|
||||||||
 |
 |
 |
 |
|||||
 |
 |
 |
 |
|||||
ᓱᓇᐅᕙ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᓐᓂᖅ?
ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᓐᓂᖅ ᐃᓅᓯᓕᒫᖅ ᑕᐃᒪᐃᓲᖑᕗᖅ ᑎᒦᑦ ᑎᒥ ᓴᓇᔪᓐᓇᐃᓪᓕᓂᖓᓄᑦ ᖥᒻᒪᑦᑐᒥᒃ ᑎᒥᒥ ᓰᕐᓇᖅᑐᒥᒃ ᓄᖑᑎᕆᔾᔪᒥᒃ, ᐅᕝᕙᓘᓐ•ᑦ ᑎᒦᑦ ᐊᑐᕈᓐᓇᐃᓕᑉᐸᑦ ᑎᒥᒥ ᓰᕐᓇᖅᑐᒥᒃ ᓄᖑᑎᕆᔾᔪᒥᒃ ᓴᓇᕙᑦᑕᒥᓂᒃ. ᑎᒦᑦ ᐱᔭᕆᐊᖃᕐᒪᑦ ᑎᒥᒥ ᓰᕐᓇᖅᑐᒥᒃ ᓄᖑᑎᕆᔾᔪᒥᒃ ᐊᓯᕈᖅᑎᓇᓱᐊᖅᑎᓪᓗᒍ ᓱᑲᕐᒥᒃ ᓂᕿᒥᒃ ᐆᒪᔾᔪᑎᒧᑦ. ᐱᑕᖃᓐᖏᓗᐊᕈᕕᑦ ᑎᒥᒥ ᓰᕐᓇᖅᑐᒥᒃ ᓄᖑᑎᕆᔾᔪᒥᒃ, ᑕᒪᓐᓇ ᓱᑲᖅ ᐊᐅᓐᓕᖏᓐᓇᓕᕐᓂᐅᓴᓪᓗᓂ "ᐊᐅᒻᒥ ᓱᑲᐅᑉ ᐱᑕᖃᖅᑎᒋᓂᖓ" ᖁᕝᕙᓯᓗᐊᓯᓪᓗᓂ. ᖁᕝᕙᓯᖃᑦᑕᑎᓪᓗᒍ ᐊᐅᒻᒥ ᓱᑲᖅ ᐊᑯᓂ ᐊᑲᐅᓐᖏᓕᕈᑕᐅᔪᓐᓇᖅᐳᖅ ᒪᑯᓂᖓ: ᓱᕋᑦᑎᕐᓗᑎᒃ ᑕᖃᐃᑦ, ᑕᖅᑑᒃ, ᐊᒻᒪ ᐊᐅᒃ ᐃᖏᕐᕋᔪᓐᓇᑦᑎᐊᕈᓐᓃᕐᓗᓂ.
