|
||||||||
 |
 |
 |
 |
|||||
 |
 |
 |
 |
|||||
ᓄᑕᕋᖅᑖᕐᓂᖅ ᓄᓇᓕᖕᓂᕐᒥᐅᓄᑦ ᐊᓕᐊᓇᐃᑉᐳᖅ
Nutaraqtaarniq Nunalingnirmiunut Alianaippuq
|
|
Watch
here
Annie
Buchan, Community
Health Representative, Taloyoak
|
ᓄᓇᖅᑳᖅᓯᒪᔪᓄᑦ ᑕᓚᕖᓴᓕᕆᔨᒃᑯᑦ (APTN) ᐅᑭᐅᖅᑕᖅᑐᒥ
ᐃᓚᐅᓂᐊᖅᐳᑎᑦ ᐅᕙᑦᑎᓐᓂ ᐅᖃᐅᓯᖃᖅᑎᓪᓗᑕ ᓇᔾᔨᔪᓕᕆᓂᕐᒥᒃ. ᐊᐱᖅᓱᖅᑕᐅᔪᒃᓴᓂᒃ ᐊᑕᐃᓐᓇᖅᑕᖃᕐᓂᐊᖅᑐᖅ ᑭᐅᖃᑦᑕᕐᓂᐊᖅᑐᓂᒃ ᐊᐱᖅᑯᑎᒋᔭᑦᑎᓯᓂᒃ.
Annie Buchan, Community Health Representative, Taloyoak
Elashuk Pauyungie, Elder, Salluit
Martha Greig, Qajaq Men's Network, Kuujjuaq
Natsiq Kango, President of Midwives Association of Nunavut, Iqaluit
Akinisie Qumaluk, Midwife
ᖃᓄᐃᒻᒪᑦ ᐊᐅᓪᓗᔾᔨᓂᖅᓴᐅᔭᕆᐊᖃᖅᐱᑕ ᐱᐅᔪᓂᒃ ᓇᔾᔨᔪᓄᑦ ᐸᖅᑭᒡᓯᕈᑎᓂᒃ? ᖃᓄᐃᒻᒪᑦ ᐅᖃᐅᓯᖃᕆᐊᖃᖅᐱᑕ ᐱᓕᕆᖃᑕᐅᓂᖏᓐᓂᒃ ᐃᕐᓂᓱᒃᓰᔨᑦ ᐊᒻᒪ ᓇᔾᔨᔪᓕᕆᔨᐅᔪᓂᒃ ᐱᓕᕆᔨᓂᒃ?
ᐱᔾᔪᑎᒋᓪᓗᒍ:
- ᓱᕈᓯᓕᒫᑦᑎᐊᑦ ᐱᔭᕆᐊᖃᖅᑐᐃᓐᓇᑦᓯᐊᖑᖕᒪᑕ ᐱᐅᓂᖅᐹᒃᑯᑦ ᐃᓅᓯᖓᑦ ᐱᒋᐊᕈᓐᓇᖁᓪᓗᒍ ᐊᒻᒪ ᐱᒋᐊᕐᕕᐅᕗᖅ ᐃᕐᓂᓯᒪᓕᖅᑎᓪᓗᒋᑦ ᐸᖅᑭᓯᓂᕐᒥᒃ.
- ᓇᔾᔨᔪᑦ ᐸᖅᑭᔭᐅᑦᑎᐊᖅᑎᓪᓗᒋᑦ ᐃᑲᔪᖅᑐᐃᕗᖅ ᖃᓄᐃᖏᑦᓯᐊᖁᓪᓗᒋᑦ ᐃᓚᒌᓕᒫᑦᑎᐊᑦ ᐱᔾᔪᑎᒋᓪᓗᒍ ᐊᓈᓇᒋᔭᐅᔪᑦ ᐊᒻᒪ ᕿᑐᕐᖓᓛᖏᑦ ᖃᓄᐃᖏᑦᓯᐊᕐᓂᖅᓴᐅᕙᖕᒪᑕ.
- ᓇᔾᔨᑎᓪᓗᒋᑦ ᐃᓄᐃᑦ ᐊᕐᓇᖏᑦ ᐊᒻᒪ ᐃᓚᒌᑦ ᐸᖅᑭᔭᐅᑦᑎᐊᖅᑎᓪᓗᒋᑦ ᐃᓄᖕᓄᑦ ᓇᔾᔨᔪᓄᑦ ᐱᓕᕆᔨᓂᑦ ᐊᒻᒪ ᐃᓄᖕᓄᑦ ᐃᕐᓂᓱᒃᓰᔨᓂᑦ, ᐸᖅᑭᔭᐅᔾᔪᑎᖏᑦ ᑲᒪᒋᔭᐅᔾᔪᑎᖏᓪᓗ ᐅᖃᐅᓯᖏᓐᓂᒃ ᐊᑐᕐᖢᑎᒃ ᐊᒻᒪ ᐅᐱᒍᓱᑦᑎᐊᕐᖢᑎᒃ ᐃᓄᐃᑦ ᐃᓕᖅᑯᓯᖏᓐᓂᒃ ᐊᒻᒪ ᐱᖅᑯᓯᑦᑎᐊᕙᖏᓐᓂᒃ.
- ᐃᓄᖕᓂᒃ ᐃᕐᓂᓱᒃᓰᔨᖃᖅᑎᓪᓗᒍ ᐊᒻᒪ ᐃᓄᖕᓂᒃ ᓇᔾᔨᔪᓕᕆᔨᓂᒃ ᐱᓕᕆᔨᖃᖅᑎᓪᓗᖏᑦ ᓄᓇᓕᖕᓂ ᐃᓄᐃᑦ ᐱᐅᓯᖏᓐᓂᒃ ᐆᒪᑎᑦᑏᓐᓇᕐᓇᕐ ᐊᒻᒪ ᐃᓚᒌᑦ ᐸᖅᑭᔭᐅᑦᑎᐊᖅᑎᓪᓗᒋᑦ ᐃᓄᖕᓄᑦ ᓇᔾᔨᔪᓄᑦ ᐱᓕᕆᔨᓂᑦ ᐊᒻᒪ ᐃᓄᖕᓄᑦ ᐃᕐᓂᓱᒃᓰᔨᓂᑦ, ᐸᖅᑭᔭᐅᔾᔪᑎᖏᑦ ᑲᒪᒋᔭᐅᔾᔪᑎᖏᓪᓗ ᐅᖃᐅᓯᖏᓐᓂᒃ ᐊᑐᕐᖢᑎᒃ ᐊᒻᒪ ᐅᐱᒍᓱᑦᑎᐊᕐᖢᑎᒃ ᐃᓄᐃᑦ ᐃᓕᖅᑯᓯᖏᓐᓂᒃ ᐊᒻᒪ ᐱᖅᑯᓯᑦᑎᐊᕙᖏᓐᓂᒃ.
- ᐃᓄᖕᓂᒃ ᐃᕐᓂᓱᒃᓰᔨᖃᖅᑎᓪᓗᒍ ᐊᒻᒪ ᐃᓄᖕᓂᒃ ᓇᔾᔨᔪᓕᕆᔨᓂᒃ ᐱᓕᕆᔨᖃᖅᑎᓪᓗᖏᑦ ᓄᓇᓕᖕᓂ ᐃᓄᐃᑦ ᐱᐅᓯᖏᓐᓂᒃ
ᐆᒪᑎᑦᑏᓐᓇᕐᓇᕐᒪᑦ ᑕᐃᒪᓐᓇ!
ᑭᓲᕙᓪᓕ ᑐᓴᐅᒪᑎᑦᑎᓂᕐᒧᑦ ᑐᕌᒐᒃᓴᕗᑦ?
