ᑎᒥᒃᑯᑦ ᐊᔪᓕᖅᑕᐅᕙᒃᑐᑦ

ᐃᓄᐃᑦ ᓄᓇᓕᖏᑦ ᐊᒻᒪᓗ ᐊᕕᒃᑐᖅᓯᒪᔪᑦ ᒐᕙᒪᒃᑯᖏᑦ, ᑎᒥᖁᑎᖏᓪᓗ ᐅᑲᖅᓯᒪᕗᑦ ᐃᒥᐊᓗᒃ ᐊᒻᒪᓗ ᐋᖓᔮᕐᓇᖅᑐᑦ ᐊᑲᐅᓐᖏᓕᐅᕈᑕᐅᓛᒍᕗᑦ ᐃᓅᓯᕐᓄᑦ ᐊᒻᒪᓗ ᐃᓅᖃᑎᒌᓐᓄᑦ. ᐃᒥᐊᓗᖃᓕᕈᑎᒃ ᑭᓯᐊᓂ ᓄᖑᑦᑎᒍᑎᒃ ᓄᖅᑲᓕᖅᐸᒃᑐᑦ ᐃᒥᐊᓗᖕᓂᕆᓛᕆᕙᖏᑦ ᐃᓄᐃᑦ . ᐊᑲᐅᓐᖏᓕᐅᕈᑕᐅᓕᖅᐸᒃᑐᖅ ᐃᓅᖃᑎᒥᖕᓂᒃ ᐋᓐᓂᖅᓯᕆᓕᖅᑐᑦ, ᐱᕐᕈᓗᐊᕿᔪᑦ, ᐋᓐᓂᖅᑐᑦ, ᐃᖅᑲᓇᐃᔮᒥᖕᓂᒃ ᐊᓯᐅᔨᓕᖅᑐᑦ ᐊᒻᒪᓗ ᐃᓚᒌᑦ ᐊᑲᐅᔪᓐᓂᖅᑐᑦ. ᐊᒻᒪᓗ ᐊᓯᖏᓐᓄᑦ ᐊᑲᐅᓐᖏᑦᑐᓄᑦ ᐊᑐᖅᑕᐅᓕᖅᐸᒃᐳᖅ ᐋᖓᔮᕐᓂᖅ ᐃᒥᐊᓗᖕᒥᒃ. ᑐᓴᕐᓇᖅᐸᓕᕆᕗᖅ ᓱᐳᖅᑐᖓᐃᑦ ᐋᖓᔮᕐᓇᖅᑐᑦ ᓄᑕᑦ ᑎᑭᑉᐸᓕᕆᕗᑦ ᒪᑯᐊ ᒥᐊᓕᐅᐊᓇ, ᑯᓛᒃ ᑰᑮᓐ, ᐊᒻᒪᓗ ᑯᓕᓯᑐᔅ ᒥᑦ, ᒪᒃᑯᒃᑐᓂᑦ ᐊᑐᖅᑕᐅᕙᓕᖅᑐᑦ. ᑕᒃᑯᐊ ᐃᓱᒫᓗᒋᔭᐅᔪᓄᑦ ᐊᑐᖅᑕᐅᓕᖅᑐᑦ ᐃᓚᓕᐅᑎᕗᑦ.

ᐊᑐᕈᒥᓇᖅᑐᑦ ᐱᓕᕆᐅᑏᑦ ᐊᒻᒪ ᐱᒋᐊᖅᑎᑕᐅᓂᑯᑦ ᐃᓄᐃᑦ ᓄᓇᓕᖏᓐᓂ

ᐃᓄᐃᑦ, ᐃᓚᒌᑦ ᐊᒻᒪᓗ ᓄᓇᖅᑎᒌᑦ ᓄᓇᓕᖏᓐᓂ ᐃᑲᔪᖅᑕᐅᔭᕆᐊᑲᖅᑐᑦ ᐃᑲᔪᖅᑕᒋᐊᖅᐸᒃᐳᑦ. ᐃᒥᐊᓗᒃ ᐊᒻᒪ ᐋᖓᔮᕐᓇᖅᑑᑉ ᒥᒃᓯᖏᓐᓄᑦ ᐊᑲᐅᓐᖏᓕᐅᕈᑎᑲᖅᑐᑦ.  ᐅᑯᐊ ᐱᓕᕆᐊᖑᔪᑦ ᓄᓇᓕᖕᓂ,  ᐃᒥᐊᓗᖕᒧᑦ ᐋᖓᔮᕐᓇᖅᑐᓄᑦ ᑎᒥᖏᑦ ᐊᔪᓕᖅᓯᒪᓕᖅᑐᑦ ᐃᑲᔪᖅᑕᐅᕗᑦ ᐃᓄᓕᕆᔨᓂᑦ, ᑲᑎᒪᔨᕋᓛᓂᑦ, ᐱᓐᖑᐊᕐᓂᒃᑯᑦ, ᐱᖅᑯᓯᓕᕆᓂᒃᑯᑦ ᐊᒻᒪᓗ ᐸᓂᒃᓯᕕᖕᒧᐊᖅᑐᑦ.

