ᓯᕗᓪᓕᕐᐸᐅᔾᔭᐅᒋᐊᓖᑦ

ᐱᓕᕆᐊᖏᑦ ᐃᓄᐃ ᑐᑦᑕᕐᕕᖓᓂ ᐃᒃᐱᒍᓱᒍᑕᐅᕗᑦ ᖃᓄᐃᖏᑦᓯᐊᕋᓱᐊᕐᓂᓕᓂᕐᒧᐊᖓᔪᓂᒃ ᐊᒻᒪ ᓄᖅᑲᐅᒪᑎᑦᓯᓇᓱᐊᕐᓂᕐᒧᑦ ᖃᓂᒪᓇᕐᑐᓂᒃ, ᑲᒪᖏᓐᓂᕐᓴᐅᓪᓗᑎᒃ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᐱᓕᕆᔾᔪᓯᓂᒃ ᐊᒻᒪ ᐋᖅᑭᒋᐊᕈᑎᒃᓴᓕᕆᓂᕐᒧᑦ ᐱᔾᔪᑕᐅᔪᓂᒃ. ᐱᓕᕆᐊᖃᖅᐸᑦᑐᒍᑦ ᐊᒥᓱᓂᒃ ᐊᔾᔨᒌᖏᑦᑐᓂᒃ ᖃᓂᒪᓂᖃᕐᑕᐃᓕᓂᕐᒧᑦ ᐃᓅᓯᓕᕆᓂᕐᒧᓪᓗ ᐱᔾᔪᑕᐅᔪᓂᒃ, ᐃᓱᒪᒃᑯᑦ ᖃᓄᐃᖏᑦᓯᐊᕆᐊᖃᓂᕐᒥᒃ, ᐊᔪᕆᓯᒪᓂᕐᒥᒃ ᐃᒥᐊᓗᒻᒧᑦ, ᐃᕐᓂᓱᒃᓯᓂᓕᕆᓂᕐᒥᒃ, ᓱᕈᓯᕐᓄᑦ ᒪᒃᑯᑦᑐᓄᓪᓗ ᑐᕌᖓᔪᓂᒃ ᐊᒻᒪ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᐃᖅᑲᓇᐃᔮᒃᓴᓂᒃ, ᐃᓕᓐᓂᐊᕐᓂᓕᕆᓂᕐᒥᒃ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ.

ᓯᕗᓪᓕᕐᐸᐅᖁᔭᐅᓯᒪᔪᑦ 2010-15,ᒧᑦ:

1. ᐱᓕᕆᖃᑎᖃᐃᓐᓇᕐᓂᖅ ᐃᓄᓐᓂᒃ ᐃᓄᑐᖃᓂᒃ, ᒪᒥᓴᐃᔨᓂᒃ ᐊᒻᒪ ᐃᓕᖅᑯᓯᓕᕆᓂᕐᒧᑦ ᑎᒥᐅᔪᓂᒃ ᓇᓗᓇᐃᔭᐃᓗᑎᒃ ᐊᒻᒪ ᑕᐅᖅᓰᖃᑎᒌᓐᓂᒃᑯᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ.

2. ᐃᒃᐱᒋᔭᖃᓗᑎᒃ ᐃᓄᓐᓂᒃ ᖃᐅᔨᒪᔪᒻᒪᕆᓐᓂᒃ ᐋᖅᑭᒃᓱᐃᒋᐊᖃᓂᕐᒧᑦ ᐃᓄᓐᓄᐊᖓᔪᓂᒃ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᐃᑲᔪᕈᑎᒃᓴᓂᒃ ᐊᒻᒪ ᐱᓕᕆᐊᖃᓂᒃᑯᑦ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᑲᒪᒋᔭᕆᐊᓕᓐᓂᒃ ᓄᓇᓕᓐᓂ.