ᑐᕌᒐᒃᓴᖓᑦ ᓇᔾᔨᔪᓂᒃ ᐸᖅᑭᒡᓯᓂᕐᒧᑦ ᑕᓚᕖᓴᒃᑯᑦ ᑕᑯᒃᓴᐅᔪᒃᓴᑦ ᑐᓴᒐᒃᓴᓂᒃ ᓴᖅᑭᑦᑎᖁᓪᓗᒋᑦ ᐱᔾᔪᑎᖃᖅᑐᑎᓂᒃ ᐃᓄᐃᑦ ᐃᕐᓂᓱᒃᓰᔾᔪᓯᖏᓐᓂᒃ ᐊᒻᒪ ᐸᖅᑭᒡᓯᔾᔪᓯᖏᓐᓂᒃ ᐊᒻᒪ ᑎᓕᐅᕆᓗᑎᒃ ᐊᑐᖅᑕᐅᓂᖅᓴᐅᖁᓪᓗᒋᑦ ᐊᒻᒪ ᐅᓄᕐᓂᖅᓴᐅᓕᕐᓗᑎᒃ ᐊᑐᖅᑕᐅᖃᑦᑕᖅᑐᑦ ᓄᓇᓕᖕᓂ ᓇᔾᔨᔪᓕᕆᓂᕐᒧᑦ ᐊᒻᒪ ᐃᕐᓂᓱᒃᓰᔪᓕᕆᓂᕐᒧᑦ ᐱᑕᖃᖁᓕᕐᖢᒋᑦ ᐃᓄᐃᑦ ᓄᓇᓕᖏᓐᓂ ᐃᓘᓐᓇᖏᓐᓂ.
ᑭᓱᓂᒃ ᑕᑭᓂᐊᖅᐱᑦ ᑕᑯᓐᓇᒐᒃᓴᓂᑦ?
ᑕᑯᓐᓇᕐᓂᐊᖅᑐᑎᑦ ᐅᖃᐅᓯᖃᓪᓚᕆᒃᑎᓪᓗᒋᑦ ᖃᐅᔨᒪᔨᒻᒪᕆᐅᔪᓂᒃ ᐊᒻᒪ ᐅᖃᓚᕋᖅᑎᑦᓯᓗᑎᒃ ᑕᑯᒃᓴᐅᑎᓪᓗᒋᑦ. ᑐᓴᕐᓂᐊᖅᑐᓯ ᓯᕗᒧᐊᒃᓯᒪᓂᖃᑦᓯᐊᖅᑐᒥᒃ ᓇᔾᔨᔪᓂᒃ ᐊᖅᑭᒡᓯᕐᓂᕐᒧᑦ ᐊᒻᒪ ᐃᕐᓂᓱᒃᓰᓂᕐᒧᑦ ᐱᓕᕆᔾᔪᑎᓂᒃ ᐊᓯᕈᐃᓯᒪᓕᖅᑐᓂᒃ ᐱᐅᓂᖅᓴᒧᑦ ᐃᓄᐃᑦ ᓄᓇᖏᓐᓂ.
ᐊᒻᒪ ᑕᑯᒃᓴᐅᑎᑦᓯᓂᐊᖅᑐᑦ ᑎᓴᒪᓂᒃ ᓯᕗᕐᖓᒍᑦ ᑕᕐᕆᔭᓕᐊᕕᓂᕐᓂᒃ ᑕᑯᒃᓴᐅᑎᑦᓯᓗᑎᒃ ᐱᐅᓯᑦᑎᐊᕙᖕᓂᒃ ᓇᔾᔨᔪᓄᑦ ᐸᖅᑭᒡᓯᕐᓂᕐᒥᒃ ᐊᒻᒪ ᐃᕐᓂᓱᒃᓰᔨᓂᒃ ᐃᓄᐃᑦ ᓄᓇᓕᖏᓐᓂ ᐊᒻᒪ ᐃᓚᒋᓂᐊᕐᒥᔭᖓᑦ “ᖃᓄᐃᓕᖅᐱᑕᓕ? ᐃᓄᐃᑦ ᐊᓐᓪᓂᐊᖏᓐᓄᑦ ᖃᐅᔨᓴᕈᑎ”.