ᐱᑕᖃᖅᐳᖅ ᐱᖓᓱᓗᐊᓂᒃ ᐊᔾᔨᒌᓐᖏᑦᑐᓂᒃ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᔾᔪᑎᓂᒃ: ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᓐᓂᒃ ᓯᕗᓪᓕᖅ, ᑕᐃᒪᐃᑎᓪᓗᒍ ᑎᒥ ᓴᓇᒐᓈᑐᐃᓐᓇᓲᖑᕗᖅ ᒥᑭᔪᒥᒃ ᐅᕝᕙᓘᓐᓃᑦ ᓴᓇᔪᓐᓇᖏᓪᓗᓂ ᑎᒥᒥ ᓰᕐᓇᖅᑐᒥᒃ ᓄᖑᑎᕆᔾᔪᒥᒃ; ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᔾᔪᑎ ᑭᖑᓪᓕᖅ, ᑕᐃᒪᐃᒪᑎᓪᓗᒍ ᑎᒥ ᓴᓇᔪᓐᓇᖅᐳᖅ ᑎᒥᒥ ᓰᕐᓇᖅᑐᒥᒃ ᓄᖑᑎᕆᔾᔪᒥᒃ ᑭᓯᐊᓂ ᐊᑐᕈᓐᓇᑎᐊᕐᓇᒍ; ᐊᒻᒪ ᓇᔾᔨᓂᒃᑯᑦ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᓐᓂᖅ, ᑕᐃᒪᐃᑎᓪᓗᒍ ᑎᒥ ᐊᑐᕈᓐᓇᑦᑎᐊᕈᓐᓇᕈᑕᐅᓲᖑᓐᖏᓚᖅ ᑎᒥᒥ ᓰᕐᓇᖅᑐᒥᒃ ᓄᖑᑎᕆᔾᔪᑎᒥᒃ ᓇᔾᔨᔪᓄᑦ. ᑕᒪᓐᓇ ᑕᐃᒪᐃᑦᑐᖅ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᓐᓂᖅ ᐊᓂᒍᓲᖑᕗᖅ ᓄᑕᕋᖅ ᐃᓅᓯᒪᓕᖅᑎᓪᓗᒍ. 9-ᖑᔪᓂᒃ ᑕᓪᓕᒪᑦ ᐃᓄᐃᑦ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᔾᔪᑎᖃᖅᑐᑦ ᐱᖃᓲᖑᕗᑦ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᔾᔪᑎᒥᒃ ᑭᖑᓪᓕᕐᒥᒃ.
ᓄᓇᖃᖅᑳᖅᓯᒪᔪᑦ ᑲᓇᑕᒥ ᐱᑖᕐᓂᐅᓴᒐᔪᓐᓂᖅᓴᐅᕗᖅ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᔾᔪᑎᒥᒃ ᑭᖑᓕᕐᒥᒃ ᐊᓯᒥᓐᓂᑦ ᑲᓇᑕᒥᐅᓂᑦ. ᓄᓇᖃᖅᑳᖅᓯᒪᔪᖅ ᓱᕈᓰᑦ ᐊᒻᒪᑦᑕᐅᖅ µᓐᓇ ᖃᐅᔨᔭᐅᖃᑦᑕᓕᕆᕗᑦ ᐱᖃᕆᐊᑦᓴᖏᓐᓂᒃ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᔾᔪᑎ ᑭᖑᓪᓕᕐᒥᒃ, ᑕᒪᓐᓇ ᐋᓐᓂᐊᖃᕐᓂᖅ ᓯᕗᓂᕐᒥ ᐱᑕᖃᓗᐊᓲᑐᖃᐅᓯᒪᔪᖅ ᐃᓄᑐᖃᐅᓂᖅᓴᓂ. ᐃᓄᐃᑦ ᐱᑖᖃᑦᑕᕐᓂᖏᑦ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᔾᔪᑎᒥᒃ ᖁᕝᕙᓯᓐᖏᓂᖅᓴᐅᕗᑦ ᐊᓯᖏᓐᓂᑦ ᓄᓇᖃᖅᑳᖅᓯᒪᔪᓂᑦ, ᑭᓯᐊᓂ ᐅᓗᕆᐊᒋᔭᐅᕗᖅ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᔾᔪᑎᑖᖅᐸᑦᑐᑦ ᑭᖑᓪᓕᕐᒥᒃ ᐃᓄᐃᑦ ᐊᒥᓱᕈᖅᐸᓪᓕᐊᓕᕐᓂᖏᓐᓄᑦ.