3. ᐋᖅᑭᒃᓱᐃᓗᑎᒃ ᐊᒻᒪ ᐋᖅᑭᐅᒪᑎᑦᓯᓂᒃᑯᑦ ᐱᓕᕆᖃᑎᖃᖅᓂᕐᓴᐅᒋᐊᖃᓂᕐᒥᒃ ᐅᑯᓂᖓ: ᐃᓄᐃᑦ ᓄᓇᑖᕐᓯᒪᓂᕐᒧᑦ ᑲᑐᔾᔨᖃᑎᒌᖏᓐᓂᒃ/ᒐᕙᒪᖏᓐᓂᓪᓗ; ᖃᓪᓗᓈᑦ ᓄᓇᖓᓂ ᐊᕕᒃᑐᕐᓯᒪᔪᑦ ᐊᒻᒪ ᐅᑭᐅᕐᑕᕐᑑᑉ ᐊᕕᒃᑐᕐᓯᒪᓂᖏᑎᒍᑦ ᒐᕙᒪᓂᒃ; ᑲᓇᑕᒥ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ; ᐊᒻᒪ ᖃᐅᔨᓴᕐᓂᕐᒧᑦ ᐱᓕᕆᖃᑎᒌᑦᑐᓂᒃ; ᐊᒻᒪ ᐱᓕᕆᖃᑎᖃᓂᒃᑯᑦ ᐱᓕᕆᖃᑎᒋᔭᒥᓂᒃ ᓯᕗᓂᐊᓂ ᐸᕐᓇᐃᓚᐅᕋᑎᒃ ᐱᓕᕆᐊᒃᓴᓂᒃ.

4. ᐋᖅᑭᒃᓱᐃᓗᑕ ᐱᓕᕆᒍᑎᒃᓴᑦᑎᓐᓂᒃ ᐅᑯᓄᖓ: 1) ᐃᓄᓐᓄᐊᖓᔪᓂᒃ (ᖃᐅᔨᓴᕐᑕᐅᓯᒪᒌᖅᑐᓂᒃ ᑲᑐᔾᔨᖃᑎᒌᓄᑦ); 2) ᖃᓄᐃᖏᑦᓯᐊᕋᓱᐊᕐᓂᕐᒧᑦ ᐃᑲᔪᕐᑎᓄ ᐊᒻᒪ ᑲᑐᔾᔨᖃᑎᒌᓄᑦ ᐃᑲᔪᕐᑐᓄᑦ ᐃᓄᓐᓂᒃ; 3) ᐃᓕᓴᐃᔨᓄᑦ ᐊᒻᒪ ᓱᕈᓯᕐᓄᑦ; ᐊᒻᒪ 4) ᒪᒃᑯᑦᑐᓄᑦ.

5. ᐊᑐᕐᓱᑕ ᐊᔾᔨᒌᖏᑦᑐᓂᒃ ᑕᐅᖅᓰᖃᑦᑕᐅᑕᐅᔪᓐᓇᕐᑐᓂᒃ ᑐᑭᓯᒋᐊᕐᕕᒃᓴᓂᒃ ᐊᒻᒪ ᖃᐅᔨᒪᓂᐅᔪᑦ ᒥᒃᓵᓄᑦ, ᓲᕐᓗ, ᖃᕆᑕᐅᔭᒃᑯᑦ, ᑐᓴᐅᒪᐅᖃᑎᒌᓐᓂᒃᑯᑦ, ᓈᓚᐅᑎᒃᑯᑦ, ᑕᓚᕕᓴᒃᑯᑦ, ᑕᕐᕆᔭᒐᒃᓴᑎᒍᑦ, ᐃᓘᓯᓕᕆᓂᕐᒧᑦ ᑐᓴᐅᑎᒃᑯᑦ, ᐊᒻᒪ ᑎᑎᕋᖅᓯᒪᔪᑎᒍᑦ.

6. ᐊᖏᓪᓕᑎᑦᓯᒋᐊᕐᓂᒃᑯᑦ ᑲᔪᖏᖅᓱᐃᒍᑎᒋᔭᑦᑎᓐᓂᒃ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᐃᖅᑲᓇᐃᔮᒃᓴᓂᒃ ᐱᖃᓯᐅᑎᓗᒋᑦ ᐊᔾᔨᒌᖏᑦᑐ  ᖃᓗᐃᖏᑦᓯᐊᕋᓱᐊᕐᓂᕐᒧᑦ ᐃᖅᑲᓇᐃᔮᒃᓴᐃᑦ, ᐊᒻᒪ ᑲᔪᓯᑦᓯᐊᕈᑕᐅᔭᕆᐊᓖᑦ ᐃᓄᐃᑦ ᓄᓇᖏᓐᓂ.

7. ᐱᓕᕆᐊᖃᓗᑎᒃ ᐊᒥᓲᖏᓐᓂᕐᓴᓂᒃ ᐊᑯᓂᐅᓂᕐᓴᖅ.

8. ᖃᐅᔨᓴᕐᓗᒋᑦ ᐱᓕᕆᐊᕆᔭᕗᑦ ᐊᒻᒪ ᓴᖅᑭᑦᑎᑉᐸᓪᓕᐊᔭᕗᑦ ᐊᒻᒪ ᐃᓕᓐᓂᐊᕈᑎᒋᕙᓪᓗᒋᑦ ᐱᓕᕆᐊᕆᔭᕗᑦ.