ᖃᓄᐃᓕᖅᐱᑕᓕ? ᐃᓄᐃᑦ ᐋᓐᓂᐊᖏᓐᓄᑦ ᖃᐅᔨᓴᐃᓂᖅ:
- ᑕᑯᓐᓇᖅᑐᑦ ᑕᑯᓂᐊᖅᑐᑦ ᓯᕗᓪᓕᖅᐹᒥᒃ ᖃᐅᔨᓴᕈᑕᐅᔪᒥᒃ ᐋᓐᓂᐊᖏᓐᓂᒃ ᐃᓄᐃᑦ ᓄᓇᕗᒥᐅᑕᐅᔪᑦ, ᐃᓄᕕᐊᓗᐃᑦ ᐊᒻᒪ ᓄᓇᑦᓯᐊᕗᒥᐅᑕᐅᔪᑦ. ᑕᕝᕙᓂ "ᖃᓄᐃᓕᖅᐱᑕᓕ? ᐃᓄᐃᑦ ᐋᓐᓂᐊᖏᓐᓄᑦ ᖃᐅᔨᓴᐃᓂᕐᒥ Qanuippitali? Inuit Health Survey", ᐋᓐᓂᐊᖅᑐᓕᕆᓂᕐᒧᑦ ᐱᓕᕆᔨᐅᔪᑦ ᐊᒻᒪ ᖃᐅᔨᓴᖅᑎᐅᔪᑦ ᐅᒥᐊᕐᔪᐊᒃᑯᑦ ᐊᐅᓪᓚᓚᐅᖅᑐᑦ ᐃᓄᐃᑦ ᓄᓇᖏᓐᓄᑦ ᖃᐅᔨᓴᐃᔭᖅᑐᕐᖢᑎᒃ ᐃᓐᓇᕐᓂᒃ ᐊᒻᒪ ᓱᕈᓯᕐᓂᒃ ᖃᓄᐃᓕᕐᒪᖔᑕ ᐋᓐᓂᐊᖃᖅᑕᐃᓕᒪᓂᖏᑦ ᐊᒻᒪ ᖃᓄᐃᖏᑦᓯᐊᕋᓱᐊᕐᓂᕐᒧᑦ ᐱᓕᕆᔭᐅᓯᒪᔪᓂᒃ ᑕᑯᓐᓇᕐᓂᐊᖅᑐᑦ ᐊᑐᓂ ᐊᐅᓪᓚᕐᕕᐅᓚᐅᖅᑐᓂᑦ ᐊᒻᒪ ᑲᑎᑦᓯᖃᑦᑕᕐᓂᐊᖅᑐᑦ ᐃᓚᖏᓐᓂᒃ ᐱᓕᕆᖃᑕᐅᓚᐅᖅᑐᓂᒃ ᖃᐅᔨᓴᐃᓂᕐᒥ ᑕᒪᑐᒪᓂ. ᐃᓚᒋᓪᓗᒍ, ᐊᐱᖅᑯᑕᐅᖃᑦᑕᖅᑐᓄᑦ ᑐᓴᒐᒃᓴᓂᒃ ᓴᖅᑭᑦᓯᒃᑲᓐᓂᕐᓂᐊᖅᑐᑦ ᐱᓪᓗᒋᑦ ᐊᐱᖅᑯᑕᐅᖃᑦᑕᖅᑐᑦ ᐃᓄᐃᑦ ᐊᕐᓇᐃᑦ ᐅᑭᐅᖃᖅᑐᑦ 18 ᐊᒻᒪ ᐅᖓᑖᓂ.
