ᐃᓱᒪᓕᕆᓂᖅ ᐋᖅᑭᐅᒪᖏᐊᕐᓗᓂ

ᐃᓄᐃᑦ ᓇᓗᓇᐃᖅᓯᒪᓕᖅᐳᑦ ᐃᓱᒪᓕᕆᓂᖅ ᐱᒻᒪᕆᐅᒋᔭᐅᓂᖓᓂᒃ ᓯᕗᓪᓕᐅᔾᔭᐅᓗᓂ ᐱᓕᕆᐊᖑᖁᓪᓗᓂᐅᒃ.

ᐃᓱᒪᒃᑯᑦ ᐋᓐᓂᐊᕐᓂᖅ ᐱᔾᔪᑎᖃᐅᕈᓐᓇᖅᐳᖅ ᐊᒻᒪᓗ ᖃᓄᐃᓕᖓᐅᕈᓐᓇᖅᐳᖅ. ᐅᑯᐊ ᐃᓚᐅᓗᑎᒃ, ᐃᓱᒪᓕᕆᓂᖅ, ᓇᖕᒥᓂᖅ ᐃᓄᐊᖅᑕᐃᓕᓂᖅ, ᐃᓱᒪᒃᑯᑦ ᐊᑲᐅᓐᖏᓐᓂᖅ ᐋᓐᓂᐊᕐᓂᖅ, ᐋᓐᓂᖅᓯᕆᓂᖅ ᐃᓅᖃᑎᒥᖕ`ᓂᒃ ᓄᖅᑲᖅᑎᒋᐊᕋᓱᐊᕐᓂᖓ, ᐊᒻᒪᓗ ᑎᒥᒧᑦ ᐊᔪᓕᖅᑕᐅᕙᒃᑐᑦ ᐃᒥᐊᓗᐃᑦ ᐋᖓᔮᕈᑏᑦ ᐊᒻᒪ ᐊᓯᖏᑦ ᐊᑐᓕᖅᑕᐅᕙᒃᑐᑦ. ᐃᓄᖕᓄᑦ ᐃᓱᒪᒃᑯᑦ ᐊᓐᓇᐅᒪᓂᖅ ᑐᑭᑲᖅᐳᖅ ᐃᒪᓐᓇ, “ᑎᒥᐊ, ᐃᒃᐱᒋᔭᖓ, ᐃᓱᒪᖓ, ᐊᒻᒪᓗ ᑕᕐᓂᖓ ᖃᓄᐃᓐᖏᑦᑐᖅ, ᐊᒻᒪᓗ ᑭᓇᐅᓂᓂ ᖃᐅᔨᒪᑦᑎᐊᖅᖢᓕᐅᒃ ᐱᖅᑯᓯᒃᑯᑦ”. ᐃᒡᓗᖃᓂᖅ, ᐊᔪᓕᐅᑎᖃᐅᕐᓂᖅ, ᐱᖅᑯᓯᕐᒥᓂᒃ ᐊᓯᐅᔨᔪᖅ, ᐊᔪᖅᓴᖅᑐᖅ, ᐊᒻᒪ ᐊᓯᖏᓐᓄᑦ ᐃᓅᓯᐊᓄᑦ ᑐᓗᒃᑕᐅᑎᖃᐅᖅᑐᖅ (ᐊᔪᕈᑎᖃᐅᖅᑐᖅ) ᐃᓱᒪᒧᑦ ᐊᒃᑐᐃᔪᓐᓇᖅᐳᑦ.

ᐃᓄᐃᑦ ᑐᑦᑕᕐᕕᖓᑦ ᐃᓕᑕᖅᓯᕗᖅ ᐃᓱᒪᒃᑯᑦ ᐊᓐᓇᐅᒪᓂᖅ ᐱᒻᒪᕆᐅᕗᖅ ᐃᓅᑦᑎᐊᕐᓂᕐᒧᑦ ᐃᓄᖕᓄᑦ ᓄᓇᖅᑲᑎᒌᓄᑦ, ᑕᒫᓐᓄᑦ ᑐᑦᑎᐊᕐᓇᖅᑐᖅ. ᐱᓕᕆᐅᑎᒃᓴᓂᒃ ᐱᓕᕆᐊᑲᖅᓯᒪᕗᒍᑦ ᐊᑐᖅᑕᐅᔪᓐᓇᖅᑐᓂᒃ ᐃᓱᒪᒃᑯᑦ ᐱᓕᕆᐅᑎᑲᖅᑐᓂᒃ ᐊᓐᓇᐅᒪᓂᕐᒧᑦ. ᐃᓄᖕ`ᓄᑦ ᑐᕋᖅᑑᒋᐊᖅᖢᖏᑦ ᐱᓕᕆᐅᓰᑦ. ᐱᓕᕆᐊᕆᔭᕗᑦ ᐅᓄᖅᐳᑦ ᐅᑯᐊ ᐃᓚᐅᕗᑦ, ᑎᒥᒃᑯᑦ ᐊᔪᓕᐅᑕᐅᕙᒃᑐᑦ, ᐊᔪᓐᓇᖅᑐᖅᓯᐅᓪᓗᓂ ᑎᓯᓂᖅ ᓴᓐᖏᓂᖅ, ᐊᒻᒪᓗ ᓇᖕᒥᓂᖅ ᑐᖁᓴᖅᐸᒃᑐᑦ ᓄᖅᑲᖅᑎᑕᐅᒋᐊᖅᑐᑦ.

