ᐃᓛᒃᑯᕐᑐᑦ ᐱᓕᕆᐊᒃᓴᐃᑦ

ᐃᓄᐃᑦ ᑐᑦᑕᕐᕕᖓᒍᑦ ᐋᖅᑭᐅᒪᑎᑦᓯᕗᑦ ᒪᕐᕉᓐᓂᒃ ᑐᑭᓯᐊᕐᕕᓃᒃ ᐃᓄᓐᓄᑦ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᐱᓕᕆᕙᑦᑐᓄᑦ ᐊᒻᒪ/ᐅᕝᕙᓘᓐᓃᑦ ᐱᓕᕆᖃᑎᖃᖅᑐᓄᑦ ᐃᓄᓐᓂᒃ ᓄᓇᓕᓐᓂ. ᐊᑐᕐᓱᑎᒃ ᑐᑭᓯᒋᐊᕐᕕᒃᓴᓂᒃ ᖃᕆᑕᐅᔭᒃᑯᑦ ᐊᒻᒪ listservs,ᑯᑦ, ᐃᓄᐃᑦ ᑐᑦᑕᕐᕕᖓᓂ ᑕᐅᖅᓰᖃᑦᑕᐅᑎᕙᑦᑐᑦ ᓄᑖᓂᒃ ᖃᐅᔨᓴᕈᑕᐅᓯᒪᔪᓂᒃ ᐊᒻᒪ ᐃᑲᔪᒃᑲᓐᓂᕈᑎᒃᓴᓂᒃ ᐋᓐᓂᐊᖃᖅᑕᐃᓕᓂᕐᒧᑦ ᐱᓇᓱᐊᕐᑎᓄᑦ ᐅᕝᕙᓘᓐᓃᑦ ᐃᒃᐱᒍᓱᖃᑕᐅᔪᓄᑦ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᐃᓱᒫᓗᒍᑕᐅᔪᑦ ᒥᒃᓵᓄᑦ.

ᑐᓴᐅᒪᖃᑎᒌᒍᑕᐅᔪᖅ:

ᐃᕐᓂᓱᒃᓰᓂᖅ ᐃᓄᑦᑎᑐᑦ ᑐᓴᐅᒪᒍᑎᖓ: ᑖᓐᓇ ᖃᕆᑕᐅᔭᒃᑯᑦ ᐊᒻᒪ listserv ᐱᔪᓐᓇᕈᑕᐅᔪᖅ ᐃᕐᓂᓱᒃᓰᓂᕐᒧᑦ ᐊᒻᒪ ᕿᑐᕐᖏᐅᕐᑐᓂᒃ ᐃᑲᔪᕐᑎᐅᔪᑦ ᑐᓴᐅᒪᒍᓐᓇᕆᐊᖅ ᓄᑖᓂᒃ ᐃᑲᔪᒃᑲᓐᓂᕈᑎᒃᓴᓂᒃ ᐊᒻᒪ ᖃᐅᔨᓴᕐᑕᐅᕋᑖᕐᓂᑯᓂᒃ ᐃᕐᓂᓱᒃᓰᓂᐅᑉ ᒥᒃᓵᓄᑦ ᐊᒻᒪ ᑐᓴᐅᒪᖃᑎᒌᒍᑕᐅᔪᓐᓇᕐᑐᖅ ᐃᓄᓐᓄᑦ ᐃᕐᓂᓱᒃᓰᔨᓄᑦ ᓄᓇᓕᓐᓂ ᐱᓕᕆᖃᑎᖃᓂᒃᑯᑦ ᐊᓯᖏᓐᓂᒃ ᐃᓄᐃᑦ ᓄᓇᓕᖏᓐᓂ ᐊᕕᒃᑐᕐᓯᒪᔪᓂ.. www.InuitMidwifery.ca