- ᓄᓇᓕᖕᓂ ᐋᓐᓂᐊᖃᕐᓇᖏᑦᑐᓕᕆᔨᐅᓂᕐᒧᑦ ᐱᓕᕆᐊᖅ (ᐊᓚᓯᑲ):
ᓄᓇᓕᖕᓂ ᐋᓐᓂᐊᖃᕐᓇᖏᑦᑐᓕᕆᔨᐅᓂᕐᒧᑦ ᐱᓕᕆᐊᖅ ᐊᓚᓯᑲᒥ ᐱᒻᒪᕆᐅᕗᖅ ᐃᓄᖁᑎᖏᓐᓄᑦ ᑕᐅᕙᓂ, ᐃᓄᐱᐊᓄᑦ. ᑖᓐᓇ ᐱᓕᕆᐊᖑᔫᑉ ᑐᕌᒐᒃᓴᖓᑦ ᓇᔾᔨᔪᓂᒃ ᐸᖅᑭᒡᓯᖁᓪᓗᒋᑦ ᐅᐱᒍᓱᑦᑎᐊᕐᓗᑎᒃ ᐃᓄᐱᐊᑦ ᐃᓕᖅᑯᓯᖏᓐᓂᒃ ᐊᒻᒪ ᒪᒥᓴᐃᔾᔪᓯᖏᓐᓂᒃ. ᑕᑯᓐᓇᖅᑐᑦ ᑕᑯᓂᐊᕐᒥᔪᑦ ᒋᓕᓐᑕ ᓗᐊᑦᒥᒃ ᐊᑎᓕᖕᒥᒃ, ᓄᓇᓕᖕᓂ ᐋᓐᓂᐊᖃᕐᓇᖏᑦᑐᓕᕆᔨᒋᔭᐅᔪᖅ ᐊᒻᒪ ᑕᑯᓂᐊᕐᒥᔪᓯ ᐊᓯᖏᓐᓂᒃ ᐃᓄᐱᐊᓂᒃ ᐋᓐᓂᐊᖃᕐᓇᖏᑦᑐᓕᕆᔨᐅᔪᓂᒃ. ᑕᑯᓂᐊᕐᒥᔭᓯ ᐃᖅᑲᓇᐃᔭᖅᑎᓪᓗᒋᑦ ᐋᓐᓂᐊᕕᖕᒥ ᑲᒃᑐᕐᕕᒃ, ᐊᓚᓯᑲᒥ ᐊᓈᓇᒋᔭᐅᔪᑦ ᐃᓚᒋᔭᐅᔪᓪᓗ ᑲᒪᑦᓯᐊᖃᑦᑕᖅᑎᓪᓗᒋᑦ ᐊᕐᓇᓂᒃ ᓇᔾᔨᔪᓂᒃ ᐱᓕᕆᔪᓐᓇᕐᓂᓕᒫᒥᒍᑦ.
- ᓄᓇᓕᖕᓂ ᐃᕐᓂᓱᒃᓰᔨᐅᓂᕐᒧᑦ ᐱᓕᕆᐊᖅ (ᑲᓛᓪᖠᓂ):
ᑭᖑᓂᑦᑎᓐᓂ, ᑲᓛᓪᖠᒥᐅᑦ ᐃᖅᑲᓇᐃᔭᖅᑎᑖᖃᑦᑕᓚᐅᖅᑐᑦ ᐃᕐᓂᓱᒃᓰᔨᓂᒃ ᑎᐊᓐᒫᒃᒥᑦ ᓇᔾᔨᔪᓕᕆᔨᐅᓂᐊᖅᑎᓪᓗᒋᑦ ᐋᓐᓂᐊᕕᖕᓂ. ᑭᓯᐊᓂᓕ, ᒫᓐᓇᕋᑖᖑᓚᐅᖅᑐᖅ ᑕᐅᕙᓂᕐᒥᐅᑦ ᐊᐅᓪᓗᔾᔨᓂᖅᓴᐅᓯᒪᓕᕐᒪᑕ ᐸᖅᑭᑦᓯᑦᑎᐊᕐᓂᖅᓴᐅᔪᒪᓪᓗᑎᒃ ᓇᔾᔨᔪᓕᕆᓂᕐᒥᒃ ᐋᖅᑭᒡᓱᕐᓯᒪᓗᓂ ᐊᑐᕐᓗᑎᒃ ᐃᓕᖅᑯᓯᖏᓐᓂᒃ ᐊᒻᒪ ᐱᐅᓯᕆᔭᖏᓐᓂᒃ ᖃᓛᓪᖠᑦ ᓄᓇᖓᓐᓂ. ᑕᐃᒪᐃᒻᒪᑦ, ᑲᓛᓪᖠᑦ ᒐᕙᒪᖏᑦ ᓴᖅᑭᑦᑎᓕᓚᐅᕐᓯᒪᔪ ᐊᑯᑭᑦᑐᕐᒥᐅᑦ ᓄᓇᓕᖏᓐᓂ ᐃᕐᓂᓱᒃᓯᔨᐅᓂᕐᒧᑦ ᐃᓕᓐᓂᐊᕈᑎᒃᓴᐅᓂᐊᖅᑐᓂᒃ. ᑕᕝᕙᓂ ᑕᑯᓐᓇᒐᒃᓴᒥ, ᑕᑯᓂᐊᖅᐳᓯ ᕼᐊᓚᓐ ᓚᓇᑦᒥᒃ, ᐃᕐᓂᓱᒃᓯᔨᐅᔪᖅ ᓯᓯᒥᐅᓂ, ᐃᓕᓐᓂᐊᖅᑕᒥᓂᒃ ᐱᔭᕇᖅᓯᓚᐅᕐᓯᒪᔪᖅ 2006-07-ᖑᑎᓪᓗᒍ ᐃᕐᓂᓱᒃᓯᔨᐅᓂᕐᒧᑦ. ᕼᐊᓚᓐ ᐊᒻᒪ ᐊᖓᔪᖅᑳᖓᑦ ᓘᒃᑖᒃᑯᑦ ᓯᓯᒥᐅᑦ ᐋᓐᓂᐊᕕᐊᓂ ᐅᖃᐅᓯᖃᕐᓂᐊᖅᑐᑦ ᖃᓄᖅ ᑐᑭᖃᕐᒪᖔᑦ ᐊᕐᓇᓄᑦ ᐊᒻᒪ ᐃᓚᒌᓄᑦ ᖃᓛᓪᖠᓂ ᑕᐃᒪᓐᓇ ᐱᔨᑦᓯᖅᑕᐅᖃᑦᑕᖅᑎᓪᓗᖏᑦ ᐅᖃᐅᓯᓪᓚᕆᖕᒥᖕᓂᒃ ᐊᑐᖅᑎᓪᓗᒋᑦ ᐊᒻᒪ ᐃᕐᓂᓱᒃᓰᔨᖃᕐᖢᑎᒃ ᐃᓕᖅᑯᓯᖃᑎᖏᔭᒥᓂᒃ.
- ᓇᔾᔨᔪᓕᕆᓂᖅ ᐊᒻᒪ ᐃᕐᓂᓱᒃᓰᔨᐅᓂᕐᒧᑦ ᐃᓕᓐᓂᐊᕈᑎᑦ (ᓄᓇᕗᑦ):
ᑕᑯᓂᐊᕐᒥᔪᓯ ᖃᓄᖅ ᓄᓇᕗᑦ ᐅᓄᖅᑐᓂᒃ ᐱᐅᓯᒋᐊᖅᑎᑦᓯᓯᒪᓕᕐᒪᖔᑕ ᓇᔾᔨᔪᑦ ᐸᖅᑭᔭᐅᓂᖏᓐᓂᒃ ᐊᒻᒪ ᐃᕐᓂᓱᒃᓰᓂᕐᒧᑦ ᐱᓕᕆᐊᖑᔪᓂᒃ. ᑐᓴᕐᓂᐊᖅᑐᓯ ᓄᓇᕗᑦ ᓯᓚᑦᑐᓴᕐᕕᖓᓐᓂ ᐃᓕᓐᓂᐊᕈᑕᐅᔪᓂᒃ ᓇᔾᔨᔪᓕᕆᓂᕐᒥᒃ ᐊᒻᒪ ᐃᕐᓂᓱᒃᓯᔨᐅᓂᕐᒥᒃ. ᑖᒃᑯᐊ ᐃᓕᓐᓂᐊᕈᑎᐅᔪᑦ ᐸᕐᓇᐃᔪᑦ ᐃᓄᖕᓂᒃ ᐃᖅᑲᓇᐃᔭᒐᒃᓴᖏᓐᓄᑦ ᐊᑑᑎᖃᑦᓯᐊᖅᑐᒃᑯᑦ ᐱᓕᕆᔨᐅᓂᐊᖅᑎᓪᓗᒋᑦ. ᑕᑯᑎᑕᐅᓂᐊᖅᑐᑦ ᑲᖏᕐᖠᓂᕐᒥ ᐃᕐᓂᓱᒃᓰᕕᖕᒥᒃ, ᐃᓄᐃᑦ ᐃᓕᓐᓂᐊᕐᓂᕐᒥᖕᓂᒃ ᐱᔭᕇᕐᓯᓯᒪᔪᑦ ᓇᔾᔨᔪᓕᕆᔨᐅᓂᕐᒧᑦ /ᐃᕐᓂᓱᕐᓯᔨᐅᓂᕐᒧᑦ ᐊᑐᖅᑎᓪᓗᒋᑦ ᐃᓕᓯᒪᔭᒥᖏᓂᒃ. ᑐᓴᕐᓂᐊᕐᒥᔪᓯ ᓇᔾᔨᔪᓕᕆᔨᐅᔪᓂᒃ ᐊᒻᒪ ᐃᕐᓂᓱᒃᓯᔨᐅᔪᓂᑦ, ᐊᒻᒪ ᑕᐃᒃᑯᓇᖓᑦ ᐃᓕᓴᐃᓚᐅᖅᑐᓂᑦ.
