ᐊᑐᐃᓐᓇᖃᕐᓂᖅ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ

ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓪᓚᕆᐅᔪᑦ ᐅᑭᐅᖅᑕᖅᑐᒥ ᐊᔾᔨᒋᖏᓪᓚᕆᒻᒪᒍ ᑲᓇᑕᐅᑉ ᓂᒋᐊᓂ. ᐱᔾᔪᑎᒋᓪᓗᒍ ᐅᖓᓯᒃᑐᕐᒥᐅᑕᐅᓂᖓᓄᑦ, ᓄᓇᙳᐊᕐᓗ ᐊᖏᔫᓂᖓᓄᑦ ᐊᒻᒪᓗ ᐊᒥᓲᙱᓗᐊᕐᓂᖏᓐᓄᑦ ᐃᓄᐃᑦ ᐊᒥᓲᓂᖏᑦ, ᐅᑭᐅᖅᑕᖅᑐᖅ ᐊᔾᔨᒋᙱᑕᖏᓐᓂᓪᓗ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᑎᕋᕐᕕᐅᕙᒃᐳᖅ ᑖᒃᑯᓇᓂ ᐊᑐᐃᓐᓇᐅᔪᓂᑦ ᐊᓯᖏᓐᓂ ᑲᓇᑕᒦᑦᑐᓂᑦ.

ᑕᒪᕐᒥᐸᓗᒃ ᐃᓄᐃᑦ ᓄᓇᓕᖏᑦ ᐱᔨᑦᑎᕋᕐᕕᐅᕙᒃᐳᑦ ᐋᓐᓂᐊᕕᖕᓄᑦ. ᓘᒃᑖᓪᓗ ᐊᑐᐃᓐᓇᐅᓪᓗᑎᒃ ᐊᖏᓂᕐᓴᐅᔪᑦ ᐊᕕᒃᑐᖅᓯᒪᓂᐊᓂ ᐋᓐᓂᐊᕕᐅᔪᓂ ᐊᒻᒪᓗ ᓈᒻᒪᒃᓯᓕᖅᓯᒪᔪᓂᓪᓗ ᐱᔨᑦᑎᕋᕈᑎᒋᔭᐅᔪᓂᒃ ᑐᓐᓂᖅᑯᑎᒋᔭᐅᒐᔪᒃᐳᑦ ᓂᒋᐊᓃᑦᑐᑦ ᐋᓐᓂᐊᕕᖕᓂ, ᐋᓐᓂᐊᕕᓕᐊᕆᐊᖃᖅᑐᓄᑦ ᐅᖓᓯᒃᑐᒧᑦ ᐃᖏᕐᕋᔾᔪᑕᐅᔭᕆᐊᖃᕈᑎᐅᕙᒃᑐᖅ, ᓄᓇᙳᐊᑎᒍᑦ ᐱᖅᑯᓯᑎᒍᓪᓗ, ᐊᑐᐃᓐᓇᖃᕈᓐᓇᖁᓪᓗᒋᑦ ᑕᒃᑯᐊ ᐱᔨᑦᑎᕋᕈᑕᐅᕙᒃᑐᑦ.

©ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᓐᓂᑦ 2006

ᑕᒪᓐᓇ ᓈᒻᒪᖏᓐᓂᕐᓕᐅᕈᑎᖓ ᑭᖑᕙᕆᐊᕐᓂᖃᕋᔪᑕᐅᕙᒃᐳᖅ ᐅᑯᓇᓂ – ᐅᕝᕙᓘᓐᓃᑦ ᐊᑐᐃᓐᓇᖃᕈᑕᐅᕙᖏᑦᑐᖅ ᐅᑯᓄᖓ -ᓇᓕᖅᑲᖏᓐᓃᑦᑐᓂ:

• ᐋᓐᓂᐊᒧᑦ ᖃᐅᔨᔭᐅᓂᖅ;
• ᑐᐊᕕᕐᓇᖅᑐᓄᑦ ᐱᔨᑦᑎᕋᕈᑎᓂᒃ;
• ᖃᓄᐃᓕᖓᓕᕐᒪᖔᑦ ᖃᐅᔨᓴᖅᑕᐅᓂᖅ;
• ᐃᓄᒻᒪᒃᓴᕐᓂᖅ;
• ᐋᓐᓂᐊᓗᐊᕈᓐᓃᖅᑎᑕᐅᒐᔭᕐᓂᕐᒧᑦ ᑲᒪᒋᔭᐅᓂᖅ;
• ᐱᔨᑦᑎᕋᕈᑎᑦ ᐃᓄᐃᑦ ᐱᖅᑯᓯᖏᓐᓄᑦ ᐅᖃᐅᓯᖓᓄᓪᓗ ᓴᖅᑭᔮᖅᑎᑕᐅᓂᖏᑦ; ᐊᒻᒪᓗ,
• ᐃᓄᓕᕆᓂᒃᑯᑦ ᐃᑲᔪᖅᑕᐅᔭᕆᐊᖃᕐᓂᖏᑦ ᐋᓐᓂᐊᕕᓕᐊᖅᓯᒪᔪᑦ.[1]

ᐱᓪᓚᕆᐅᔪᒥ, ᐃᓄᐃᑦ ᓄᓇᒋᔭᖏᓐᓂ ᐊᐅᓪᓚᕆᐊᖃᖃᑦᑕᖅᑐᑦ ᐋᓐᓂᐊᖅᓯᐅᖅᑕᐅᔭᖅᑐᕐᓗᑎᒃ ᒫᓐᓇᑲᐅᑎᒋᑯᓗᒃᑯᑦ ᐊᑦᑎᒃᓯᕙᓪᓕᐊᔾᔮᖏᒻᒪᑦ. ᑕᒪᓐᓇ ᐃᓕᓴᕆᔭᐅᓯᒪᓂᖓᓄᑦ, ᐊᔪᙱᓂᑦ (ᐃᓄᐃᑦ) ᐱᓕᕆᕝᕕᖓᑦ ᓴᖅᑭᑦᑎᓯᒪᕗᖅ ᐅᖃᓕᒫᒐᒥᒃ ᐃᑲᔪᕈᑎᒃᓴᐅᓪᓗᓂ ᖃᓪᓗᓈᓄᑦ ᐋᓐᓂᐊᕕᓕᕆᐊᖃᖅᐸᒃᑐᑦ ᐋᓐᓂᐊᓯᐅᖅᑕᐅᓂᐊᖅᑎᓪᓗᒋᑦ ᐅᕝᕙᓘᓐᓃᑦ ᐋᓐᓂᐊᓯᐅᖅᑕᐅᔭᖅᑐᖅᑐᓄᑦ ᐊᐃᑉᐸᕆᑎᑕᐅᑎᓪᓗᒋᑦ. ᐅᕙᓂ “ᖃᓪᓗᓈᓄᙵᐅᕖᑦ ᐋᓐᓂᐊᓯᐊᖅᑕᐅᔭᖅᑐᕐᓗᑎᑦ?”, ᐋᓐᓂᐊᕕᓕᐊᖅᐸᒃᑐᑦ ᐊᐃᑉᐸᕆᑎᑕᐅᔪᓪᓗ ᑐᑭᓯᒋᐊᕈᑎᒃᓴᓂᒃ ᖃᐅᔨᒋᐊᕐᕕᒋᔪᓐᓇᖅᑕᖓᑦ ᐱᔾᔪᑎᖃᖅᑐᓂᒃ ᐋᓐᓂᐊᕕᓕᐊᕐᓂᕐᒧᑦ ᐊᑐᕆᐊᖃᖁᔭᐅᓯᒪᔪᓂᒃ ᓂᕆᐅᒋᔭᐅᔪᓂᓪᓗ, ᐊᐅᓪᓚᕐᓂᐊᕐᓂᕐᒧᑦ ᐸᕐᓇᒃᓯᒪᓂᖅ, ᐊᑐᖅᑕᐅᔭᕆᐊᓖᑦ ᐋᓐᓂᐊᕕᓕᐊᖅᐸᒃᑐᑦ ᑐᔪᕐᒥᕕᖓᓂ ᐊᓯᕈᓗᐃᔭᖏᓪᓗ. ᕿᒥᕐᕈᐊᒐᖅ ᓴᖅᑭᑕᐅᓯᒪᕗᖅ ᐃᓄᒃᑎᑐᑦ ᖃᓪᓗᓈᑎᑐᓪᓗ ᐊᒻᒪᓗ ᐃᑲᔫᑎᒻᒪᕆᐊᓘᔪᓐᓇᕐᐳᖅ ᐃᓄᒃᑎᑐᑐᐊᖅ ᐅᖃᐅᓯᖃᖅᐸᒃᑐᑦ ᐅᖃᖃᑎᖃᕈᓐᓇᖁᓪᓗᒋᑦ ᖃᓪᓗᓈᑎᑑᖅᐸᒃᑐᑦ ᐋᓐᓂᐊᕕᒻᒥ ᐃᖅᑲᓇᐃᔭᖅᑎᓄᑦ. ᖃᓪᓗᓈᓄᙵᐅᕖᑦ ᐋᓐᓂᐊᕕᓕᐊᖅᐸᒃᑐᑦ ᐊᐃᑉᐸᕆᑎᑕᐅᔪᓪᓗ ᑐᑭᓯᒋᐊᕈᑎᒃᓴᓂᒃ ᖃᐅᔨᒋᐊᕐᕕᒋᔪᓐᓇᖅᑕᖓᑦ ᐱᔾᔪᑎᖃᖅᑐᓂᒃ ᐋᓐᓂᐊᕕᓕᐊᕐᓂᕐᒧᑦ ᐊᑐᕆᐊᖃᖁᔭᐅᓯᒪᔪᓂᒃ ᓂᕆᐅᒋᔭᐅᔪᓂᓪᓗ, ᐊᐅᓪᓚᕐᓂᐊᕐᓂᕐᒧᑦ ᐸᕐᓇᒃᓯᒪᓂᖅ, ᐊᑐᖅᑕᐅᔭᕆᐊᓖᑦ ᐋᓐᓂᐊᕕᓕᐊᖅᐸᒃᑐᑦ ᑐᔪᕐᒥᕕᖓᓂ ᐊᓯᕈᓗᐃᔭᖏᓪᓗ. ᕿᒥᕐᕈᐊᒐᖅ ᓴᖅᑭᑕᐅᓯᒪᕗᖅ ᐃᓄᒃᑎᑐᑦ ᖃᓪᓗᓈᑎᑐᓪᓗ ᐊᒻᒪᓗ ᐃᑲᔫᑎᒻᒪᕆᐊᓘᔪᓐᓇᕐᐳᖅ ᐃᓄᒃᑎᑐᑐᐊᖅ ᐅᖃᐅᓯᖃᖅᐸᒃᑐᑦ ᐅᖃᖃᑎᖃᕈᓐᓇᖁᓪᓗᒋᑦ ᖃᓪᓗᓈᑎᑑᖅᐸᒃᑐᑦ ᐋᓐᓂᐊᕕᒻᒥ ᐃᖅᑲᓇᐃᔭᖅᑎᓄᑦ.

ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᑕᖃᖅᑎᑦᑎᔨᐅᔪᑦ

ᐃᓄᐃᑦ ᐊᔾᔨᑦᑕᐃᙵᓇᖓᓂᒃ ᐱᖃᖏᒻᒪᑕ ᐱᔾᔪᑎᒋᓪᓗᒍ ᐃᖅᑲᓇᐃᔭᖅᑐᓕᕆᓂᖅ ᐊᒻᒪᓗ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᑖᒃᑯᑎᑐᓇᖅ ᐊᓯᖏᑦ ᓄᓇᖃᖅᑳᖅᓯᒪᔪᓂᑦ ᑲᓇᑕᒥ.

ᐃᓄᐃᑦ ᖁᕝᕙᓯᖕᓂᖅᐹᖓᒍᑦ ᐃᓱᓕᑦᑎᓯᒪᓂᖓᑦ ᐊᑦᑎᓐᓂᖅᐹᖑᕗᖅ ᑲᓇᑕᒥ, ᐃᓄᐃᑦ ᐃᓚᐅᓂᖃᓗᐊᕌᓗᖏᓐᓂᖏᓐᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒥ ᐃᓕᓯᒪᔪᕐᔪᐊᖑᓂᕐᒧᑦ.

ᐃᓄᖕᓄᑦ, ᐅᖃᐅᓯᓕᕆᓂᕐᒧᑦ ᐱᖅᑯᓯᑎᒍᓪᓗ ᐊᔾᔨᒌᖏᓐᓂᖓ ᐊᒃᑐᐃᔭᐅᔾᔪᑎᐅᓯᒪᕗᖅ ᐅᑯᓄᖓ:

• ᐊᑐᐃᓐᓇᖃᕈᓐᓇᕐᓂᖅ ᐃᓗᓯᕐᒧᑦ ᑐᑭᓯᒋᐊᕈᑎᒃᓴᓂᒃ;
• ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᑎᕋᕈᑎᑦᑎᐊᕙᐃᑦ ᐃᓄᖕᓄᑦ ᐱᔭᐅᕙᒃᑐᓂᒃ; ᐊᒻᒪᓗ,
• ᐊᑐᐃᓐᓇᖃᕈᓐᓇᕐᓂᖅ ᐃᓕᓐᓂᐊᒐᒃᓴᐅᒐᔭᖅᑐᓄᑦ ᐱᓕᒻᒪᒃᓴᕈᑕᐅᒐᔭᖅᑐᓄᓪᓗ.

ᖁᕝᕙᓯᒃᑐᒻᒪᕆᒻᒥᒃ ᐃᓇᖏᖅᑕᐅᔭᕆᐊᖃᓕᖅᐸᒃᑐᑦ, ᑕᑎᒋᔭᐅᕙᖕᓇᑎᒃ, ᐊᓯᖏᓪᓗ ᐱᔾᔪᑎᒃᓴᐅᔪᑦ ᐊᔾᔨᒌᒃᐸᖏᓐᓂᖏᓐᓄᑦ ᐅᖃᐅᓯᖏᓐᓂ ᐅᖃᐅᓯᖏᓐᓂ [2]

ᐊᔪᙱᓂᖅ ᐃᓕᓴᖅᓯᓯᒪᕗᖅ ᐃᓄᐃᑦ ᐃᓚᐅᓂᖃᑲᓐᓂᕆᐊᖃᓕᕐᓂᖏᓐᓄᑦ ᐃᓗᓯᓕᕆᓂᕐᒥ ᐃᓕᓯᒪᔪᕐᔪᐊᖑᓂᕐᒧᑦ ᐱᒻᒪᕆᐅᓂᖓᓂᒃ. ᐅᓪᓗᒥᒧᑦ, ᐊᔪᙱᓂᖅ ᐊᔭᐅᖅᑐᐃᕆᓯᒪᒻᒪᕆᒃᐳᖅ ᒪᒃᑯᒃᑐᑦ ᐃᓄᐃᑦ ᐃᖅᑲᓇᐃᔮᖃᓕᖁᔭᐅᓪᓗᑎᒃ ᐋᓐᓂᐊᖃᕐᓇᖏᑦᑐᓕᕆᓂᕐᒥ. ᐅᓂᒃᑳᕆᐊᖅᑐᖃᑦᑕᖅᓯᒪᓂᖏᑦᑎᒍᑦ ᐳᓛᕆᐊᖃᑦᑕᕐᓗᑎᓪᓗ ᐃᓕᓐᓂᐊᕐᕕᐊᓗᖕᓄᑦ ᐃᓄᐃᑦ ᓄᓇᓕᖏᓐᓂ, ᐊᔪᙱᓂᖅ ᐃᓕᓐᓂᐊᖅᑎᓄᑦ ᐅᖃᓪᓚᖃᑦᑕᖅᐳᑦ ᐱᓇᓱᐊᒐᒃᓴᖅᑕᖃᐅᕐᓂᖓᓄᑦ ᐃᓗᓯᓕᕆᔨᐅᓂᕐᒥ, ᐃᓕᓐᓂᐊᖏᓐᓇᕆᐊᖃᕐᓂᕐᒥᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒥ ᐃᖅᑲᓇᐃᔮᖃᕈᒪᑉᐸᑕ, ᐊᒻᒪᓗ ᐃᓕᓐᓂᐊᒐᒃᓴᐃᑦ ᐱᓕᕆᐊᒃᓴᓪᓗ ᐊᑐᐃᓐᓇᐅᔪᓐᓇᕋᔭᕐᓂᖏᓐᓄᑦ ᐃᓄᖕᓄᑦ.