ᐃᓄᐃᑦ ᓯᒡᒐᓕᐊᕐᑐᕐᑕᐃᓕᓂᕐᒧᑦ ᑐᓴᐅᒪᐅᑎᖓ: ᑖᓐᓇ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᒃᓴᖅ ᐊᒻᒪ  listserv ᐃᓄᓐᓄᑦ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᐃᖅᑲᓇᐃᔭᕐᑎᓄᑦ ᐊᒻᒪ ᐃᖅᑲᓇᐃᔭᖃᑎᖏᓐᓄᑦ ᑐᓴᐅᒪᒍᑎᒋᔭᐅᔪᓐᓇᕐᑐᖅ ᓄᑖᓂᒃ ᓯᒡᒐᓕᐊᕐᑐᕐᑕᐃᓕᓂᕐᒧᑦ ᐃᑲᔪᒃᑲᓐᓂᕈᑎᒃᓴᐃᑦ, ᖃᐅᔨᓴᕐᑕᐅᓯᒪᔪᑦ ᐊᒻᒪ ᖃᓗᐃᓘᕐᐸᓪᓕᐊᒻᒪᖔᑕ ᒥᒃᓵᓄᑦ. www.InuitTobaccofree.ca

ᑕᐃᒪᑦᑕᐅᖅ ᐊᖏᔪᖅ ᐱᓕᕆᐊᕆᔭᐅᔪᖅ ᑕᐃᔭᐅᒧᖅ “ᖃᓄᕐᑑᕐᓂᖅ -ᕿᓂᕐᓂᖅ ᐃᓚᐃᓐᓈᖏᑦᓱᑐᓂᒃ” ᑕᓚᕕᓴᒃᑰᕈᑎᒃᓴᓂᒃ. ᑖᒃᑯᐊ ᑕᑯᒃᓴᐅᑦᓴᐅᑎᒋᓚᐅᕐᑐᑦ, ᐅᖄᓚᒍᓐᓇᓐᓇᕐᓱᑎᒃ ᑕᓚᕕᓴᒃᑯᑦ ᐃᓄᐃᑦ ᖃᓄᐃᖏᑦᓯᐊᕋᓱᐊᕆᐊᖃᓂᖏᑕ ᒥᒃᓵᓄᐊᖓᔪᓂᒃ ᐱᔾᔪᑎᖃᖅᓱᑎᒃ, ᐊᒻᒪ ᓴᖅᑭᔮᕐᑎᑕᐅᓚᐅᕐᑐᑦ APTN,ᑯᑦ ᐅᑭᐅᕐᑕᑐᖓᓂ ᑲᓇᑕᐅᑉ ᐊᒻᒪ 360,ᓄᑦ ᐅᑭᐅᕐᑕᕐᑐᖓᓂ ᐊᓛᔅᑲᐅᑉ ᒪᐃ 2009,ᒥ. ᑖᒃᑯᓅᓇ ᐱᖓᓲᓕᖓᔪᑎᒍᑦ ᑕᑯᒃᓴᐅᑎᑕᐅᔪᑎᒍᑦ, ᐃᓄᐃᑦ ᑐᑦᑕᕐᕕᖓᒍ ᑕᐅᖅᓰᖃᑦᑕᐅᑎᓂᖃᓚᐅᕐᑐᑦ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᑐᑭᓯᒋᐊᕐᕕᒃᓴᓂᒃ, ᐅᓂᒃᑳᕆᔭᐅᔪᓂᓪᓗ ᑲᔪᓯᑦᓯᐊᕐᓯᒪᔪᓂᒃ ᐃᓄᐃᑦ ᓄᓇᓕᖏᓐᓂ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᐱᓕᕆᐊᖑᔪᑦ ᒥᒃᓵᓄᑦ ᐊᒻᒪ ᐃᒃᐱᓇᕐᑐᑦ ᖃᐅᔨᓴᕐᓃᑦ ᒥᒃᓵᓄᑦ ᐅᑭᐅᕐᑕᕐᑐᒥ ᐊᕕᒃᑐᕐᓯᒪᓂᖏᑎᒍᑦ. www.InuitWellness.ca