ᐊᑐᖅᑕᐅᔪᓐᓇᖅᑐᑦ ᐱᓕᕆᐊᑎᒃᓴᑦ:

“ᓴᓐᖏᓂᖅ ᓵᓚᐅᓴᕋᐃᓐᖏᓐᓂᖅ: ᐊᔪᕈᑎᓂᒃ ᐊᑐᕐᓂᖅ ᐊᒻᒪᓗ ᓯᕗᒻᒧᐊᒋᐊᕐᓂᖅ ᐊᑲᐅᓂᖅᓴᒧᑦ”. ᑕᓐᓇ ᑕᐃᒍᒐᖅ ᐊᑲᐅᔪᓂᒃ ᐋᖅᑭᐅᒪᔾᔪᑎᒃᓴᓂᒃ ᐅᖃᐅᓯᑲᖅᐳᖅ, ᐃᓄᐃᑦ ᐊᔪᓐᓇᖅᑐᖅᓯᐅᓕᕈᑎᒃ ᐊᑐᕈᓐᓇᖅᑕᖏᓐᓂᒃ ᐊᒃᓱᕈᓕᕈᑎᒃ. ᐅᖃᐅᓯᐅᖏᓐᓇᖅᑐᖅ, ᐃᓅᓯᑐᑲᕐᓂ ᐊᑐᖅᑕᐅᕙᓚᐅᖅᑐᑦ, ᖃᓄᖅ ᐅᓪᓗᒥᒧᑦ ᐊᑐᓕᕈᓐᓇᕆᐊᖏᑦ.

“ᐃᑲᔪᕐᓂᖅ,  ᐊᒃᓱᕈᖅᑐᓂ ᐊᑐᖅᑕᐅᔪᓐᓇᖅᑐᑦ: ᐃᓄᐃᑦ ᓂᐱᖏᑦ, ᐅᓪᓗᒥᒧᑦ ᐱᓕᕆᐅᓯᐅᑎᐅᔪᓐᓇᖅᑐᑦ”: ᑕᓐᓇ ᐅᖃᐅᓯᑲᖅᐳᖅ ᐃᓅᓯᑐᖃᒥ ᐃᓄᐃᑦ ᐱᐅᓯᕕᓂᖏᓐᓂ ᐊᔪᓕᖅᑐᑦ ᐊᑐᖅᐸᓚᐅᖅᑕᖏᓐᓂᒃ. ᐃᓄᓯᓕᕆᔾᔪᑏᑦ.  ᐅᓪᓗᒥᐅᓕᖅᑐᖅ ᐊᒻᒪᓗ ᐊᑐᖅᑕᐅᕙᓚᐅᖅᑐᑦ ᐃᓄᖕᓂᒃ ᐊᑐᖅᑕᐅᖑᑎᒃ ᐋᖅᑭᐅᒪᔾᔪᑕᐅᔪᒥᓇᖅᐳᒃ ᐊᒃᓱᕈᖅᑐᓄᑦ ᓴᐱᓕᖅᑐᓄᑦ, ᐅᑭᐅᖅᑕᖅᑐᕐᒥᐅᑕᐅᓗᓂ ᐊᑐᕈᒥᓇᖅᐴᒃ ᑕᒪᕐᒥᒃ.

“ᓱᓇᐅᕙ ᐃᓱᒪᒃᑯᑦ ᐋᓐᓂᐊᕐᓂᖅ?”: ᐅᓇ ᑕᐃᒍᖓᖅ ᑐᑭᓯᒋᐊᕈᑎᐅᕗᖅ ᐋᓐᓂᐊᓯᐅᖅᑎᓄᑦ ᐊᒻᒪᓗ ᐃᓄᖕᓄᑦ, ᑎᑎᕋᖅᓯᒪᓂᖏᑦ ᑐᑭᓯᓇᕆᐊᖅᖢᖏᑦ ᑎᑎᕋᖅᑕᐅᓂᑯ. ᐅᖃᐅᓯᑲᖅᐳᖅ ᐃᓱᒪᒃᑯᑦ ᐊᑲᐅᓐᖏᓕᐅᕈᑎᐅᕙᒃᑐᑦ ᓱᓇᐅᕙᑦ, ᐋᓐᓂᐊᓕᖅᑐᑦ ᐃᓱᒪᒃᑯᑦ ᐊᑐᕋᔪᒃᑕᖏᑦ. ᐱᔾᔪᑎᖏᑦ, ᐅᖃᐅᓰᑦ ᐊᑐᖅᑕᐅᕙᒃᑐᑦ ᐱᓕᕆᐊᑲᖅᑐᓂᑦ, ᐊᒻᒪᓗ ᖃᓄᖅ ᐋᓐᓂᐊᖃᓕᖅᑐᑦ ᐃᓱᒪᒃᑯᑦ ᐊᓐᓇᒃᓴᖅᑕᐅᕙᒃᐸᑦ.