ᖃᐅᔨᓴᖅᑐᓂ ᒪᓕᖓᑦ ᐊᑐᐊᖓᑦ

ᓱᓇᐅᕙᑦ ᐊᑐᐊᖓᑦ ᐱᓕᕆᑦᑎᐊᕐᓂᕐᒧᑦ ᐱᑦᑎᐊᕐᓂᕐᒧᑦ? ᑐᑭᑲᖅᐳᖅ ᐃᓄᐃᑦ ᖃᐅᔨᓴᐃᔪᑦ ᐊᒻᒪ ᖃᐅᔨᓴᖅᑕᐅᔪᑦ ᐱᒻᒪᕆᒋᔭᖏᑦ ᐅᒃᐱᕆᔭᖏᑦ ᐅᐱᒋᔭᐅᕗᑦ ᐱᓂᕐᓗᐊᖑᓂᐊᓐᖏᑦᑐᑦ ᐃᓱᒪᒋᔭᐅᑦᑎᐊᕐᓂᐊᖅᑐᑦ ᐊᑐᖅᑕᐅᓂᐊᖅᑐᑦ. ᓱᓕᔪᒃᑯᑦ ᐊᔾᔨᒌᑦᑎᐊᕐᓗᑎᒃ ᐱᐅᓯᖏᑦ ᐊᑐᖅᑎᑕᐅᓂᐊᖅᑐᑦ ᖃᐅᔨᓴᐃᔪᓂ ᐊᒻᒪ ᖃᐅᔨᓴᐅᑎᓕᕆᔪᓂ.

ᐊᑐᑦᑎᐊᖅᑐᒃᑯᑦ ᖃᐅᔨᓴᐃᓂᖅ ᑐᑭᑲᖅᐳᖅ ᐃᒪᓐᓇ, ᖃᐅᔨᓴᖅᑎᐅᔪᑦ ᐃᓄᐃᑦ ᐱᒻᒪᕆᖏᓐᓂᒃ ᐅᔾᔨᑦᑎᐊᖅᐳᑦ ᒪᓕᒐᑲᖅᐳᑦ, ᐊᒻᒪᓗ ᐃᓄᐃᑦ ᐱᐅᓯᐅᖁᔭᖏᓐᓂᒃ ᖃᐅᔨᓴᐃᓂᕐᒧᑦ ᐅᐱᑉᐳᑦ ᒪᓕᒃᐳᑦ. ᐊᑐᐊᒐᒃᓴᑦ ᒪᓕᒐᒃᓴᑦ ᐅᖃᐅᓯᐅᕗᑦ ᐅᕙᓂ ᑎᑎᖅᑲᓂ, ‘ᒪᓕᒐᐃᑦ’, ‘ᐱᐅᓰᑦ ’ ᐅᕝᕙᓘᓐᓃᑦ ‘ᐊᑐᐊᖓᑦ’. ᖃᐅᔨᓴᖅᑏᑦ ᒪᓕᒋᐊᑲᖅᐳᑦ ᐅᑯᓂᖓ  ᖃᐅᔨᓴᐃᓂᕐᒧᑦ ᒪᓕᒐᐃᑦ. ᐱᓕᕆᐊᖏᑦ ᖃᐅᔨᓴᕐᓂᖏᑦ ᐱᓂᕐᓗᐃᖁᓇᖏᑦ ᐊᑐᐊᖓᓂᒃ ᐊᑐᑦᑎᐊᖁᓪᓗᖏᑦ.

ᖃᐅᔨᓴᐃᓂᐊᕐᓗᓂ ᐃᓄᐃᑦ ᓄᓇᖏᓐᓂ, “ᖃᐅᔨᓴᐃᔪᓂ ᓂᐊᑯᖅ” (ᖃᐅᔨᓴᖅᑎᓂ ᐊᖓᔪᖅᑳᖅ) ᐊᖏᖅᑕᐅᓯᒪᔭᕆᐊᑲᖅᐳᖅ ᐅᑯᓇᖓᑦ, ᓄᓇᓂᑦ ᐊᕕᒃᑐᖅᓯᒪᔪᓂᑦ ᑎᒥᖁᑎᖏᓐᓂᑦ ᐊᒻᒪᓗ ᑲᑎᒪᔨᕋᓛᖏᓐᓂᑦ.  ᑎᓴᒪᑦ ᐃᓄᐃᑦ ᓄᓇᖁᑎᖏᑦ ᑲᓇᑕᒥ (ᐃᓄᕕᐊᓗᐃᑦ, ᓄᓇᕗᑦ, ᓄᓇᕕᒃ ᐊᒻᒪ ᓄᓇᑦᓯᐊᕗᑦ), ᒪᓕᒐᐃᑦ ᐊᒻᒪᓗ ᐊᑐᐊᖓᑦ ᐊᔾᔨᒌᓐᖏᑦᐳᑦ ᐊᑐᓂ ᓄᓇᐅᔪᓂ. ᐃᓄᐃᑦ ᑐᑦᑕᕐᕕᖓᑦ ᐋᖅᑭᒃᓯᓯᒪᕗᑦ ᓄᓇᓂ ᐊᕕᒃᓯᒪᔪᓂ ᐊᑐᓂ ᒪᓕᖓᖏᓐᓂᒃ ᐅᑯᓄᖓ ᐱᔪᓐᓇᐅᑏᑦ ᐊᒻᒪᓗ ᓚᐃᓴᓐᓰᑦ ᐃᓄᐃᑦ ᓄᓇᖏᑦᑕ ᐊᑐᐊᖓᖏᓐᓂᒃ.