᓄᑦ ᐱᔾᔪᑎᒋᔭᐅᔪᓄᑦ ᐱᓕᕆᐊᖃᖅᑎᓪᓗᒋᑦ ᐃᑲᔪᖅᑐᐃᔪᑦ ᐃᓄᐃᑦ ᑐᖅᑕᕐᕕᖓᒃ ᓄᓇᖃᖅᑳᕐᓯᒪᔪᑦ ᑲᓇᑕᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᑎᒥᖁᑎᒋᔭᖓᑦ ᓴᓇᑎᓪᓗᒋᑦ ᐃᓗᓕᕆᓂᐊᖅᑕᖏᓐᓂᒃ ᒪᕐᕉᒃ- ᐃᑲᕐᕋᕐᒥᒃ ᐊᑯᓂᐅᓂᖃᖅᑐᑦ ᑕᑯᓐᓇᒐᒃᓴᐅᔪᓂᒃ. ᐃᓚᒋᔭᐅᔪᑦ ᐱᔭᕆᐊᑭᒡᓕᑎᑦᓯᔨᒃᑯᓐᓄᑦ ᐅᑯᓂᖓ ᐱᖃᓯᐅᔾᔨᓯᒪᕗᑦ:
* Fred Andersen, Counsellor, Newfoundland and Labrador
* Jacob Partridge, elder, Nunavik
* Leesie Naqitarvik, Pauktuutit Inuit Women of Canada
* Herb Nakimayak , Paulatuk
 |
Original content ©2009-2012 NAHO. All other material © respective copyright holders. All rights reserved. |