ᑕᐃᒃᓱᒪᓂ ᐊᕐᕌᒍ ᐊᒥᓱᑦ ᓯᕗᓂᖓᓂ, ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᓐᓂᖅ ᐃᓱµᓗᓇᖅᐸᓚᐅᖅᓯᒪᓐᖏᑦᑐᖅ ᓄᓇᖃᖅᑳᖅᓯᒪᔪᓄᑦ. ᑕᐃᒃᓱᒪᓂᓕ, ᓄᓇᖃᖅᑳᖅᓯᒪᔪᑦ ᕿᑲᖅᓯᔪᐃᑦᑑᔭᕆᐊᖃᖅᐸᓚᐅᖅᓯᒪᒻᒪᑕ ᐃᓅᓇᓱᐊᕐᓗᑎᒃ, ᐊᒻᒪ ᓂᕆᕙᓚᐅᖅᓯᒪᓪᓗᑎᒃ ᓂᕿᒋᔭᐅᓲᑐᖃᓂᒃ. ᐃᓚᖏᑦ ᐃᓄᐃᑦ ᐃᓱᒪᖃᑦᑕᖅᐳᑦ ᐊᓯᕈᕐᓂᕆᔭᖏᑦ ᐃᓅᓯᖏᑦᑕ ᓄᓇᖃᖅᑳᖅᓯᒪᔪᑦ ᓂᒪᓐᖏᓂᖅᓴᐅᓇᖅᐸᓕᕐᒪᑕ ᐃᓄᓐᓄᑦ ᐊᒻᒪ ᓂᕆᕙᓕᖅᑐᑎᒃ ᐊᔾᔨᒋᓐᖏᑕᖏᓐᓂᒃ ᓂᕿᓂᒃ. ᐊᓯᕈᑳᓪᓚᓐᓂᕆᔭᖏᑦ ᐃᓅᓯᖏᑦᑕ ᐊᑦᑕᓇᖅᑐᒦᒍᑕᐅᓕᕐᓂᖅᓴᐅᕗᑦ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᑖᕐᓂᐅᓴᓂᖅᓴᐅᓕᖅᑐᑎᒃ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᔾᔪᑎᒥᒃ ᐊᓯᒥᓐᓂᑦ ᑲᓇᑕᒥᐅᓂᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᐆᕝᕙᓘᓐᓕᑦ ᖃᐅᔨᓴᖅᑕᐅᔪᒪᒍᕕᑦ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᓐᓂᕐᒧᑦ, ᐅᖃᕐᕕᒋᓗᒍ ᐋᓐᓂᐊᓯᐅᖅᑎᓯ.
ᓱᓇᐅᕙ ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᓐᓂᖅ?
ᑎᒥᒃᑯᑦ ᓰᕐᓇᖅᑐᓗᐊᕈᓐᓇᓐᖏᓐᓂᖅ ᐃᓅᓯᓕ ᖅ ᑕᐃᒪᐃᓲᖑᕗᖅ ᑎᒦᑦ ᑎᒥ ᓴᓇᔪᓐᓇᐃᓪᓕᓂᖓᓄᑦ ᓈᒻᒪᑦᑐᒥᒃ ᑎᒥᒥ ᓰᕐᓇᖅᑐᒥᒃ ᓄᖑᑎᕆᔾᔪᒥᒃ, ᐅᕝᕙᓘᓐᓃᑦ ᑎᒦᑦ ᐊᑐᕈᓐᓇᐃᓕᑉᐸᑦ ᑎᒥᒥ ᓰᕐᓇᖅᑐᒥᒃ ᓄᖑᑎᕆᔾᔪᒥᒃ ᓴᓇᕙᑦᑕᒥᓂᒃ. ᑎᒦᑦ ᐱᔭᕆᐊᖃᕐᒪᑦ ᑎᒥᒥ ᓰᕐᓇᖅᑐᒥᒃ ᓄᖑᑎᕆᔾᔪᒥᒃ ᐊᓯᕈᖅᑎᓇᓱᐊᖅᑎᓪᓗᒍ ᓱᑲᕐᒥᒃ ᓂᕿᒥᒃ ᐆᒪᔾᔪᑎᒧᑦ.
 |
Original content ©2009 NAHO. All other material © respective copyright holders. All rights reserved. |
