ᐃᓄᐃᑦ ᐃᒻᒥᖕᓂᒃ ᑐᖁᓴᖅᐸᒃᑐᑦ

ᐃᓄᐃᑦ ᐃᒻᒥᖕᓂᖅᐸᒃᑐᑦ ᐊᒥᓱᐊᓗᐃᑦ, ᑯᒃᓴᓪᓚᖕᓇᒻᒪᕆᒃᑐᒃ ᐅᓄᖕᓂᖏᑦ. ᐃᓄᐃᑦ ᓄᓇᓕᖏᓐᓂ ᐊᐅᓚᑦᑎᔨᐅᔪᑦ, ᓄᓇᑲᖅᑐᓪᓗ ᐅᑲᖅᐸᒃᐳᑦ ᑲᓇᑕᒥ ᓱᕈᖅᓯᒪᔪᓄᑦ ᐅᓇᓛᖑᕗᑦ ᐃᓄᐃᑦ ᐃᒻᒥᖕᓂᒃ ᑐᖁᓴᖅᐸᒃᑐᑦ. ᐃᓄᐃᑦ ᑲᓇᑕᒥᐅᑕᕐᓂᑦ 11-ᒋᖅᓱᖅᖢᒍ ᐅᓄᓛᒍᕗᑦ ᐃᒻᒥᓂᖅᐸᖕᓂᖏᑦ, ᒪᒃᑯᒃᑐᑦ ᐱᓗᐊᖅᑐᒥ ᐊᑦᑕᕐᓇᖅᑐᒦᑉᐸᒃᐳᑦ ᐃᓄᐃᑦ, ᐃᒻᒥᓂᕋᔪᓚᑦ ᐱᔾᔪᑎᒋᓪᓗᒍ.

ᓄᓇᑲᖅᑲᖅᑐᑦ ᐊᑦᑕᕐᓇᐅᑎᖏᑦ ᐃᒻᒥᖕᓂᒃ ᑐᖁᓴᕋᔭᕆᐊᖏᑦ ᐅᑯᐊ ᐱᔾᔪᑎᒋᓪᓗᖏᑦ:

• ᐱᖅᑯᓯᑐᖃᖏᑦ ᐅᒃᐱᖕᓂᑐᖃᖏᑦ ᐊᓯᐅᔪᑦ ᐊᑐᕈᓐᓂᖅᑐᑦ;
• ᐃᒻᒥᓃᖃᑦᑕᕐᓂᖅ ᐊᑐᕐᔫᒥᕙᒃᑐᖅ ᐊᑕᐅᑦᑎᒃᑯᖅᑕᖅᑐᑦ (ᐊᑕᐅᓯᐅᓐᖏᑦᑐᖅ ᐃᒻᒥᓃᖅᐸᑦ ᒪᓕᒃᓴᖅᑕᐅᖁᔨᓕᖅᐸᒃᐳᖅ);
• ᐊᕐᓇᐅᔭᑦ ᐊᖑᑕᐅᔭᑦ ᑐᓐᖓᕕᑲᓐᖏᑦᑐᑦ;
• ᓄᓇᓖᖓᑦ ᐋᖅᑭᐅᒪᓐᖏᓗᐊᖅᑐᖅ ᐊᔪᖅᓴᓗᐊᖅᑐᖅ;
• ᐊᔪᖅᓴᕐᓂᖅ;
• ᐃᖅᑲᓇᐃᔭᕐᕕᑲᓐᖏᑦᑐᖅ;
• ᐃᒡᓗᑭᒃᓴᖅᑐᑦ, ᐃᒡᓗᑲᓐᖏᑦᑐᑦ , ᓴᓗᒪᓗᐊᓐᖏᑦᑐᑦ ᐊᒻᒪᓗ ᐃᒪᑭᒃᓴᖅᑐᑦ;
• ᓄᓇᓕᖏᑦ ᐅᖓᓯᒃᑐᑦ; ᐊᒻᒪ,
• ᓄᓇᒥᖕᓂᒃ ᐊᒻᒪ ᐃᓅᓯᕐᒥᖕᓂᒃ ᐃᒡᓗᖃᓂᕐᒥᒃ ᑎᒍᒥᐊᕈᓐᓂᖅᑐᑦ.

