ᖃᐅᔨᓴᐅᓂᑯᑦ ᖃᓄᐃᓕᖓᓂᖏᑦ

ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᖓᑦ ᐊᑐᖅᑕᐅᔪᓐᓇᖅᐳᑦ ᐃᓱᒪᓕᐅᖅᑎᓂᑦ ᐋᓐᓂᐊᖅᑐᓕᕆᓂᖅ ᑐᑭᓯᑦᑎᐊᕐᓗᒍ.  ᑐᑭᓯᑦᑎᐊᕈᓂ ᐃᓱᒪᓕᐊᖏᑦ, ᐊᑐᐊᖓᓕᐊᖏᑦ ᐊᒻᒪᓗ ᐱᓕᕆᐊᖏᑦ ᐊᑐᕐᓂᖃᕈᓐᓇᖅᐳᑦ ᐃᓄᐃᑦ ᐃᓅᓯᖏᓐᓄᑦ ᐊᒻᒪ ᐋᓐᓂᐊᖅᑐᓕᕆᓂᖅ ᐃᓄᖕᓄᑦ ᒥᒃᓯᑕᕐᔫᒥᓗᓂ ᐊᑐᖅᑐᒃᑯᑦ.

ᑎᒥ ᓄᑕᖅ ᖃᐅᔨᓴᐃᔨᐅᓂᐊᖅᑐᑦ ᐊᑎᑲᖅᑐᖅ, ᓈᓴᐅᑏᑦ: ᐃᓄᐃᑦ ᐋᓐᓂᐊᖏᓐᓄᑦ ᑭᒡᓕᓯᓂᐊᖅᑎᐅᓗᑎᒃ ᐱᓕᕆᐊᖃᕋᔭᖅᑐᖅ, ᑐᕋᕈᑎᖓᑦ ᖃᕆᑕᐅᔭᒃᑯᑦ ᐅᕝᕙ: www.naasautit.ca

ᓈᓴᐅᑏᑦ ᓴᖅᑭᑎᑕᖅ 6-ᓂᑦ ᐱᓕᕆᖃᑎᒌᒃᑐᓂᑦ. ᐅᑯᐊ ᐃᓚᐅᓪᓗᑎᒃ, ᑎᓴᒪᑦ ᐃᓄᐃᑦ ᐊᕕᒃᑐᖅᓯᒪᔪᓂ ᑎᒥᖁᑎᖏᑦ, ᒐᕙᒪᒃᑯᖏᑦ ᐊᒻᒪᓗ ᐅᑯᐊ: ᐃᓄᕕᐊᓗᐃᑦ ᑯᐊᐳᕆᓴᒃᑯᖏᑦ, ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ ,  ᓄᓇᕕᖕᒥ ᐋᓐᓂᐊᖅᑐᓕᕆᔨᒃᑯᑦ ᐃᓄᓕᕆᔨᒃᑯᑦ, ᐊᒻᒪᓗ ᓄᓇᑦᓯᐊᕗᑦ ᒐᕙᒪᒃᑯᖏᑦ; ᐊᒻᒪ ᒪᕐᕈᐃᑦ ᑲᓇᑕᒧᑦ ᐃᓄᖕᓄᑦ ᑎᒥᐅᔫᒃ:ᐃᓄᐃᑦ ᑕᐱᕆᒃᑯᑦ ᑲᓇᑕᒥ ᐊᒻᒪ ᐃᓄᐃᑦ ᑐᑦᑕᕐᕕᖓᑦ, ᓈᕼᐅᒃᑯᑦ.  .

ᓈᓴᐅᑏᑦ ᖃᐅᔨᓴᖅᑕᖏᑦ ᐋᖅᑭᒃᓱᕆᐊᒃᑲᓐᓂᖅᑕᖏᑦ ᖃᐅᔨᓴᖅᑕᐅᓂᑯᑦ ᐱᓕᒻᒪᒃᓴᖅᑕᖏᑦ, ᑲᓇᑕᓕᒫᒧᑦ ᐊᒻᒪᓗ ᐊᕕᒃᑐᖅᓯᒪᔪᓄᑦ ᑐᕋᖅᑐᑦ ᖃᐅᔨᓴᖅᑕᐅᓂᑯᑦ. ᖃᐅᔨᓴᖅᑕᐅᓂᑯᑦ ᐋᓐᓂᐊᖅᑐᓕᕆᔪᑦ ᖃᐅᔨᓴᖓᑦ, ᐃᓄᖕᓄᑦ ᑐᕋᖅᑐᑦ.

ᖃᐅᔨᓴᖅᑕᐅᓂᑯᑦ ᐊᑐᖅᑕᐅᓕᕈᓐᓇᖅᐳᑦ ᐋᓐᓂᐊᖅᑐᓕᕆᓂᕐᒧᑦ ᑐᑭᓯᒋᐊᕐᓗᓂ

ᐅᑭᐅᓄᑦ ᐊᒥᓱᓄᑦ ᐃᓄᐃᑦ ᓯᕗᓪᓕᐅᑎᖏᑦ ᐅᑲᖅᐸᓕᖅᐳᑦ ᐋᓐᓂᐊᖅᑐᓕᕆᓂᕐᒧᑦ ᐃᓄᐃᑦ ᑕᒫᓐᓄᑦ ᑐᕋᖅᑐᓂᒃ ᖃᐅᔨᕕᑲᓐᖏᑦᑐᖅ ᑐᑭᓯᒋᐊᕐᕕᑲᓐᖏᖅᑐᖅ. ᐃᓄᐃᑦ ᐃᓅᓯᖏᓐᓄᑦ ᖃᓄᐃᓕᖅᑐᓄᑦ ᑕᑯᒋᐊᕐᕕᑲᓐᖏᑦᑐᖅ. ᓈᓴᐅᑏᑦ ᖃᐅᔨᓴᖅᑎᒃᑯᑦ ᖁᒻᒧᐊᒃᑎᓯᒪᔭᖓᑦ ᖃᕆᑕᐅᔭᒃᑯᑦ ᓴᖅᑭᓚᐅᖅᐳᖅ ᒪᔾᔨ 2011-ᒥ. ᑕᓐᓇ ᖃᐅᔨᒋᐊᕐᕕᐅᔪᓐᓇᖅᓯᕗᖅ ᐱᑕᖃᕈᓐᓇᓐᖏᑦᑐᓂᒃ ᖃᐅᔨᔪᒪᔭᕐᓂᒃ ᖃᐅᔨᓴᖅᑕᐅᓂᑯᓂᒃ, ᐃᓄᖕᓄᑦ ᑐᕋᖅᑐᓂᒃ.

ᓈᓴᐅᑏᑦ  ᐱᓕᕆᖃᑎᒋᔭᖏᑦ ᐅᑯᐊ  ᑲᑎᖅᓱᐃᓚᐅᖅᐳᑦ ᑐᓴᒐᒃᓴᓂᒃ ᐊᒻᒪᓗ ᑎᑎᖅᑲᖏᑦ ᓴᖅᑭᖦᖢᖏᑦ ᖃᐅᔨᓴᖅᑕᐅᓂᑯᑦ ᐊᑕᐅᓯᕐᒧᐊᖅᐸᓪᓕᐊᓪᓗᖏᑦ. ᓄᓇᑲᖅᑲᖅᑐᓂᒃ ᖃᐅᔨᓴᐅᑎᐅᓂᑯᑦ ᐃᓚᐅᕗᑦ ᐃᓚᐅᔪᓂ ᐊᒻᒪᓗ ᓄᓇᑲᖅᑲᖅᑐᑦ ᓄᑕᖅᑲᑦ ᖃᐅᔨᓴᖅᑕᐅᑯᖏᑦ, ᑎᑎᕋᖅᑕᐅᒐᒥᒃ ᓇᓂᖃᐅᑎᖏᓐᓇᖅᑐᒧᑦ ᐳᖅᑕᐅᓪᓗᑎᒃ ᑎᑎᖅᑲᓄᑦ ᐱᔭᕆᖅᓱᖅᑕᐅᓂᑯᑦ, ᐊᑐᕈᓐᓇᕐᓂᐊᕐᒪᑕ ᐊᒧᑐᐃᓐᓇᕐᓗᖏᑦ.

ᐋᖅᑭᐅᒪᓂᖓ, ᓇᓂᔭᒃᓴᐅᓂᖓ ᐃᓄᖕᓄᑦ ᐊᑐᖅᐳᖅ, ᕿᓂᐅᔭᕆᐊᑲᓐᖏᑦᑐᑦ., ᓈᓴᐅᑏᑦ ᐱᓕᕆᐊᑲᖅᐸᓪᓕᐊᕗᑦ ᖃᓄᖅ ᐋᓐᓂᐊᖅᑐᓕᕆᓂᖅ ᐊᐅᓚᓐᓂᖃᕆᐊᖃᓂᖓᓂᒃ. ᐊᒻᒪᓗ ᓱᓇᑦ ᐱᓕᕆᐊᖑᒍᑎᒃ ᐃᓄᐃᑦ ᐋᓐᓂᐊᖃᓂᖏᑦ ᐊᓐᓇᐅᒪᓂᖏᑦ ᖃᓄᖅ ᐱᕙᓪᓕᕈᓐᓇᕆᐊᖏᓐᓄᑦ ᖃᐅᔨᔪᓐᓇᕐᓂᖅᓴᓂᐊᖅᐳᑦ.

ᓈᓴᐅᑏᑦ ᐃᓄᐃᑦ ᐋᓐᓂᐊᖏᓐᓂᒃ ᐃᒪᓐᓇᐃᓕᖅᑐᓂᒃ ᑐᑭᓯᒋᐊᕐᕕᐅᑦᑕᕐᓂᐊᖅᐳᖅ ᖃᐅᔨᒋᐊᕐᕕᐅᑦᑕᕐᓂᐊᖅᐳᖅ, ᐅᓪᓗᒥᒧᑦ ᑲᓇᑕᒥ ᐊᑐᖅᑐᓂᒃ.

ᓈᓴᐅᑏᑦ: ᐃᓄᐃᑦ ᐋᓐᓂᐊᖏᓐᓄᑦ ᖃᐅᔨᓴᐃᕝᕕᒃ ᑕᑯᔭᒃᓴᐅᕗᑦ ᑎᑎᖅᑲᖏᑦ ᖃᕆᑕᐅᔭᒃᑯᑦ, ᐊᐅᓚᑕᐅᔪᑦ ᐃᓄᐃᑦ ᑕᐱᕆᒃᑯᑦ ᑲᓇᑕᒥ ᖃᕆᑕᐅᔭᖏᑦᑎᒍᑦ ᐊᑎᑲᖅᑐᑦ “ᐃᓄᐃᑦ ᖃᐅᔨᓴᕐᕕᖓᑦ: ᐃᓄᐃᑦ ᖃᐅᔨᒪᔭᖏᓐᓄᑦ ᑐᑦᑕᕐᕕᒃ.”