ᐃᓄᐃᑦ ᑐᑦᑕᕕᖓᑦ, ᐃᑲᔪᖅᑎᑲᖅᖢᑎᒃ ᓇᖕᒥᓂᑲᖅᑐᒥᒃ ᓖᓯ ᓇᕿᑕᕐᕕᖕᒥᒃ ᕿᒥᕐᕈᐊᓚᐅᖅᐳᑦ ᐃᒥᐊᓗᓕᕆᔪᓂᒃ ᐊᒻᒪ ᐋᖓᔮᕐᓇᖅᑐᓕᕆᔪᓂᒃ ᐃᓄᐃᑦ ᓄᓇᓕᖏᓐᓂ ᐃᑲᔪᖅᑎᐅᔪᓂᒃ. ᐃᓄᖕᓄᑦ ᑐᕋᖅᑑᓂᕋᕈᓐᓇᓐᖏᑕᕗᑦ, ᐊᒻᒪᓗ ᓄᓇᑲᖅᑲᖅᑐᑦ ᐃᓄᐃᑦ  ᐱᖅᑯᓯᖏᑦᑎᒍᑦ ᐊᐅᓚᑕᐅᓐᖏᒡᖢᑎᒃ. ᐃᓄᐃᑦ ᐱᐅᓯᖏᑦᑎᒍᑦ ᐋᖅᑭᐅᒪᓐᖏᑦᑑᒐᓗᐊᑦ ᑭᓯᐊᓂ ᐃᓄᐃᑦ ᑎᒥᒃᑯᑦ ᐊᔪᓕᐅᑎᑲᖅᑐᓂᒃ ᐱᓕᕆᔨᖏᑦᑕ ᑐᓴᕈᒥᓇᖅᑕᖏᑦ.

ᐅᖃᓘᑎᒃᑯᑦ ᐊᒻᒪᓗ ᖃᕆᑕᐅᔭᒃᑯᑦ ᐊᐱᖅᓱᖅᑕᓚᐅᖅᐳᖅ ᓖᓯ ᐃᖅᑲᓇᐃᔭᖅᑎᓂᒃ, ᐊᖓᔪᖅᑳᓂᒃ. ᑐᑭᓯᒋᐊᖅᑐᖅ ᖃᓄᖅ ᐱᓕᕆᐊᖏᓐᓂᒃ. ᐱᓕᕆᐊᖏᑦᑕ ᐱᐅᓂᖏᓐᓂᒃ, ᐃᔪᕐᓂᖏᓐᓂᒃ ᐊᒻᒪᓗ ᐱᓕᕆᐊᕆᓯᒪᔭᖏᓐᓂᒃ ᑐᑭᓯᒋᐊᖅᖢᓂ. ᐊᒻᒪᓗ ᓱᓇᓂᒃ ᐱᓕᕆᐊᖏᑦ ᑐᓗᖅᑕᐅᑎᑲᐅᖅᐸᑦ, ᐊᒻᒪ ᐃᒥᐊᓗᓕᕆᔨᒃᑯᓐᓂᒃ ᐋᖓᔮᕐᓇᖅᑐᓕᕆᔨᒃᑯᓐᓂᒃ ᖃᓄᖅ ᐅᖃᐅᔾᔨᓇᔭᕆᐊᒃᓴᖏᑦ ᑐᓴᐅᒪᔭᐅᔭᕆᐊᓕᖕ`ᓂᒃ ᐱᓕᕆᐊᕆᓗᖑ.  ᐊᐱᖅᓱᖅᑕᖏᑦᑕ ᑭᐅᔾᔪᑎᖏᑦ ᓇᓗᓇᐃᔭᑦᑎᐊᖅᐳᑦ ᐱᓕᕆᐊᖏᑦ ᓄᓇᓕᖕᓂ ᑎᒥᒃᑯᑦ ᐊᔫᑎᖃᓕᖅᑐᓄᑦ ᐊᑐᕐᓂᖃᑦᑎᐊᖅᐳᖅ ᓄᓇᑲᖅᑐᓄᑦ, ᐃᓄᐃᑦ ᓄᓇᒥᖕᓂ ᐋᖅᑭᖓᓱᐊᖅᑐᓄᑦ ᐃᑲᔪᖅᑐᑦ ᐊᒃᓱᐊᓗᒃ.