ᐊᒃᓱᕈᖅᑐᑦ ᐋᖅᑭᐅᒪᔪᓐᓇᕐᓂᖏᑦ

ᐅᓪᓗᒥ, ᑲᓇᑕᒥ ᐃᓄᐃᑦ ᓇᖕᒥᓇᖅᐸᓛᒍᕗᑦ . ᐃᓄᐃᑦ ᓄᓇᖏᓐᓂ ᓄᓇᑲᖅᑐᑦ, ᓯᕗᖕᓕᐅᖅᑎᐅᔪᑦ,ᐊᒻᒪ ᐃᓐᓇᐃᑦ ᐊᐃᑦᑕᕆᔭᖓᑦ ᐃᓄᐃᑦ ᓇᖕ`ᒥᓇᖅᐸᒃᑐᑦ ᑐᖁᓕᖅᐸᒃᑐᑦ.

ᐃᓄᐃᑦ ᐃᓐᓇᐅᓂᖅᓴᖅ ᐅᖃᐅᓯᑲᖅᐸᒃᐳᑦ ᐱᕈᖅᓴᕙᓚᐅᖅᑐᑦ ᖃᐅᔨᒪᕙᒋᖅᖢᑎᒃ ᐃᓅᓯᖅ ᐊᔪᓐᓇᖅᑐᖅᓯᐅᓕᕐᓇᓲᖅ; ᐃᓅᓯᕐᒥᖕᓂ ᐊᔪᓐᓇᖅᑐᓂᒃ ᑎᑭᑕᐅᖏᓐᓇᐅᔭᖅᐸᖕᓂᐊᖅᑐᑦ. ᐃᓄᐃᑦ ᑐᑦᑕᕐᕕᖓᑦ ᐃᓐᓇᕐᓂᒃ ᑲᑎᑎᑦᑎᓚᐅᖅᓯᒪᕗᑦ 2005-ᒥ ᖃᐅᔨᒋᐊᖅᖢᑎᒃ ᖃᓄᑦ ᐃᓄᐃᑦ ᐊᔪᓐᖏᑉᐸᒃᐸᑦ ᓴᓐᖏᔫᕙᒃᐸᑦ ᐊᔪᕐᓇᖅᑐᒦᑦᖢᑎᒃ, ᐱᕈᖅᓴᓪᓗᑎᒃ.  ᐃᓐᓇᐃᑦ ᐊᑐᖅᐸᓚᐅᖅᑕᒥᖕᓂᒃ ᐋᖅᑭᐅᒪᔾᔪᑎᓂᒃ ᒪᒃᑯᒃᑐᓄᑦ ᐃᓕᓐᓂᐊᖅᑕᐅᖁᔨᕗᑦ, ᐅᓪᓗᒥ ᐊᑐᕐᓂᐊᖅᑐᓂᒃ.

“ᓵᓚᐅᓐᖏᓐᓂᖅ ᐊᔪᓐᖏᓐᓂᖅ” ᑐᑭᑲᖅᐳᖅ ᐊᔪᓐᓇᖅᑐᖅᓯᐅᕋᓗᐊᕈᓂ ᓂᕆᐅᓐᓂᑲᖅᑐᖅ ᐊᓂᒍᕐᓂᐊᖅᑐᒥᒃ. ᐃᓅᓯᓂ ᓴᒃᑯᐃᓐᖏᑕᖓ ᐊᓂᒍᓐᓂᐊᖅᑐᖅ ᖃᐅᔨᒪᒐᒥ ᐊᔪᓐᓇᖅᑐᒃᑯᐅᕋᓗᐊᕈᓂ (“ᓴᓐᖏᔪᖅ”). ᖃᐅᔨᓴᖅᑕᐅᕙᓕᖅᑐᑦ ᖃᐅᔨᔾᔪᑕᐅᓯᒪᓕᖅᐳᑦ ᐃᓄᐃᑦ ᐃᒻᒥᖕᓃᖅᐸᑐᑦ ᓴᐱᓕᖅᓴᕋᐃᑦᑕᕋᖓᒥᒃ ᖃᓄᖅᑐᒥᖕᓂᖃᓕᕋᖓᒥᒃ ᐊᒃᓱᕈᓕᕋᖓᒥᒃ. ᓴᓐᖏᑦᑑᓗᐊᕋᖓᒥᒃ ᐊᑦᑕᕐᓇᖅᑐᒥᖦᖢᑎᒃ.