ᓄᓇᕗᒻᒥ ᕿᑭᖅᑕᓂ ᖃᐅᔨᓴᖅᑕᐅᔪᓂ ᖃᐅᔨᔾᔪᑕᐅᒋᕗᖅ ᒪᒃᑯᒃᑐᑦ “ᐱᖃᓐᓇᒥᖕᓂᒃ ᐊᕕᑦᑎᔪᑦ ᐃᒻᒥᓃᕈᑕᐅᓛᖑᕙᒃᑐᑦ. ᓂᖓᐅᒪᓂᖅ ᐊᒻᒪ ᓯᖕᓇᓂᖅ ᐱᔾᔪᑕᐅᔪᑦ, ᒪᒃᑯᒃᑐᑦ ᐃᒻᒥᓃᖅᐸᑕ ᑐᓴᕐᓇᓛᒍᕙᒃᑐᖅ”.

ᐃᓐᓇᐃᑦ ᐅᖃᐅᓯᖏᑦ ᐊᑐᖁᔭᖏᑦ: ᓇᖕᒥᓂᖅ ᐱᓇᓱᐊᕐᓂᖅ ᐊᒻᒪ ᐊᓯᖕᓂᒃ ᐃᑲᔪᕐᓂᖅ

ᐃᓄᐃᑦ ᐃᓐᓇᑦ ᒪᒃᑯᒃᑐᓂᒃ ᓇᖕᒥᓇᖅᑐᓂᒃ ᑐᖁᓴᖅᑐᓂᒃ ᐊᑐᖅᑐᑐᖃᐅᓂᕋᐃᓐᖏᑦᑐᑦ.

ᐃᓅᓯᕐᓂᒃ ᐊᓯᐅᑐᐃᓐᓇᖅᑐᓂᒃ ᐊᐃᑦᑖᕆᔭᑲᖅᐳᑦ ᐃᓐᓇᐃᑦ, ᒪᒃᑯᒃᑐᑦ ᐃᒻᒥᓂᕋᖏᑦᑕ. ᐅᑯᐊ ᐃᓐᓇᐃᑦ ᐃᓱᒪᒋᔭᖏᑦ ᒪᒃᑯᒃᑐᓄᑦ ᓴᐱᓕᖅᐸᒃᑐᓄᑦ ᓂᕆᐅᓐᓂᖃᑯᓪᓗᖏᑦ:

• ᐊᖓᔪᖅᑳᑦ ᐅᔾᔨᑦᑎᐊᕆᐊᑕᑲᖅᐳᑦ ᓈᓚᑦᑎᐊᕆᐊᑲᖅᐳᑦ ᓇᒡᓕᖕᓂᒃᑯᑦ ᓄᑕᖅᑲᒥᖕᓂᒃ. ᓄᑕᖅᑲᑦ ᐱᓐᓇᕆᔭᐅᔪᑦ ᖃᐅᔨᒪᔭᕆᐊᑲᖅᐳᑦ. ᐃᓐᓇᐃᑦ ᐊᒻᒪᓗ ᓄᓇᓖᑦ ᓄᑕᖅᑲᓂᒃ ᒪᒃᑯᒃᑐᓂᒃ ᓇᒡᓕᒋᐊᖃᕆᕗᑦ ᐊᓐᓂᕆᓗᖏᑦ;
• ᐊᖓᔪᖅᑳᑦ ᓄᑕᖅᑲᒥᖕᓂᒃ ᐃᓕᓐᓂᐊᖅᑎᑦᑎᑲᐅᑎᒋᔭᕆᐊᑲᖅᐳᑦ ᐃᓅᓯᖅ ᐊᔪᓐᓇᖅᑐᖅᓯᐅᕐᓇᖅᐸᒃᑐᖅ. ᑭᓯᐊᓂᑦᑕᐅᖅ ᐊᔪᓐᓇᖅᑐᖅ ᐊᓂᒍᖅᐸᒃᑐᖅ: ᓄᑕᖅᑲᑦ ᐃᓱᒪᖏᑦ ᓯᕗᒻᒧᑦ ᐸᕐᓇᒍᓐᓇᓐᖏᑦᑐᑦ ᓄᑕᕋᐅᒐᒥᒃ ᐃᓱᒪᒋᓗᒍ. ᐃᓱᒪᒋᐅᖅᓴᓂᕐᒧᑦ, ᑐᑭᓯᓂᕐᒧᑦ ᐊᒻᒪ ᓯᕗᓂᒃᓴᒧᑦ ᐊᓯᔾᔨᖅᐸᓪᓕᐊᖏᓐᓇᕐᓂᐊᖅᑐᓂᒃ ᐃᓕᓐᓂᐊᖅᑎᑕᐅᔭᕆᐊᑲᖅᐳᑦ;
• ᐊᓯᑎᑦ ᓂᑲᒋᓗᖏᒃ ᐅᑕᖅᑭᓗᖏᑦ: ᑐᑭᓯᒋᐊᕐᓗᖏᑦ;
• ᐊᒃᓱᕈᖅᑯᐅᔨᔪᑦ ᖁᕕᐊᓱᓐᖏᒃᑯᐅᔨᔪᑦ ᐅᐸᒃᐸᓪᓗᖏᑦ, ᐅᖃᓪᓚᒃᑐᑦ ᓈᓚᒡᓗᖏᑦ;
• ᑐᓴᖅᐸᓪᓕᐊᔭᑎᒃ ᓯᓚᑎᖕᓄᑦ ᐅᖃᐅᓯᕆᓐᖏᓪᓗᖏᑦ : ᐃᑲᔪᕐᓂᐊᕈᕕᑦ ᑐᓴᖅᑎᒃᑭᑦ ᐅᖃᐅᓯᖏᑦ ᐃᓕᖕᓄᑦ ᐊᓯᓄᐊᕐᓂᐊᓐᖏᑦᑐᑦ, ᐅᓂᒃᑳᒃᓴᐅᓐᖏᑦᑐᑦ;
• ᐊᑐᖅᓯᒪᔭᑎᑦ ᐊᒃᓱᕈᖅᖢᑎᑦ ᐅᖃᐅᓯᕆᔪᓐᓇᖅᐸᑎᑦ, ᖃᐅᔨᓂᐊᒃᒪᑕ ᐃᓄᑑᓐᖏᑦᑐᑦ, ᐊᓯᖏᑦ ᐊᒃᓱᕈᖅᐸᒃᑐᑦ ᐊᒻᒪ ᐱᐊᓂᖕᓂᑲᖅᑐᖅ ᐊᒃᓱᕈᓐᓂᖅ;
• ᐃᓱᒪᑦᑎᐊᕋᓱᐊᕐᓂᖕᒧᑦ ᓵᑎᒋᐊᕈᒃ; ᐊᒻᒪ,
• ᐅᖃᓪᓚᑦᑎᐊᕆᑦ ᐅᐃᒪᓐᖏᓪᓗᑎᑦ ᑐᐊᕕᓐᖏᓪᓗᑎᑦ, ᐱᑦᑎᐊᕐᓗᑎᑦ.

