Inuit amma ukiurtartumi uqausiksait Kanatami Nunaqaqqaaqarsimajunut Aanniarnanginnilirinirmut Katujjiqatigiit katimarjuartitsitillugit
ᐃᓄᐃᑦ ᐊᒻᒪ ᐅᑭᐅᕐᑕᕐᑐᒥ ᐅᖃᐅᓯᒃᓴᐃᑦ ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᕐᓇᖏᓐᓂᓕᕆᓂᕐᒧᑦ ᑲᑐᔾᔨᖃᑎᒌᑦ ᑲᑎᒪᕐᔪᐊᕐᑎᑦᓯᑎᓪᓗᒍ
Ilagiit, tukisigiarviksanik uqausiqaqtillugit amma katimaniqaqtillugit taijaujumik “Inuqutivut, qanuinginnirput” – Kanatami Nunaqaqqaaqarsimajunut Aanniarnanginnilirinirmut Katujjiqatigiit katimarjuarniqaqtillugit nuvipiri 24-26, Ottawami.
Katimatillugit uqausiqarajaqatut qaujimanirmik, maligaksanik, piliritjusiujunik, amma piliriagujunik turaangalutik aanniaralirinirmut qanuingitsiarasuarnirnilirinirmullu turaangajunik Inuinnut, Nunaqaqqaaqsimajunut, Allangajunullu.
Amisummariit uqalimaniqaqtut, katimaniujut amma illinniarniit katimanikkut pitjutiqaqtut Inuit amma qanuingitsiarasuariaqaninginnik. Katimatillugit katingatillugit tamarmik amma avikktursimalutik katimaniqaqtillgit tusaajiqalaartut Inuttitut amma qallunaatitut.
- “Inuit iliqqusingatigut inuulisautingit amma mamisarusingit”– tavvani katimanirmi amma katimaqatiqaqtiqarajaqtut inutuqarnik Inunnik uqausiqalutik Inuit inuulisautuqavininginnik amma mamisarusinginnik. Inuit nunalinginnit aviktursimajunit katimajaqtuqataugajartut inutuqait, amma apiqtauqattartut\uqalimajigijautut uqausiqarajartut iliqqusitigut amma ullumiulirtuq piliritjusiujunik ikajurutaunasuarsutik Inuit qanuingitsiaqullugit nunalingninni.
- “Niqitsiavait Ukiurtartumi: Qaujisaqqaarlutik Nunalinni Ikajurialirniq”– tavvani katimanirmi uqausiqarajartut Inuit niqigivattatuqanginnik, niqitsiavalirinirmik, amma saqqitausimajunik niqitsiavalirinirmut ukiurtartumi piliriangujunit.
- “Nunaliit Uqausingit: Unikkaat Amma Sugiallagutiqarniq”– tavvani katimatillugit uqalimajiqarajaqtut pijjutiqaqtunik katsungaigiarrutaugajartunik ajjigiingittunuangalulik piliriaksanik, piqasiautilugu naalautikkut ilisainiq niqqitsiavalirinirmut nunaqaqqaarsimajut nunalinginni, amma inutuqait unikkaarningitigut Inuit nunanginni.
- “Katirsursimajunik tukisigiarviksanik aturningit nunalinni piliritjusiminik atursutik” – tavvani katimanirmi uqausiqaluarajartut tamakkua tukisigiarviksait katirsurtausimajut qanuq aturtaujunnarmangaata atuutiqatsiartukkut piliriangujutigut, amma uqalimajiqarajaqtut Pauktuutikkunnik Inuit Arnait Kanatami, uqausiqalutik Inuit arnait ilainnaartaugiaqanginninginnik qimirrusimaninginnik niqilirinirmik.
Ammalu Inuit Tuttarvingat, inunnuangajunik ikajurutiksalirivattut tavvani Kanatami Nunaqaqaarsimajunut Aaniarnanginnilirinirmut Katujjiqatigiit, uqausiqarajarmijut amisunik kajusitigiarsimalirtaminik, ukuningalu isumakkut qanuingitsiaraqarniq, qanuingitsiariaqarnirmik kajungiqsuiniq amma qanuingitsiarasuarnirmut uqausiit, irnisuksiijiliriniq, amma iliqqusiminik aturlutik\upigusullutik katsungainnirsaugunnarninginnik.
Qangatajuut, Canadian North angijukallammarimmik akikiliigiarsimavut qangattautinik ukurtartumiunut. Tukisigiakkannirumajuqaruni ingirrautiksait miksaanut, atiliuriaqarnimmullu amma katimajjutiksait miksaanut uvani atuinnauvu www.naho.ca. takujumagaluarpasi katimarjuarniqaqtillgit taijaujumik “Inuqutivut, qanuinginnirput”.