ᐃᓄᐃᑦ ᑐᑦᑕᕐᕕᖏᑦᑕ ᑲᑎᒪᔨᕋᓛᖏᑦ ᐱᓕᕆᖃᑦᑕᖅᓯᒪᕗᑦ, ᐃᓐᓇᐃᑦ ᖃᐅᔨᒋᐊᕐᕕᐅᖃᑦᑕᖅᓯᒪᕗᑦ. ᐅᖃᐅᓯᖃᖃᑦᑕᖅᓯᒪᕗᑦ ᖃᓄᖅ ᐱᖅᑯᓯᐅᕙᓚᐅᖅᑐᓂᒃ ᐃᓄᐃᑦ ᐊᒃᓱᕉᒪᓗᐊᓕᕋᖏᑦᑕ ᐋᖅᑭᐅᒪᔾᔪᑎᓂᒃ, ᖁᕕᐊᓱᒍᓐᓂᖅᐸᑕ ᐊᒻᒪᓘᓐᓃᑦ ᐊᒃᓱᕈᑎᖏᑦ ᐋᖅᑭᕕᑲᖅᑯᔨᔪᓐᓂᖅᐸᑕ ᐃᓕᖅᑯᓯᕆᔭᐅᕙᓚᐅᖅᑐᓂᒃ.

• ᐅᒃᐱᕆᔭᕐᓄᑦ ᓱᓕᔪᕆᔭᕐᓄᑦ ᐊᒃᓱᕈᑎᑎᑦ ᐅᖃᐅᓯᕆᒃᑭᑦ.
• ᐃᓱᒪᐃᑦ ᐊᓯᔾᔨᕆᐊᕈᒃ: ᐅᓪᓗᒥ ᐊᔪᓐᓇᖅᑐᖅᓯᐅᕋᓗᐊᕈᕕᑦ ᐊᑐᐊᓂᓚᖅᑐᖅ, ᐊᓯᔾᔨᖕᓂᐊᖅᑐᖅ.
• ᓯᓚᒥ ᐅᓚᕕᓴᕆᑦ, ᐱᓕᕆᓗᑎᓪᓗ
• ᐃᓅᖃᑎᑎᑦ ᐃᑲᔪᖅᑕᐅᔭᕆᐊᑲᖅᑐᑦ ᐃᑲᔪᒃᑭᑦ
• ᐃᓄᑐᐅᓐᖏᓪᓗᑎᑦ
• ᐃᓕᖕ`ᓂᒃ ᐅᒃᐱᕆᒋᑦ ᐊᔪᓐᖏᑦᑐᑎᑦ
• ᐃᓄᐃᑦ ᐱᓕᕆᐅᓯᑐᖃᖏᓐᓂᒃ ᐃᓕᓐᓂᐊᕆᑦ, ᐃᓅᓃᑦ ᐱᒃᑯᒋᓕᕐᓂᐊᕋᖕᓂᐅᒃ.

ᐃᓐᓇᐃᑦ ᐅᑲᖅᓯᒪᕗᑦ ᐅᑯᐊ ᑎᖑᒥᐊᕆᐊᑲᖅᑕᕗᑦ ᓴᓐᖏᔾᔪᑎᒋᓂᐊᕋᑦᑎᒍ ᐊᔪᓐᖏᔾᔪᑎᒋᓂᐊᕋᑦᑎᒍ, ᐅᑕᖅᑭᔪᓐᓇᕐᓂᖅ ᕿᓄᐃᓵᕈᓐᓇᕐᓂᖅ, ᓴᓐᖏᓂᖅ,  ᐊᐅᓪᓗᔾᔨᔪᓐᓇᕐᓂᖅ ᓴᒃᑯᐃᓐᖏᓪᓗᓂ ᐊᔪᕐᓇᕐᒪᑦ ᐊᒻᒪᓗ ᓱᖁᓯᖅᑕᓐᖏᓐᓂᖅ ᐅᐸᖓᔪᐊᖅᑕᒥᓄᑦ.

ᐃᓄᐃᑦ ᑐᑦᑕᕐᕕᐅᑉ ᓴᖅᑭᑕᖏᑦ ᐱᓕᕆᐅᑎᒃᓴᑦ

ᐱᓕᕆᐊᕆᔭᐅᔪᓂ ᐊᑕᐅᓯᐅᓐᖏᑦᑐᓂ ᑐᑦᑕᕕᒃᑯᑦ ᐃᖅᑲᓇᐃᔭᖅᑎᖏᑦ ᐅᖃᖃᑎᑲᖅᓯᒪᕙᒃᐳᑦ ᐃᓐᓇᕐᓂᒃ ᐊᒻᒪᓗ ᒪᒃᑯᒃᑐᓂᒃ ᐊᔪᕐᓇᖅᑐᒃᑯᐅᓪᓗᓂ ᖃᓄᖅ ᓴᓐᖏᓂᖅ, ᓴᐱᓕᖅᑕᐃᓕᓂᖅ ᐊᑐᖅᑕᐅᕙᒋᐊᖓᓂᒃ ᐃᓄᖕᓂᑦ ᖃᐅᔨᒋᐊᖅᖢᑎᒃ:

• 2006-ᒥ, ᑲᑎᑎᑦᑎᓚᐅᖅᓯᒪᕗᑦ 33-ᓂᒃ ᐃᓐᓇᕐᓂᒃ ᐃᓄᐃᑦ ᓄᓇᓕᖏᑦᑕ ᐊᕕᒃᑐᖅᓯᒪᔪᖏᓐᓂ ᑎᓴᒪᓂ.  ᖃᐅᔨᓇᓱᓗᐊᓚᐅᖅᓯᒪᕗᑦ ᐃᓄᐃᑦ ᐅᒃᐱᕆᔭᖏᓐᓂ ᐃᓅᓯᕐᓂ, ᐊᒻᒪᓗ ᐱᓕᕆᐅᓯᖏᓐᓂᒃ ᐃᓄᐃᑦ ᐊᔪᓐᓇᖅᑐᖅᓯᐅᓪᓗᑎᒃ. ᐃᓅᖃᑎᓐᓂᑦ ᐃᖃᔪᑲᑦᑕᖅᓯᒪᕗᖓ ᐊᒃᓱᕈᖅᑐᓂᒃ, ᐃᓅᓯᖅᐳᑦ ᐊᔪᓐᓇᖅᑐᖅᓯᐅᒋᓐᓇᐅᔭᕋᓗᐊᖅᖢᑕ ᓴᒃᑯᑉᐸᓚᐅᓐᖏᓐᓇᑦᑎᒍ. ᐃᓐᓇᐅᑦ ᐅᖃᐅᓯᖏᑦ ᐅᖃᐅᓯᐅᕗᑦ ᐅᕙᓂ ᑎᑎᖅᑲᓂ, “ᐃᒻᒥᖕᓂᒃ ᐃᓄᐊᖅᐸᒃᑐᑦ ᓄᖅᑲᖅᑎᒋᐊᖅᖢᖏᑦ:ᐃᓄᐃᑦ ᐱᖅᑯᓯᑐᖃᖏᑦᑎᒍᑦ ᐋᖅᑭᐅᒪᔾᔪᑕᐅᕙᓚᐅᖅᑐᑦ ᐊᒃᓱᕈᖅᑐᓄᑦ ᓴᓐᖏᓂᖅ, ᑎᖑᒥᐊᕈᓐᓇᕐᓂᖅ ᐊᔪᓐᓇᖅᑐᖅᓯᐅᓪᓗᓂ”.
• ᐃᓄᐃᑦ ᐱᖅᑯᓯᑐᖃᖏᑦᑎᒍᑦ ᐊᒻᒪᓗ ᐅᓪᓗᒥ ᒪᑭᒪᐅᑎᐅᕙᓕᖅᑐᓂᒃ ᑐᓴᕆᐊᒃᑲᓐᓂᕈᓐᓇᖅᐳᑎᑦ ᐅᕙᓂ ᑎᑎᖅᑲᓂ, “ᓴᓐᖏᓂᖅ: ᐊᔪᓐᓇᖅᑐᖅᓯᐅᕐᓗᓂ ᓯᕗᒻᒧᐊᒐᓱᐊᖏᓐᓇᕐᓂᖅ ᐊᑐᑦᑎᐊᖅᑐᒃᑯᑦ”.
• 2009-ᒥ ᑎᕖᒃᑯᑦ ᐅᖄᓚᕝᕕᐅᑦᑕᖅᖢᑎᒃ ᑕᑯᒃᓴᐅᓚᐅᖅᓯᒪᔪᑦ ᒪᒃᑯᒃᑐᑦ ᐊᔪᕈᑎᒥᖕᓂᒃ ᐊᑲᐅᓐᖏᓐᓂᐅᔪᓂᒃ ᐃᓅᓯᕐᒥᖕᓂ ᐅᖃᐅᓯᑲᖅᖢᑎᒃ. ᖃᓄᕐᓗ ᐋᖅᑭᐅᒪᒋᐊᖃᕆᐊᒥᖕᓂᒃ ᓇᓗᓇᐃᔭᖅᖢᑎᒃ ᐊᒃᓱᕈᓐᓇᑐᖅᓯᐅᓕᕈᑎᒃ. ᖃᓄᖅ ᐊᔪᓐᓇᖅᑑᕙᒃᑲᓗᐊᕐᓗᓂ ᐃᓅᓯᖓᑦ ᓯᕗᒻᒧᐊᒋᐊᒋᓐᓇᕈᓐᓇᖅᐸᑦ ᒪᒃᑯᒃᑐᑦ ᐅᖃᐅᓯᑲᖅᑐᑦ. ᑕᓐᓇ ᑕᕆᔭᐅᑎ ᐊᑎᖃᓚᐅᖅᐳᖅ “ᒪᒃᑯᒃᑑᕗᖓ, ᐅᐱᒻᒪᕗᖓ– ᒪᒃᑯᒃᑑᒐᓗᐊᕋᒪ ᓇᖕᒥᓂᖅ ᐅᐱᒋᕗᖓ”.