ᐃᓄᐃᑦ ᐃᓐᓇᐃᑦ ᐅᖃᐅᓯᖏᑦ ᐊᔪᓐᓇᖅᑐᖅᓯᐅᖅᑐᑦ ᐱᔾᔪᑎᒋᔪᓐᓇᖅᑕᖏᑦ ᐋᖅᑭᐅᒪᔾᔪᑎᒋᔪᓐᓇᖅᑕᖏᑦ ᐅᕙᓂ ᑕᐃᒍᒐᐅᕗᑦ, “ᐃᒻᒥᖕᓂᒃ ᐃᓄᐊᖅᐸᒃᑐᑦ ᓄᖅᑲᖅᑎᒋᐊᖅᖢᖏᑦ:ᐃᓄᐃᑦ ᐱᖅᑯᓯᑐᖃᖏᑦᑎᒍᑦ ᐋᖅᑭᐅᒪᔾᔪᑕᐅᕙᓚᐅᖅᑐᑦ ᐊᒃᓱᕈᖅᑐᓄᑦ ᓴᓐᖏᓂᖅ, ᑎᖑᒥᐊᕈᓐᓇᕐᓂᖅ ᐊᔪᓐᓇᖅᑐᖅᓯᐅᓪᓗᓂ”.

ᐃᓅᓯᖅ ᑯᕕᐊᒋᓚᕗᑦ

ᓯᑎᐱᕆ 10-ᒥ ᐊᕐᕋᒍᑕᒪᑦ, ᐃᓄᐃᑦ ᑎᒥᖁᑎᖏᑦ ᐊᒻᒪᓗ ᓄᓇᓖᑦ ᐋᑐᕚᒥ ᑲᑎᑉᐸᒃᐳᑦ ᓄᓇᕐᔪᐊᕐᒥ ᐃᒻᒥᖕᓂᖅᐸᒃᑐᑦ ᓄᖅᑲᖅᑎᑕᐅᒋᐊᖅᖢᑎᒃ ᐅᓪᓗᖓᓂ. ᑕᓐᓇ ᐅᓪᓗᖅ ᐅᔾᔨᓕᕆᐊᕈᑎᐅᕗᖅ ᐃᓄᐃᑦ ᑐᑦᑕᕐᕕᖓᓐᓂᑦ ᐊᐅᓚᑕᐅᕙᒃᑐᖅ, ᐊᒻᒪᓗ ᐃᓄᐃᑦ ᒪᒃᑯᒃᑐᑦ ᑲᑎᒪᔨᖏᓐᓂᑦ, ᐊᐃᑎᑮᒃᑯᑦ, ᐸᐅᒃᑑᑎᒃᑯᑦ ᐊᒻᒪᓗ ᐊᐃᓯᓯ-ᑲᓇᑕᐅᑉ ᑎᒥᖁᑎᖏᑦ ᐃᓚᐅᓪᓗᑎᒃ.

ᕿᐊᖅᐹᖅᑐᑦ, ᕿᓚᐅᔾᔭᖅᑐᑦ, ᐃᓄᐃᑦ ᓄᓇᑲᖅᑐᑦ ᑕᑯᔭᒃᓴᐅᕙᒃᐳᑦ. ᐃᓄᐃᑦ ᐃᓅᓯᖏᓐᓂᒃ ᖁᕕᐊᓲᑎᑲᖅᑐᑦ ᐊᒻᒪᓗ ᐱᖅᑯᓯᕐᒥᖕᓂᒃ. ᑲᑎᒪᕕᒡᔪᐊᕐᕕᖕᒥ ᐅᓪᓗᕈᒻᒥᑕᖅᑐᑦ, ᑐᓴᒐᒃᓴᒥᓪᓗ ᓴᖅᑭᑦᑎᓪᓗᑎᒃ ᑲᓇᑕᒥᐅᑕᑦ ᐊᒻᒪ ᐃᓄᐃᑦ ᑐᓴᖅᑎᑕᐅᒋᐊᖅᖢᑎᒃ ᖃᓄᐃᓕᐅᕐᓂᕐᒥᖕᓂᒃ. ᑐᓴᖅᑕᐅᒋᐊᓕᖕᓂᒡᓗ.

ᑕᐃᒍᒃᑭᑦ  ᑐᓴᒐᒃᓴᓕᐊᕗᑦ

ᐊᔾᔨᓐᖑᐊᑦ ᑕᑯᒃᑭᑦ ᑲᑎᒪᔪᑦ