- ᐃᓄᐃᑦ ᐃᕐᓂᓱᒃᓰᔨᐅᓂᕐᒧᑦ ᐃᓕᓐᓂᐊᓯᓐᓈᑦ ᐱᓕᕆᔾᔪᑎᖓᑦ (ᓄᓇᕕᒃ)
ᑖᓐᓇ ᐃᓄᖕᓄᑦ ᐃᕐᓂᓱᒃᓯᔨᐅᓂᕐᒧᑦ ᐃᓕᓐᓂᐊᓯᓐᓈᑦ ᐱᓕᕆᔾᔪᑎ Inuit midwife apprenticeship program in ᓄᓇᕕᖕᒥ ᐊᐅᓚᓂᖃᓕᖅᑐᖅ ᐊᕐᕌᒍᓄᑦ 22−ᓄᑦ. ᑕᒪᓐᓇᓗ ᑕᑯᓐᓇᖅᑕᐅᓪᓗᓂ ᐱᐅᓂᖓᓂᒃ ᐃᓕᓐᓂᐊᕈᑎᐅᔪᖅ ᐊᔪᕆᑕᐅᓗᓂ ᓄᓇᖃᖅᑳᕐᓯᒪᔪᓂ ᓄᓇᕐᔪᐊᕐᒥ. ᑐᓴᕐᓂᐊᕐᒥᔪᓯ ᖃᓄᖅ ᐃᓕᓐᓂᐊᕈᑎᐅᔪᖅ ᓴᓇᔭᐅᓐᓂᕐᒪᖔᑦ ᐊᓄᓪᓗ ᐱᒻᒪᕆᐅᑎᒋᖕᒪᖔᑦ ᐃᓄᖕᓄᑦ ᐃᕐᓂᓱᒃᓰᔨᓄᑦ, ᐊᓇᓇᐅᔪᓄᑦ, ᐃᓚᒋᔭᐅᔪᓄᑦ ᐊᒻᒪ ᓄᓇᓕᖏᓐᓄᑦ ᓄᓇᕕᖕᒥ. ᑕᑯᑎᑦᓯᓂᐊᕐᒥᔪᒍᑦ ᒪᕐᕉᖕᓄᑦ ᖃᐅᔨᒪᔭᐅᒻᒪᕆᒃᑑᖕᓄᑦ ᐃᕐᓂᓱᒃᓰᔩᖕᓄᑦ ᓄᓇᕕᖕᒥ. ᐳᕆᓐᑕ ᐃᐳ ᐊᒻᒪ ᐊᐃᓖᓐ ᒧᐊᕼᐊᐅᓯᒧᑦ ᐱᔭᕇᕐᓯᓯᒪᔪᖅ ᐃᓕᓐᓂᐊᕈᑎᐅᔪᒥᒃ ᐊᒻᒪ ᒫᓐᓇ ᓚᐃᕿᓴᓐᓯᖃᓕᖅᑐᑦ ᐃᕐᓂᓱᒃᓰᓂᕐᒧᑦ ᑯᐃᐸᐃᒃ ᐃᓗᐊᓂ. ᓚᐃᓴᓐᓯᖏᑦ ᑐᑭᖃᕈᓐᓇᕐᒥᔪᑦ ᐃᕐᓂᓱᒃᓯᔨᐅᔪᓐᓇᕐᓂᖏᓐᓂᒃ ᑲᓇᑕᐅᑉ ᐊᒡᒍᖅᑐᕐᐱᔭᕇᕐᓯᓯᒪᔪᖅ ᐃᓕᓐᓂᐊᕈᑎᐅᔪᒥᒃ ᐊᒻᒪ ᒫᓐᓇ ᓚᐃᕿᓴᓐᓯᖃᓕᖅᑐᑦ ᐃᕐᓂᓱᒃᓰᓂᕐᒧᑦ ᑯᐃᐸᐃᒃ ᐃᓗᐊᓂ. ᓚᐃᓴᓐᓯᖏᑦ ᑐᑭᖃᕈᓐᓇᕐᒥᔪᑦ ᐃᕐᓂᓱᒃᓯᔨᐅᔪᓐᓇᕐᓂᖏᓐᓂᒃ ᑲᓇᑕᐅᑉ ᐊᒡᒍᖅᑐᕐᓯᒪᓂᖏᑕ ᐃᓗᖏᓐᓂ. ᐃᕐᓂᓱᒃᓰᔨᐅᓂᕐᒧᑦ ᐃᓕᓐᓂᐊᕈᑎᒧᑦ ᐱᓕᕆᐊᖑᔪᖅ ᓄᓇᕕᖕᒥ ᐊᔾᔨᐅᖏᑦᑐᖅ ᐱᔾᔪᑎᒋᓪᓗᒍ ᐃᓕᓐᓂᐊᕈᑎᖏᑦ ᑐᓐᖓᕕᖃᕐᒪᑕ ᐱᖅᑯᓯᑐᖃᖏᓐᓂᒃ ᐃᓄᐃᑦ ᐃᓕᓐᓂᐊᕈᑎᖏᓐᓂᒃ ᐊᒻᒪ ᐃᓕᓐᓂᐊᖃᑦᑕᕐᖢᑎᒃ ᐃᓄᐃᑦ ᓄᓇᓕᖏᓐᓂ. ᑕᑯᓂᐊᕐᒥᔪᑎᑦ ᐃᕐᓂᓱᒃᓰᔨᓂᒃ ᑐᓂᔭᐅᑎᓪᓗᒋᑦ ᓚᐃᓴᓐᓯᖏᓐᓂᒃ ᐱᕕᒡᔪᐊᕈᑎᖃᖅᑎᓪᓗᒋᑦ ᐊᖏᖅᑎᑕᐅᓂᖏᓐᓂᒃ ᑯᐃᐸᒃ ᓯᑎᒥ ᐊᒻᒪ ᑐᓴᕐᓂᐊᕐᒥᔭᓯ ᐱᓕᕆᓂᕆᓚᐅᖅᑕᖏᑦ ᑕᒪᑐᒥᖓ ᐱᒻᒪᕆᐅᔪᒥᒃ ᐱᔭᕇᖅᓯᑎᓪᓗᒋᑦ.
ᑭᓇᒃᑯᑦ ᐃᓚᐅᓂᐊᖅᐸᑦ ᑕᑯᓐᓇᒐᒃᓴᓕᐊᓂ?
ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖃᖅᑐᑦ ᓇᔾᔨᔪᓕᕆᔨᐅᔪᓂᒃ ᐊᒻᒪ ᐃᕐᓂᓱᒃᓰᓂᕐᒧᑦ ᐱᓕᕆᔨᐅᔪᓂᒃ ᐃᑲᔪᖅᑐᓂᒃ ᓴᓇᑎᓪᓗᒋᑦ ᐃᓗᓕᕆᓂᐊᖅᑕᖏᓐᓂᒃ ᑕᓚᕖᓴᒃᑯᑦ ᑕᑯᒃᓴᐅᔪᒃᓴᑦ. ᐱᔭᕆᐊᑭᒡᓕᑎᑦᓯᔨᑦ ᐅᑯᓂᖓ ᐃᓚᐅᑎᑦᓯᕗᑦ:
- Aileen Moorhouse, Midwife, Inukjuak
- Brenda Epoo, Midwife, Inukjuak
- Ruth Montgomery-Andersen, MPH, Nordic Institute of Greenland
- Nowyah Williams, Regional co-ordinator of Maternal and Newborn, Rankin Inlet
 |
Original content ©2009-2012 NAHO. All other material © respective copyright holders. All rights reserved. |
